Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଞ୍ଜାମ ଦିଗପହଣ୍ଡିରେ ଅପରାଧୀର ଛୁରା ମାଡରେ ଅପରାଧୀ ମୃତ
  • ||
  • ବାଙ୍କୀରେ ପୂର୍ବ ଶତ୍ରୁତାକୁ କେନ୍ଦ୍ର କରି ବୋମାମାଡରେ ଜଣଙ୍କର ମୃତ୍ୟୁ
  • ||
  • କେନ୍ଦୁଝର ନୟାକୋଟରେ ସ୍ତ୍ରୀକୁ ଟାଙ୍ଗିଆରେ ହାଣିଲା ସ୍ବାମୀ
  • ||
  • ଗୁଜୁରାଟରେ ସ୍ତ୍ରୀକୁ ହତ୍ୟା ପରେ ଦୁଇ ସନ୍ତାନ ସହ ନିଜ ଦେହରେ ପେଟ୍ରୋଲ ଢାଳି ନିଆଁ ଲଗାଇଦେଲେ ଯୁବକ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୬୯୫ କରୋନା ସଂକ୍ରମିତ
  • ||
  • ଆସୁଛି ଆଉ ଏକ ଲଘୁଚାପ ! ନଭେମ୍ବର ପହିଲାରୁ ପୁଣି ବର୍ଷାର ସମ୍ଭାବନା
  • ||
  • ଆମେରିକୀୟ ନୌସେନା ବିମାନ ଦୁର୍ଘଟଣାଗ୍ରସ୍ତ, ଦୁଇ ପାଇଲଟଙ୍କ ମୃତ୍ୟୁ
  • ||
  • ଭୁଆସୁଣୀ ଛକରେ ସିରିଜ୍ ଦୁର୍ଘଟଣା, ୨ ଗୁରୁତର
  • ||

ବିଜେଡିରେ ଦିଲ୍ଲୀପ ରାୟ ! ବିଜୟ କେବେ ?

27/11/2018 at 11:45 AM

ଭୁବନେଶ୍ବର ୨୭|୧୧ : ବିଜେପି ବିଧାୟକ ଦିଲ୍ଲୀପ ରାୟ ଦଳ ଛାଡିବାର ଇସାରା ଦେଇସାରିଥିବା ବେଳେ ବିଜେଡିରେ ଯୋଗଦେବା ଆପତତଃ ସ୍ପଷ୍ଟ ହୋଇଛି । ଦିଲ୍ଲୀପ ରାୟଙ୍କ ପୁଅ ଜୟନ୍ତ ରାୟ ଫେସବୁକ୍ ଆକାଉଣ୍ଟରେ ବିଜେଡିର ଲୋଗୋ ପୋଷ୍ଟ କରି ଏହି ଆେଲାଚନାକୁ ଅଧିକ ଦୃଢ କରିଛନ୍ତି ।  ରାଉରକେଲାରେ ଆଇଜିଏଚ୍ ହସ୍ପିଟାଲ ଓ ବ୍ରାହ୍ମଣୀ ସେତୁ ତିଆରି ପ୍ରସଙ୍ଗକୁ ନେଇ ଅସନ୍ତୋଷ ପ୍ରକାଶ କରିଥିଲେ ଦିଲ୍ଲୀପ ରାୟ । ଆଉ ସେଥିଲାଗି ସେ ଲୋକଙ୍କ ପାଖରେ ନିନ୍ଦିତ ହେଉଥିବାରୁ ଦଳ ସାଥ ଛାଡିବା ନେଇ ନିଷ୍ପତ୍ତି ନେଇ ଥାଇପାରନ୍ତି ବୋଲି ଚର୍ଚ୍ଚା ହେଉଛି । ତେବେ ବିଜୟ ମହାପାତ୍ର ଦିଲ୍ଲୀପଙ୍କ ସହ ସ୍ବର ମିଳାଇଛନ୍ତି । ସେ କହିଥିଲେ ଦିଲ୍ଲୀପ ଯେଉଁ ପ୍ରଶ୍ନ ଉଠାଇଛନ୍ତି ତାହା ସମସ୍ତେ ଜାଣିଛନ୍ତି । ଯେତେବେଳେ ଜଣେ ବିଧାୟକ ନିଜ ଅଞ୍ଚଳରେ ଅପମାନିତ ଓ ନିନ୍ଦିତ ହେବେ ସେତେବେଳେ ସେ ବାଧ୍ୟ ହୋଇ ଏମିତି ନିଷ୍ପତ୍ତି ନେବେ ।  ତେବେ ଦିଲ୍ଲୀପ ରାୟ ଏବଂ ବଜୟ ମହାପାତ୍ର ଏକପ୍ରକାର କଣ ଠେସା ହୋଇ ଦଳରେ ରହିଥିଲେ । ପୂର୍ବରୁ ଦାମ ରାଉତଙ୍କ ନୂଆ ଦଳରେ ଏମାନେ ଯୋଗଦେବେ ବୋଲି ଆକଳନ କରାଯାଉଥିଲା । ତେବେ ଦାମ ବ୍ରଜ ତ୍ରିପାଠୀଙ୍କ ସମତା କ୍ରାନ୍ତି ଦଳ ସହ ଯିବା ପରେ ଏହି ଆଲୋଚନା ଏବଂ ସମ୍ଭାବନାରେ ପୂର୍ଣ୍ଣଚ୍ଛେଦ ପଡିଥିଲା । ସୂଚନାଯୋଗ୍ୟ ଯେ, କିଛିଦିନ ତଳେ ଦିଲ୍ଲୀପ ରାୟ, ବିଜୟ ମହାପାତ୍ର, ପଞ୍ଚାନନ କାନୁନଗୋ ଆଦି ନେତାମାନେ ପୁଣି ଦଳକୁ ଫେରିବା ନେଇ ଚର୍ଚ୍ଚା ଜୋର ଧରିଥିଲା ।  ତେବେ ଦିଲ୍ଲୀପ ରାୟ ବିଜେଡିକୁ ଫେରିବା ନେଇ କୌଣସି ଅସୁବିଧା ନଥିବା ବେଳେ ବିଜୟ ମହାପାତ୍ରଙ୍କୁ ଏବେବି ବିଜେଡିର ଏକ ଗୋଷ୍ଠୀ ଗ୍ରହଣ କରୁଥିବା କୁହାଯାଉଛି । ତେବେ ବର୍ତ୍ତମାନ ଦାମ ନୂଆ ଦଳ କରିବା ସହ ସବୁ ବିଜୁ ପ୍ରେମୀଙ୍କୁ ଏକାଠି କରିବା ପାଇଁ ଦେଇଥିବା ଆହ୍ବାନ ବିଜେଡି ନେତୃମଣ୍ଡଳିଙ୍କୁ ଚିନ୍ତିତ କରିଥିଲା । ଏଥିପାଇଁ ଦାମ ଏ ଦିଗରେ କୌଣସି ପଦକ୍ଷେପ ନେବା ପୂର୍ବରୁ ବିଜେଡି ସବୁ ବିଜୁ ପ୍ରେମୀଙ୍କୁ ଦଳକୁ ଫେରାଇ ଆଣିବା ପାଇଁ ଉଦ୍ୟମ କରିବା ଏକ ସ୍ବାଭାବିକ ରାଜନୈତିକର ଗୋଟି ଚାଳନା ବୋଲି କୁହାଯାଇପାରେ ।

ଦିଲ୍ଲୀପ ରାୟ ବିଜେଡିରେ ମିଶିଥିବା ଚର୍ଚ୍ଚାରେ ପୁଣି ଏକ ଟ୍ବିଷ୍ଟ୍ । ସୂଚନା ଅନୁସାରେ ଦିଲ୍ଲୀପ ରାୟଙ୍କ ପୁଅ ଜୟନ୍ତ ରାୟ ତାଙ୍କ ଫେସବୁକ୍ ରେ ବିଜେଡିର ଲୋଗୋ ଥିବା ପୋଷ୍ଟଟିକୁ ହଟାଇଦେବା ସହ ଅନ୍ୟ ଏକ ପୋଷ୍ଟ କରିଛନ୍ତି । ଯେଉଁଥିରେ ତାଙ୍କ ପୋଷ୍ଟଟି ହ୍ୟାକ୍ ହୋଇଥିବା ସେ ଉଲ୍ଲେଖ କରିବା ସହ ପୋଷ୍ଟକୁ ନେଇ ରାଜନୀତି ନକରିବା ପାଇଁ କହିଛନ୍ତି ।

ଏହି ଷ୍ଟୋରିଟିକୁ ବି ପଢନ୍ତୁ ଦିଲ୍ଲୀପ ରାୟଙ୍କ ରାଜନୈତିକ ଆଭିମୁଖ୍ୟ କ’ଣ ? ଜୟନ୍ତ ରାୟଙ୍କ ଫେସବୁକ୍ ପୋଷ୍ଟ ସୃଷ୍ଟି କରୁଛି ଦ୍ବନ୍ଦ୍ବ

   Related Posts