ନୂଆଦିଲ୍ଲୀ ୧୯/୦୭ :  ମାଆ ହେବା ସବୁ ନାରୀମାନଙ୍କର ଖୁସିର ମୁହୁର୍ତ୍ତ । ଯେତେବେଳେ ଝିଅଟେ ମାଆ ହୁଏ ତାର ପ୍ରକୃତ ଜୀବନର ମୂଲ୍ୟ ସାର୍ଥକ ହୋଇଥାଏ । ସେହି ମୁହୂର୍ତ୍ତଟି ତାଙ୍କ ପାଇଁ ମୂଲ୍ୟବାନ ହୋଇଥାଏ । କିନ୍ତୁ କେବେ କେବେ ଏହି ମୁହୁର୍ତ୍ତକୁ ଅନୁଭବ କରିବା ପୂର୍ବରୁ ତାଙ୍କ ପ୍ରଥମ ସନ୍ତାନକୁ ହରାଇ ଦେଇଥାନ୍ତି । ଯାହାକି ବହୁତ କଷ୍ଟ ଦେଇଥାଏ । ଏହି ଅନୁଭବରୁ ସାଧାରଣ ନାରୀ ବା ଦମ୍ପତିଙ୍କ ଠାରୁ ସେଲିବ୍ରିଟି ପର୍ଯ୍ୟନ୍ତ କେହିବି ବାହାରେ ନୁହଁନ୍ତି ।

ବଲିଉଡର ଏମିତି କିଛି ଦମ୍ପତି ଅଛନ୍ତି ଯେଉଁମାନେ ତାଙ୍କର ପ୍ରଥମ ସନ୍ତାନକୁ ହରାଇବାର ଦୁଃଖକୁ ଏବେବି ଭୁଲି ପାରିନାହାନ୍ତି । ସେହି ତାଲିକାରେ ଦିଲ୍ଲୀପ କୁମାର –ସାଇରା ବାନୁଙ୍କ ଠାରୁ କାଜୋଲ-ଅଜୟ ଦେବଗନଙ୍କ ପର୍ଯ୍ୟନ୍ତ ଅନେକ ତାରକାଙ୍କ ନାମ ଆସିଛି ।

ଅମୀର ଖାନ ଓ କିରଣ ରାଓ – ଅମୀର ଖାନ ଓ କିରଣ ରାଓ ଦୁହେଁ ୨୦୦୫ ମସିହାରେ ବିବାହ କରିଥିଲେ । ୨୦୦୯ରେ ନିଜର ପ୍ରଥମ ସନ୍ତାନକୁ ନେଇ ଗର୍ଭବତୀ ଥିଲେ । ଦୁହିଁଙ୍କୁ ଏହି ଖବର ବହୁତ ଖୁସି କରାଇଥିଲା ।  କିନ୍ତୁ କୌଣସି କାରଣରୁ ତାଙ୍କର ସନ୍ତାନଟି ନଷ୍ଟ ହୋଇଯାଇଥିଲା । ଏନେଇ ଅମୀର କହିଥିଲେ କି କିରଣ ଓ ମୁଁ ଆମର ପିଲାକୁ ହରାଇଥିଲୁ । ହେଲେ ଏହି ଘଟଣାକୁ ଏଡାଇ ପାରିଲୁ ନାହିଁ । ଗତ ୨ମାସ ଆମ ପାଇଁ ବହୁତ ସଂର୍ଘଷପୂର୍ଣ୍ଣ ଥିଲା ।

{"width":826,"height":779}

ଶିଳ୍ପା ସେଟ୍ଟୀ ଓ ରାଜ୍ କୁନ୍ଦ୍ରା- ବଲିଉଡ ଇଣ୍ଡଷ୍ଟ୍ରିର ସବୁଠାରୁ ଫିଟ୍ ଅଭିନେତ୍ରୀ ଶିଳ୍ପା ସେଟ୍ଟୀ, ରାଜ କୁନ୍ଦ୍ରାଙ୍କୁ ୨୦୦୯ ମସିହାରେ ବିବାହ କରିଥିଲେ । ବିବାହର ଦୁଇ ବର୍ଷ ପରେ ଅର୍ଥାତ୍ ୨୦୧୨ରେ ପୁଅର ବିଆନର ଜନ୍ମ ହୋଇଥିଲା । କିନ୍ତୁ ଏହା ବହୁତ କମ୍ ଲୋକ ଜାଣିଛନ୍ତି କି ତାଙ୍କ ପୁଅର ଜନ୍ମ ପୂର୍ବରୁ ଶିଳ୍ପାଙ୍କର ଗର୍ଭନଷ୍ଟ ହୋଇଥିଲା । ଏ ବିଷୟରେ ଶିଳ୍ପା ଆଲୋଚନା ବେଳେ କହିଥିଲେ କି ଯେତେବେଳେ ମୁଁ ଜାଣିଲି କି ମୁଁ ଗର୍ଭବତୀ ଅଛି ବହୁତ ଖୁସି ହୋଇଯାଇଥିଲି । ହେଲେ ପରେ ମୋର ଗର୍ଭନଷ୍ଟ ହୋଇଯାଇଥିଲା। ଯାହାକି ମୋ ପାଇଁ ବହୁତ କଷ୍ଟ ଦାୟକ ସମୟ ଥିଲା । ଏହା ସହ ସେ କହିଥିଲେ କି ଭାବିଥିଲି  ମୁଁ ଆଉ କେବେ ମା ହୋଇପାରିବି ନାହିଁ ।

{"width":772,"height":429}

ଶାହାରୁଖ ଖାନ ଓ ଗୌରି ଖାନ୍ – ବଲିଉଡ ଇଣ୍ଡଷ୍ଟ୍ରିର ସବୁଠାରୁ ପାୱାର ଫୁଲ କପଲ ଭାବେ ଜଣାଶୁଣା ଶାହାରୁଖ ଓ ଗୌରୀ । ଦୁହିଁଙ୍କ ସମ୍ପର୍କ ୨୬ ବର୍ଷ ଧରି ଦୃଢତା ସହ ତିଷ୍ଠି ରହି ଆସିଛି । ତାଙ୍କର ବର୍ତ୍ତମାନ ତିନୋଟି ସନ୍ତାନ ରହିଛି ।  ଆର୍ଯ୍ୟନ, ସୁହାନା, ଅବରାମ । କିନ୍ତୁ ଗୌରୀଙ୍କର ୧୯୯୭ ମସିହାରେ ଗର୍ଭନଷ୍ଟ ହୋଇଯାଇଥିଲା । ସେ ଏକ ଶୋ,ରେ ଏହାର ଖୁଲାସ କରି କହିଥିଲେ ।

{"width":805,"height":751}

ଦିଲ୍ଲୀପ କୁମାର ଓ  ସାଇରା ବାନୁ – ବଲିଉଡର ଭେଟରାନ ଅଭିନେତା ଦିଲ୍ଲୀପ କୁମାର ଓ ତାଙ୍କ ପତ୍ନୀ ସାଇରା ବାନୁ ଦୁହେଁ ଇଣ୍ଡଷ୍ଟ୍ରିର ଖୁବ୍ ପରିଚିତ ଓ ଲୋକପ୍ରିୟ । ଦିଲ୍ଲୀପ ସାଇରାଙ୍କ ଠାରୁ ୨୨ ବର୍ଷ ବଡ ଥିଲେ ମଧ୍ୟ କାହାରି କଥା ଚିନ୍ତା ନକରି ୧୯୬୬ ମସିହାରେ ଦୁହେଁ ବିବାହ କରିଥିଲେ । ୧୯୭୨ ମସିହାରେ ସାଇରା ଗର୍ଭବତୀ ହୋଇଥିଲେ । ସାଇରା ୮ ମାସର ଗର୍ଭବତୀ ଥିବା ବେଳେ ଉଚ୍ଚ ରକ୍ତଚାପ ଯୋଗୁଁ ତାଙ୍କର ଗର୍ଭନଷ୍ଟ ହୋଇଯାଇଥିଲା । ଏହା ପରଠାରୁ ସେ କେବେ ମାଆ ହୋଇ ପାରିଲେ ନାହିଁ ।

ଡିମ୍ପି ଗାଙ୍ଗୁଲି ଓ ରାହୁଲ ମହାଜନ – ଡିମ୍ପି ଓ ରାହୁଲ ଦୁହେଁ ୨୦୧୦ ମସିହାରେ ନ୍ୟାଶନାଲ ଟେଲିଭିଜନରେ ବିବାହ କରିଥିଲେ । ତାଙ୍କର ଏହି ବିବାହ ଅଧିକ ଦିନ ତିଷ୍ଠି ପାରି ନଥିଲା । ବିବାହର କିଛି ମାସ ପରେ ଡିମ୍ପି ଗର୍ଭବତୀ ହୋଇଥିଲେ । ଗର୍ଭବତୀ ହେବାର କିଛି ସପ୍ତାହ ମଧ୍ୟରେ ତାଙ୍କର ଗର୍ଭନଷ୍ଟ ହୋଇଯାଇଥିଲା । କିଛି ବର୍ଷ ପରେ ଡିମ୍ପି ରାହୁଲଙ୍କ ନାମରେ ଘରୋଇ ହିଂସାର ଅଭିଯୋଗ ଆଣିଥିଲେ ପରେ ଦୁହିଁଙ୍କର ଛାଡପତ୍ର ହୋଇଥିଲା । ବର୍ତ୍ତମାନ ଡିମ୍ପି ଦୁବାଇରେ ରହୁଥିବା ବନ୍ଧୁ ରୋହିତ ରୟଙ୍କୁ ବିବାହ କରିଥିଲେ । ଦୁହିଁଙ୍କର ଏବେ ଗୋଟିଏ ଝିଅ ଅଛି ।

{"width":812,"height":732}

କାଜଲ ଓ ଅଜୟ ଦେବଗନ- ଏହି ଲୋକପ୍ରିୟ ଷ୍ଟାର ଦମ୍ପତି ୧୯୯୯ ମସିହାରେ ମରାଠୀ ରୀତିନୀତି ଅନୁଯାୟୀ ବିବାହ କରିଥିଲେ । ୨୦୦୩ରେ ଦୁହିଁଙ୍କର ଗୋଟିଏ ଝିଅ ହୋଇଥିଲା । ଝିଅ ସନାୟା ପୂର୍ବରୁ ତାଙ୍କର ପ୍ରଥମ ସନ୍ତାନ ପାଇଁ ଗର୍ଭବତୀ ଥିଲେ । ହେଲେ ଏକ୍ସଟୋପିକ୍ ଗର୍ଭାବସ୍ଥା ଯୋଗୁଁ ତାଙ୍କର ଗର୍ଭନଷ୍ଟ ହୋଇଯାଇଥିଲା । ପ୍ରେଗନେସ୍ସିର ୬ ସପ୍ତାହ ପରେ ଜଣାପଡିଥିଲା ପିଲାଟି କାଜୋଲଙ୍କ ସ୍ବାସ୍ଥ୍ୟ ପାଇଁ ଠିକ୍ ନୁହେଁ ।

{"width":805,"height":452}