ଚଣ୍ଡିଖୋଲ ୨୨।୬: ଚୋରା ଡିଜେଲ ଜବତ କରିବା ସହ ଜଣଙ୍କୁ ଗିରଫ କରିଛି ପୋଲିସ । ଯାଜପୁର ଜିଲ୍ଲା ୫୩ ନମ୍ବର ଜାତୀୟ ରାଜପଥର ଆରୁହା ଛକରେ ଏକ କ୍ୟାବିନରୁ ୨୦୦ ଲିଟର ଡିଜେଲ ଜବତ କରିଛି ଧର୍ମଶାଳା ପୋଲିସ । ଦୀର୍ଘ ଦିନ ଧରି ଏଠାରେ ବିଭିନ୍ନ ତେଲ ଟ୍ୟାଙ୍କରରୁ ଡିଜେଲ କମ୍ ଦାମରେ କଢାଯାଇ ଅନ୍ୟତ୍ର ବିକ୍ରି କରାଯାଉଛି । ତେଲ ଟ୍ୟାଙ୍କର ଡ୍ରାଇଭର ଓ ତେଲ ବେପାରୀ ମିଶି ଡିଜେଲକୁ ବିକ୍ରି କରି ମାଲେମାଲ ହେଉଛନ୍ତି ।
{"id":469447,"width":749,"height":400,"sizeSlug":"large","linkDestination":"none"}ଯାହାକୁ ନେଇ ଧର୍ମଶାଳା ପୋଲିସ ଚଢାଉ କରି କ୍ୟାବିନରେ ଗଚ୍ଛିତ ଥିବା ୨୦୦ ଲିଟର ଡିଜେଲ ଜବତ କରିବା ସହ ଜଣକୁ ଗିରଫ କରିଛି ପୋଲିସ । ଏହା ପୂର୍ବରୁ ମଧ୍ୟ ଶ୍ରୀରାମପୁରଠାରେ ମଧ୍ୟ ପୋଲିସ ଚଢାଉ କରି ଡିଜେଲ ଜବତ କରିଥିଲା । ବର୍ଷ ବର୍ଷ ଧରି ୫୩ ନମ୍ବର ଜାତୀୟ ରାଜପଥରେ ଏହିଭଳି ବେଆଇନ ଚୋରା ତେଲ କାରବାର ଚାଲୁ ରହିଛି।