ପାଟଣା, ୧୩|୧୨: କେନ୍ଦୁଝର ଜିଲ୍ଲା ତୁରୁମୁଙ୍ଗା ପୋଲିସ ଡିଜେଲ ଚୋରି ଅଭିଯୋଗରେ ଏକ ଠିକା ସଂସ୍ଥାର ୩ ଜଣ କର୍ମଚାରୀଙ୍କୁ ଗିରଫ କରିଛି । ଗିରଫ ବ୍ୟକ୍ତିମାନେ ୪୯ ନମ୍ବର ଜାତୀୟ ରାଜପଥ ସମ୍ପ୍ରସାରଣ କାର୍ଯ୍ୟରେ ନୟୋଜିତ ଏକ ଠିକା ସଂସ୍ଥାରେ ନିୟୋଜିତ ଥିଲେ ।
ଗିରଫ ୩ କର୍ମଚାରୀ ହେଲେ ଉତ୍ତର ପ୍ରଦେଶ ବଳିଆ ଜିଲ୍ଲା ମୁନଛାପରା ଗ୍ରାମର ଗୁଲ ମହମ୍ମଦ, ବିହାର ଜାହାନାବାଦ ଜିଲ୍ଲାର ଫିଦାହୁସେନ ଗ୍ରାମର ଏମ୍ ଡି ସରାଫାତ ଓ ଝାଡଖଣ୍ଡ ମରାଡି ଜିଲ୍ଲା ନିଚିତାପୁର ଗ୍ରାମର ଏମଡି ଆତାବୁଦ୍ଦିନ ଆନସାରି। ଗତ ବୁଧବାର ରାତିରେ ସେମାନେ ଏକ କମ୍ପାନୀର ଡୁମୁରିଗୋଡ଼ା ସ୍ଥିତ କ୍ୟାମ୍ପରୁ ଡିଜେଲ ଚୋରି କରୁଥିବା ବେଳେ ଅନ୍ୟ କର୍ମଚାରୀଙ୍କ ହାବୁଡ଼ରେ ପଡି ଯାଇଥିଲେ । ଏନେଇ କମ୍ପାନୀର ସିନିୟର ମ୍ୟାନେଜର ଚିନ୍ମୟ ଶତପଥୀ ତୁରୁମୁଙ୍ଗା ଥାନାରେ ଅଭିଯୋଗ କରିଥିଲେ । ତୁରୁମୁଙ୍ଗା ପୋଲିସ ୫୫ ଲିଟର ଡିଜେଲ ଜବତ କରି ସମସ୍ତଙ୍କୁ କୋର୍ଟ ଚାଲାଣ କରିଥିବା ଥାନା ଅଧିକାରୀ ମଦନ ମୋହନ ନାଏକ ସୁଚନା ଦେଇଛନ୍ତି ।
