Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁଜିବ ଓ ରଶିଦଙ୍କ ଘାତକ ବୋଲିଂ, ସ୍କଟଲାଣ୍ଡକୁ ୧୩୦ ରନରେ ହରାଇଲା ଆଫଗାନିସ୍ତାନ
  • ||
  • ଇଣ୍ଡିଆନ ପ୍ରିମିୟର ଲିଗ୍ (IPL)ରେ ସାମିଲ ହେଲେ ଆଉ ୨ଟି ନୂଆ ଟିମ । ୨ ଟିମ ଅହମ୍ମଦାବାଦ ଏବଂ ଲକ୍ଷ୍ନୌ ଆସନ୍ତାବର୍ଷ ହେବାକୁ ଥିବା ଆଇପିଏଲରେ ଅଂଶଗ୍ରହଣ କରିବେ ।
  • ||
  • ରାଜ୍ୟରେ ସୁସ୍ଥ ହେଲେ ଆଉ ୩୬୦ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୧୮୦ ଡିସଚାର୍ଜ
  • ||
  • ସତ ହେଲା ଧୋନୀଙ୍କ ଭବିଷ୍ୟବାଣୀ, ୫ ବର୍ଷ ତଳେ କହିଥିଲେ- ଦିନେ ଏମିତି ହେବ…
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୨୫ କୋଭିଡ୍ ପଜିଟିଭ୍
  • ||
  • ପଡୋଶୀ ଘରୁ ମିଳିଲା ଯୁବକଙ୍କ ଝୁଲନ୍ତା ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ୨ ପରିବାର ମଧ୍ୟରେ ରକ୍ତାକ୍ତ ସଙ୍ଘର୍ଷ : ୮ ଗୁରୁତର, ବୁଲିଲା ଟାଙ୍ଗିଆ ଓ କଟୁରୀ
  • ||
  • କାର୍ତ୍ତିକ ମାସର ପ୍ରଥମ ସୋମବାର : ଧବଳେଶ୍ୱର ପୀଠରେ ୧୪୪ ଧାରା, ମନ୍ଦିର ଖାଁ ଖାଁ
  • ||
  • ୫ ଦିନ ଯାଏଁ ଖସିବନି ପାରଦ, ୨୮ରୁ କାଁ ଭାଁ ବର୍ଷା
  • ||

ଅଧିନାୟକ ଭାବେ ୭ମ ମ୍ୟାଚ୍‌ରେ ଧୋନୀ ଜିତିଥିଲେ ଆଇସିସି ଟ୍ରଫି, ୨୦୦ ମ୍ୟାଚ୍‌ ପରେ ବି କୋହଲିଙ୍କ ହାତ ଖାଲି

16/05/2021 at 8:57 PM

ନୂଆଦିଲ୍ଲୀ ୧୭।୦୫: ବିଶ୍ଵ ଟେଷ୍ଟ ଚମ୍ପିଆନସିପ୍‌ର ଫାଇନାଲ୍‌କୁ ପାଖାପାଖି ଗୋଟିଏ ମାସ ସମୟବାକି ରହିଛି। ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଜୁନ ୧୮ ରୁ ୨୨ ପର୍ଯ୍ୟନ୍ତ ଇଂଲଣ୍ଡର ସାଉଥମ୍ପଟମ ମଇଦାନରେ ଏହି ମୁକାବିଲା ଖେଳାଯିବ। ସବୁଠୁ ଅଧିକ ନଜର ବିରାଟ କୋହଲିଙ୍କ ଉପରେ ରହିବ। କାରଣ ଅଧିନାୟକ ଭାବେ ବିରାଟ କୋହଲି ଗୋଟିଏ ହେଲେ ଆଇସିସି ଟ୍ରଫି ଜିତି ପାରି ନାହାନ୍ତି। ଭାରତ ପକ୍ଷରୁ ଅଧିନାୟକ ଭାବେ ମହେନ୍ଦ୍ର ସିଂହ ଧୋନୀ ଓ କପିଲ ଦେବ ଆଇସିସି ଟ୍ରଫି  ଜିତି ପାରିଛନ୍ତି।

ବିରାଟ କୋହଲି ଭାରତ ପକ୍ଷରୁ ୨୦୦ ଅନ୍ତରାଷ୍ଟ୍ରୀୟ ମ୍ୟାଚ୍‌ରେ ଅଧିନାୟକ କରି ସାରିଛନ୍ତି। ତଥାପି ଏ ପର୍ଯ୍ୟନ୍ତ ଭାରତକୁ ଗୋଟିଏ ହେଲେ ଆଇସିସି ଟ୍ରଫି ଦେଇ ପାରି ନାହାନ୍ତି। ସବୁଠୁ ଅଧିକ ମ୍ୟାଚ୍‌ରେ ଅଧିନାୟକ ରହିବା ମାମଲାରେ କୋହଲି ତୃତୀୟ ସ୍ଥାନରେ ଅଛନ୍ତି। ତାଙ୍କ ଉପରେ ରହିଛନ୍ତି ମହେନ୍ଦ୍ର ସିଂହ ଧୋନୀ(୩୩୨) ଓ ମହମ୍ମଦ ଆଝାରୁଦ୍ଦୀନ(୨୨୧)। ଧୋନୀ ଅଧିନାୟକ ରହି ଭାରତକୁ ଟି-୨୦ ବିଶ୍ଵ କପ୍, ଦିନିକିଆ ବିଶ୍ଵ କପ୍ ଓ ଚମ୍ପିଆନ୍ସ ଟ୍ରଫି ଚମ୍ପିଆନ କରାଇଛନ୍ତି। ସେ ଆଇସିସିର ତିନି ଅଲଗା ଅଲଗା ଟୁର୍ଣ୍ଣାମେଣ୍ଟରେ ଦଳକୁ ଜିତାଇବାରେ ଦୁନିଆର ଏକ ମାତ୍ର ଅଧିନାୟକ।

କପିଲ ଦେବ ୨୦ତମ ମ୍ୟାଚ୍

ଭାରତୀୟ କ୍ରିକେଟ୍ ଦଳ କପିଲ ଦେବଙ୍କ ନେତୃତ୍ଵରେ ୧୯୮୩ରେ ପ୍ରଥମ ବିଶ୍ଵକପ୍ ଜିତିଥିଲା। ଭାରତ ଫାଇନାଲରେ ଦୁର୍ଦ୍ଦଷ ଓ୍ଵେଷ୍ଟଇଣ୍ଡିଜକୁ ପରାସ୍ତ କରି ପ୍ରଥମ ଥର ବିଶ୍ଵ କପ୍ ଜିତି ଇତିହାସ ରଚିଥିଲା। ଅଧିନାୟକ ଭାବେ କପିଲ ଦେବଙ୍କ ଏହା ୨୦ତମ ମ୍ୟାଚ୍ ଥିଲା। ସେହି ପରି ମହେନ୍ଦ୍ର ସିଂହ ଅଧିନାୟକ ଭାବେ ମାତ୍ର ୭ମ ମ୍ୟାଚ୍‌ରେ ଆଇସିସି ଟ୍ରଫି ଜିତିଥିଲେ। ୨୦୦୭ ଦକ୍ଷିଣ ଆଫ୍ରିକାରେ ଅନୁଷ୍ଠିତ ଟି-୨୦ ବିଶ୍ଵ କପ୍‌ର ଫାଇନାଲ୍‌ରେ ଭାରତ ପାକିସ୍ତାନକୁ  ହରାଇ ଚମ୍ପିଆନ ହୋଇଥିଲା।

ବିଜୟ ମାମଲାରେ କୋହଲି ଦ୍ଵିତୀୟରେ

ଏମଏସ ଧୋନୀ ଅଧିନାୟକ ଭାବେ ସର୍ବାଧିକ ମ୍ୟାଚ୍‌ରେ  ବିଜୟୀ ହୋଇଛନ୍ତି। ସେ ୩୩୨ ମ୍ୟାଚ୍‌ରେ ଦଳର ନେତୃତ୍ଵ ନେଇ ୧୭୮ରେ  ବିଜୟ ହାସଲ କରିଛନ୍ତି। ୧୨୦ ମୁକାବିଲାରେ ଦଳ ପରାଜିତ ହୋଇଛି। ୬ ମ୍ୟାଚ୍ ଟାଇ ରହିଥିବା ବେଳେ ୧୫ ମୁକାବିଲା ଡ୍ର ରହିଛି। ଅନ୍ୟପଟେ  ବିରାଟ କୋହଲି ୨୦୦ ମ୍ୟାଚ୍‌ରେ ଦଳର ଅଧିନାୟକ ରହି ସାରିଛନ୍ତି। ଏଥିରୁ ୧୨୮ଟିରେ ଦଳ ବିଜୟୀ ହୋଇଥିବା ବେଳେ ୫୫ଟିରେ ପରାସ୍ତ ହୋଇଛି। ୩ ଟାଇ ରହିଥିବା ବେଳେ ୧୦ ଡ୍ର ରହିଛି। ଆଝାରୁଦ୍ଦୀନଙ୍କ ନେତୃତ୍ଵରେ ଭାରତ ୧୦୪ ମୁକାବିଲା ଜିତିଥିବା ବେଳେ ୧୦୦ରେ ପରାସ୍ତ ହୋଇଛି।

   Related Posts