Prameya News7

Prameya News7, News7 Odia, Odisha Latest News, Odisha Current Headlines, Odisha News Online

‘ବୋଲରଙ୍କ ଉପରେ ଭରସା କରୁନଥିଲେ ଧୋନୀ’, ସାଙ୍ଘାତିକ ଅଭିଯୋଗ ଆଣିଲେ ଇରଫାନ ପଠାନ

28/06/2020 at 3:05 PM

ନୂଆଦିଲ୍ଲୀ, ୨୮|୦୬: ମହେନ୍ଦ୍ର ସିଂ ଧୋନୀ ଭାରତୀୟ ଅଧିନାୟକ ଥିବା ବେଳେ ଦଳକୁ ଅନେକ ଉପଲବ୍ଧି ପ୍ରଦାନ କରିଛନ୍ତି । ସେ ସମସ୍ତ ଆଇସିସି ଟ୍ରିଫି ଜିତିଥିବା ଏକମାତ୍ର ଭାରତୀୟ ଅଧିନାୟକ । ସେ ନିଜ ସାଥି ଖେଳାଳିଙ୍କ ପ୍ରତି ଅଧିକ ବିଶ୍ୱାସ କରୁଥିବାର ନଜିର ରହିଛି । କିନ୍ତୁ ଦଳର ପୂର୍ବତନ ଦ୍ରୁତ ବୋଲର ଇରଫାନ ପଠାନ ଧୋନୀଙ୍କ ବିରୋଧରେ ସାଙ୍ଘାତିକ ଅଭିଯୋଗ ଆଣିଛନ୍ତି । ଧୋନୀ ବୋଲରଙ୍କ ଉପରେ ବିଶ୍ୱାସ ନୁହେଁ ସେମାନଙ୍କୁ ନିୟନ୍ତ୍ରଣରେ ରଖିବାକୁ ଚାହୁଁଥିଲେ ବୋଲି ସେ କହିଛନ୍ତି ।

ଇରଫାନ କହିଛନ୍ତି ଯେ, ଧୋନୀ ୨୦୦୭ରେ ଦଳର ନେତୃତ୍ୱ ନେଇଥିଲେ । ସେତେବେଳେ ସେ ବୋଲରଙ୍କୁ ନିୟନ୍ତ୍ରଣ କରିବାକୁ ଚାହୁଁଥିଲେ । କିନ୍ତୁ ୨୦୧୩ ପରେ ହିଁ ସେ ବୋଲରଙ୍କୁ ଭରସା କରିଇଲେ । ଏହି ସମୟରେ ସେ କ୍ୟାପଟେନ୍ କୁଲ୍ ଥିଲେ ।

ଇରଫାନ ୨୦୦୭ ଟି୨୦ ବିଶ୍ୱକପ ଓ ୨୦୧୩ ଚାମ୍ପିଅନ୍ସ ଟ୍ରଫି ଜିତିଥିବା ଦଳର ସଦସ୍ୟ ରହିଥିଲେ । ତେବେ ଧୋନୀ ସମୟ ବିତିବା ସହ ନିଜ ନେତୃତ୍ୱ ଷ୍ଟାଇଲରେ ପରିବର୍ତ୍ତନ କରିଥିଲେ । ୨୦୦୭ରେ ସେ ନେତୃତ୍ୱ ନେବା ବେଳେ ଅଧିକ ଉତ୍ସାହିତ ଥିଲେ । ପରେ କିନ୍ତୁ ସେ କଣ କରିବା ଆବଶ୍ୟକ ବୁଝିଥିଲେ । ସେତେବେଳେ ଟିମ୍‌ର ବୈଠକ ମାତ୍ର ୫ ମିନିଟରେ ସରିଯାଉଥିଲା । ଧୋନୀ କଠିନ ପରିସ୍ଥିତିରେ ସ୍ପିନରଙ୍କୁ ବୋଲିଂ ଦାୟିତ୍ୱ ଦେଉଥିଲେ ।

   Related Posts