Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଏସ୍‌ସିବିରୁ ଗ୍ୟାଙ୍ଗଷ୍ଟର ହାଇଦର ଫେରାର ଘଟଣା : ଆଉ ୨ ଜଣଙ୍କୁ ଗିରଫ କଲା ମଙ୍ଗଳାବାଗ ପୋଲିସ
  • ||
  • ନୂଆପଡା : ଭାରସାମ୍ୟ ହରାଇ ଓଲଟିଲା କାର୍, ୩ ଗୁରୁତର
  • ||
  • ଭୁବନେଶ୍ବର : ଭୁବନେଶ୍ବରର ୩ଟି ଶିକ୍ଷାନୁଷ୍ଠାନ ସିଲ୍, ଖୁଲମଖୁଲା କୋଭିଡ୍ ନିୟମର କରିଥିଲେ ଉଲଂଘନ
  • ||
  • ବ୍ରହ୍ମପୁର : ସୁରଟରୁ ଫେରୁଥିଲେ ପ୍ରବାସୀ, ଟ୍ରେନ୍‌ରେ ଚାଲିଗଲା ଜୀବନ
  • ||
  • ଅନୁଗୋଳ : ଭାରସାମ୍ୟ ହରାଇ ଗଛରେ ପିଟିହେଲା କାର୍, ଗୋଟିଏ ପରିବାରର ଜଣେ ମୃତ, ୨ ଆହତ
  • ||
  • ଭୁବନେଶ୍ବର : ‘ହାଇଦର ପାଇଁ ନଥିଲା ପୋଲିସ ସୁରକ୍ଷା ବ୍ୟବସ୍ଥା, କିନ୍ତୁ ପାଖରେ ଥିଲେ ଯୁବତୀ’ – ଲେଖାଶ୍ରୀ
  • ||
  • ସମ୍ବଲପୁର : ଆଜିଠାରୁ ୧୫ ଦିନ ସମ୍ବଲପୁର ବାର୍ ବନ୍ଦ, କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ନିଷ୍ପତ୍ତି
  • ||
  • ସୋର : ସରିଥିଲା ନିର୍ବନ୍ଧ, ହେଲେ ପଡିପାରିଲାନି ହାତଗଣ୍ଠି, ଶେଷରେ କାହିଁକି ଝୁଲିପଡିଲେ ଯୁବତୀ ?
  • ||
  • ବାରଙ୍ଗ : ନନ୍ଦନକାନନରୁ ଇନ୍ଦୋର ଯାଉଛନ୍ତି ୧୩ ଜୀବଜନ୍ତୁ, ଧଳା ବାଘୁଣୀ ଓ କଳା ବାଘ ସାମିଲ
  • ||
  • ସୋର : ରୂପା ରାଧାକୃଷ୍ଣ ମୂର୍ତ୍ତି ନେଇଗଲେ ଚୋର, ସୁନା-ରୂପା ଅଳଙ୍କାର ବି ଲୁଟ୍
  • ||

ଢେଙ୍କାନାଳ: ସ୍ୱାମୀଙ୍କୁ ହତ୍ୟା କରିବାରେ ସହଯୋଗ କରିଥିବା ସ୍ତ୍ରୀ ଗିରଫ ହେଲା, ହେଲେ ଅସଲ ହତ୍ୟାକାରୀ କୁଆଡେ ଗଲା ?

5/10/2018 at 1:25 PM

ଢେଙ୍କାନାଳ ୫/୧୦ : ଢେଙ୍କାନାଳର ସୁନା ବ୍ୟବସାୟୀ ମଣ୍ଟୁ ପାତ୍ର ହତ୍ୟାକାଣ୍ଡର ଅନ୍ୟତମ ସହଯୋଗୀ ଭାବେ ମଣ୍ଟୁ ପାତ୍ରଙ୍କ ସ୍ତ୍ରୀ ଅରୁଣା ପାତ୍ରଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି | କିନ୍ତୁ ଅରୁଣା ପାତ୍ରଙ୍କ ପ୍ରେମିକ ତଥା ମଣ୍ଟୁ ପାତ୍ରଙ୍କ ହତ୍ୟାକାରୀକୁ ପୋଲିସ ଏଯାଏ ଗିରଫ ନକରିବା ନେଇ ସନ୍ଦେହ ସୃଷ୍ଟି ହୋଇଛି | ମଣ୍ଟୁ ପାତ୍ର ହତ୍ୟାକାରୀକୁ ଖସାଇ ଦେବାକୁ ପୋଲିସ ଚାହୁଁଚି ବୋଲି ମଧ୍ୟ ଚର୍ଚ୍ଚା ହେଉଛି | ହତ୍ୟାକାଣ୍ଡ ପରେ ପରେ ହିଁ ପରକୀୟା ପ୍ରୀତିକୁ ନେଇ ହତ୍ୟାକାଣ୍ଡ ଘଟିଥିବା ପୋଲିସ ଜାଣି ପାରିଥିଲା | ଗତ ମାସକ ମଧ୍ୟରେ ପୋଲିସ ଅରୁଣା ପାତ୍ରଙ୍କୁ ବାରମ୍ବାର ଥାନାକୁ ଡାକି ପଚରାଉଚୁରା କରିଥିଲା | ଏପରିକି ଅରୁଣା ପାତ୍ରଙ୍କ ପ୍ରେମିକଙ୍କୁ ମଧ୍ୟ ଥାନାକୁ ଡାକି ପଚରାଉଚୁରା କରିଥିଲା | ଯଦି ଅରୁଣାକୁ ପୋଲିସ ଗିରଫ କରିପାରିଲା ତାହେଲେ ପ୍ରେମିକକୁ କାହିଁକି ଗିରଫ କରୁନାହିଁ | କୁହାଯାଉଛି ଅରୁଣାଙ୍କ ସମ୍ପୃକ୍ତ ପ୍ରେମିକ ଜଣେ ପ୍ରଭାବଶାଳୀ ଲୋକଙ୍କ ସମ୍ପର୍କୀୟ | ତେଣୁ ପୋଲିସ ତାଙ୍କୁ ଖସାଇଦେବାକୁ ଉଦ୍ୟମ କରୁଛି |

ସୂଚନାଯୋଗ୍ୟ ଯେ, ଗତ ମାସ ୩ତାରିଖରେ ଢେଙ୍କାନାଳ ସହରର ସବୁଠୁ ଜନଗହଳିପୂର୍ଣ୍ଣ ମିନବଜାର ଅଂଚଳରେ ଦିନ ଦ୍ବିପ୍ରହରରେ ଘରେ ପଶି କେହି ମଣ୍ଟୁ ପାତ୍ରଙ୍କୁ ହତ୍ୟା କରିଥିଲା | ହତ୍ୟା କଲା ବେଳେ ମଣ୍ଟୁ ପାତ୍ରଙ୍କ ସ୍ତ୍ରୀ ଘରେ ଥାଇ ମଧ୍ୟ କିଏ ହତ୍ୟା କଲା ଜାଣିପାରିଲେ ନାହିଁ ବୋଲି ପୋଲିସକୁ କହିଥିଲେ | ମଣ୍ଟୁ ପାତ୍ରଙ୍କ ବୟସ ୪୦ ବର୍ଷ | ତାଙ୍କ ସ୍ତ୍ରୀ ଅରୁଣାଙ୍କ ବୟସ ୩୨ ବର୍ଷ | ତାଙ୍କର ୧୪ ବର୍ଷ ଏବଂ ୬ ବର୍ଷ ବୟସର ଦୁଇଟି ପୁଅ ମଧ୍ୟ ଅଛନ୍ତି |

ପୋଲିସ ଗତକାଲି ସାମ୍ବାଦିକ ସମ୍ମିଳନୀରେ କହିଥିଲା ଯେ, ଏହି ହତ୍ୟାକାଣ୍ଡ ପରକୀୟା ପ୍ରୀତିରୁ ହୋଇଛି | ଅରୁଣା ମଧ୍ୟାହ୍ନ ଭୋଜନରେ ମଣ୍ଟୁଙ୍କୁ କିଛି ନିଶା ଦ୍ରବ୍ୟ ଦେଇଥିଲେ | ଯେଉଁଥିରେ ମଣ୍ଟୁ ଖାଇବା ପରେ ପରେ ଅଚେତ ହୋଇପଡିଥିଲେ | ଫଳରେ ତାଙ୍କୁ ହତ୍ୟାକାରୀ ସହଜରେ ହତ୍ୟା କରିପାରିଥିଲା | ଅରୁଣାଙ୍କର ଅନ୍ୟ ପୁରୁଷ ସହିତ ସମ୍ପର୍କ ଥିବା ମୃତ ମଣ୍ଟୁଙ୍କ ପରିବାର ମଧ୍ୟ ଅଭିଯୋଗ କରିଥିଲେ | ଏପରିକି ମୃତ ମଣ୍ଟୁଙ୍କ ପରିବାର ବର୍ଗଙ୍କ ଅଭିଯୋଗ କ୍ରମେ ମହିଳା ପୋଲିସ ଅରୁଣାଙ୍କ ଶରୀରର ବିଭିନ୍ନ ଅଂଶ ଯାଞ୍ଚ କରିଥିଲା | ଶରୀରର ଗୋପନୀୟ ଅଂଚଳରେ ଅରୁଣା ଟାଟୁ କାଟି ପ୍ରେମିକର ନାମ ଲେଖିଥିବା ମଧ୍ୟ ପୋଲିସ ଜାଣିପାରିଥିଲା | ହତ୍ୟାକାରୀ କିଏ ସେ ସମ୍ପର୍କରେ ପୋଲିସ ଭଲ ଭାବରେ ଜାଣିଥିଲେ ମଧ୍ୟ ହତ୍ୟାକାରୀକୁ ଗିରଫ କରୁନଥିବା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି |

   Related Posts