ନୂଆଦିଲ୍ଲୀ,୨୬/୦୬: ଗୋଟିଏ ପଟେ ଭାରତ ଇଂଲଣ୍ଡ ବିପକ୍ଷ ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ୍ ସିରିଜ୍ ପାଇଁ ପ୍ରସ୍ତୁତି ଚଳାଇଛି । ଅନ୍ୟ ଦିଗରେ ଆଉ ଏକ ଟିମ୍ ଶିଖର ଧାଓ୍ୱନଙ୍କ ନେତୃତ୍ୱରେ ଶ୍ରୀଲଙ୍କ ଗସ୍ତ ପାଇଁ କସରତ୍ ଆରମ୍ଭ କରିଛି । ଏହି ଗସ୍ତରେ ଦ୍ରୁତ ବୋଲର ଭୁବନେଶ୍ୱର କୁମାରଙ୍କୁ ଉପ ଅଧିନାୟକ ଦାୟିତ୍ୱ ମିଳିଛି । ଦଳ ଜୁନ ୨୮ରେ ଶ୍ରୀଲଙ୍କା ଗସ୍ତ କରିବ । ଏଠାରେ ଦଳ ୬ ମ୍ୟାଚ୍ ବିଶିଷ୍ଟ ଦିନିକିଆ ସିରିଜ୍ ଖେଳିବ ।

ତେବେ ଶ୍ରୀଲଙ୍କା ଗସ୍ତ ପୂର୍ବରୁ ଅଧିନାୟକ ଓ ଅଧିନାୟକଙ୍କ ମଧ୍ୟରେ ଜୋରଦାର ମୁକାବିଲା ହୋଇଛି । ଏହାର ଫଟୋ ବିସିସିଆଇ ନିଜର ଟ୍ୱିଟର ଆକାଉଣ୍ଟରେ ସେୟାର କରିଛି ।

wp:html

Playstation Time! ?️

Who is winning this - @SDhawan25 or @BhuviOfficial? ?? #TeamIndia #SLvIND pic.twitter.com/41KF0l69kN

— BCCI (@BCCI) June 25, 2021

/wp:html

ବିସିସିଆଇ ଯେଉଁ ଫଟୋ ସେୟାର କରିଛି, ସେଥିରେ ଦେଖିବାକୁ ମିଳିଛି ଯେ, ଉଭୟ ଖେଳାଲି ପ୍ଲେଷ୍ଟେସନରେ ଫୁଟବଲ ମ୍ୟାଚ୍ ଖେଳୁଛନ୍ତି । ଉଭୟ ଖେଳାଳି ପରସ୍ପରକୁ କଡା ଟକ୍କର ଦେଉଛନ୍ତି । ଫଟୋ କ୍ୟାପ୍ସନରେ ଧାଓ୍ୱନ ନା ଭୁବନେଶ୍ୱର କିଏ ଜିତୁଛି ବୋଲି ବିସିସିଆଇ ପ୍ରଶ୍ନ କରିଛି ।

ସୂଚନାଯୋଗ୍ୟ, ଉଭୟ ଦଳ ମଧ୍ୟରେ ଜୁଲାଇ ୧୩ରୁ ଦିନିକିଆ ସିରିଜ୍ ଆରମ୍ଭ ହେବ । ସମସ୍ତ ମ୍ୟାଚ୍ କଲୋମ୍ବୋର ପ୍ରେମଦାସା ଷ୍ଟାଡିୟମରେ ଖେଳାଯିବ । ଦଳର ଅଧିକାଂଶ ଖେଳାଳି ଇଂଲଣ୍ଡ ଗସ୍ତରେ ଥିବାରୁ ବିସିସିଆଇ ଅନେକ ଯୁବ ଖେଳାଳିଙ୍କୁ ସୁଯୋଗ ଦେଇଛି । ଯେଉଁଥିରେ ଦେବଦତ୍ତ ପାଡିକଲ, ଚେତନ ସକାରିୟା, କୃଷ୍ଣାପ୍ପା ଗୌତମ ଓ ଋତୁରାଜ ଗାୟକଓ୍ୱାଡ ସାମିଲ ଅଛନ୍ତି ।