ଭୁବନେଶ୍ୱର ୧୨।୦୯: ରାଜ୍ୟରେ ଆୟୁଷ୍ମାନ ଭାରତ ଲାଗୁ କରିବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଚିଠି ଲେଖିଲେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଓଡିଶାରେ ଦୁଇଟି ପ୍ରମୁଖ ଜନଲ୍ୟାଣକାରୀ ଯୋଜନା ଜାତୀୟ ଡିଜିଟାଲ ସ୍ବାସ୍ଥ୍ୟ ମିଶନ ଏବଂ ଆୟୁଷ୍ମାନ ଭାରତ ଲାଗୁ କରିବା ପାଇଁ ନବୀନଙ୍କୁ ଚିଠି ଲେଖି ଅନୁରୋଧ କରିଛନ୍ତି ।
ଆୟୁଷ୍ମାନ ଭାରତରେ ରାଜ୍ୟର ୬୦ ଲକ୍ଷ ହିତାଧୀକାରୀ ଉପକୃତ ହେବେ ବୋଲି ଧର୍ମେନ୍ଦ୍ର ଚିଠିରେ ଲେଖିଛନ୍ତି । ଏଥିସହିତ ରାଜ୍ୟ ବାହାରେ ଥିବା ପ୍ରବାସୀଙ୍କ ସମେତ ଦୁଗର୍ମ ଅଞ୍ଚଳର ସମସ୍ତ ଲୋକଙ୍କୁ ସ୍ବାସ୍ଥ୍ୟ ସୁବିଧା ଯୋଗାଇବ ଏହି ଯୋଜନା । ଏହି ଯୋଜନା ଲାଗୁ ହେଲେ ଓଡିଶାର ଲୋକମାନେ ସଠିକ ସମୟକେ କମ ମୂଲ୍ୟରେ ସ୍ବାସ୍ଥ୍ୟସେବା ପାଇପାରିବେ ।
ଓଡିଶାର ଜନପ୍ରତିନିଧିମାନେ ପୂର୍ବରୁ ରାଜ୍ୟରେ ଆୟୁଷ୍ମାନ ଭାରତ ଲାଗୁ କରିବାକୁ ଅନୁରୋଧ କରିଛନ୍ତି ବୋଲି ଚିଠିରେ ଉଲ୍ଲେଖ ରହିଛି। ସେହିପରି ଜାତୀୟ ଡିଜିଟାଲ ସ୍ବାସ୍ଥ୍ୟ ମିଶନ ଦେଶର ସ୍ବାସ୍ଥ୍ୟ କ୍ଷେତ୍ରରେ ନୂଆ ବିଳ୍ପବ ଆଣିବ । ସ୍ବତନ୍ତ୍ର ସ୍ବାସ୍ଥ୍ୟସେବା ଆଇଡି ଦ୍ବାରା ଲୋକମାନେ ଯୋକୌଣସି ସ୍ଥାନରେ ସ୍ବାସ୍ଥ୍ୟସେବା ପାଇପାରିବେ ।