Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ଘର ବାହାରେ ଶୋଇଥିବା ବେଳେ ମାଡିଗଲା ଟ୍ରକ୍, ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ସାନଖେମୁଣ୍ଡି : କୋଭିଡ୍ କଟକଣା ଉଲଂଘନ କରି ଗାଁରେ ଚାଲିଥିଲା ବାହାଘର ଭୋଜିଭାତ, ବନ୍ଦ କଲା ପ୍ରଶାସନ
  • ||
  • ଚୋରି କରୁଥିଲା ବିଦ୍ୟୁତ ଖୁଣ୍ଟ, ଗାଁ ଲୋକଙ୍କ ହାତରେ ଧରାପଡିଲା ଚୋର
  • ||
  • ରାଜ୍ୟରେ କରୋନା ନେଲା ଆଉ ୨୧ଜଣଙ୍କ ଜୀବନ, ୨୧୬୧ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ୧୧ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୧,୮୦୭ ପଜିଟିଭ୍
  • ||
  • କମିଲା ତାତି : ଆଜି ଏହି ସବୁ ଜିଲ୍ଲାରେ ବଜ୍ରପାତ ସହ କୁଆପଥର ବର୍ଷା ସମ୍ଭାବନା
  • ||
  • ସଂକ୍ରମଣ ରୋକିବାକୁ ରାଜ୍ୟରେ ସାପ୍ତାହିକ ସଟ୍‌ଡାଉନ୍, ଜରୁରୀ ସେବାକୁ ଛାଡ଼ିଦେଲେ ସବୁ ବନ୍ଦ
  • ||

ଭଣ୍ଡବାବାର ବେଆଇନ୍ ଆଶ୍ରମକୁ ହଟାଇଲା ପ୍ରଶାସନ : ନିଜକୁ ହନୁମାନଙ୍କ ଭକ୍ତ କହି ମହିଳାଙ୍କୁ କରୁଥିଲା ଯୌନ ଶୋଷଣ

11/11/2020 at 11:25 AM

ନରସିଂହପୁର ୧୧/୧୧: ମଧ୍ୟପ୍ରଦେଶର ନରସିଂହପୁର ଜିଲ୍ଲାରେ ରବିବାର ବହୁରୂପି ବାବା ଧର୍ମେନ୍ଦ୍ର ଦୁବେ ଦ୍ବାରା କରାଯାଇଥିବା ବେଆଇନ୍ ନିର୍ମାଣକୁ ହଟାଇବା ପାଇଁ ପ୍ରଶାସନିକ ଅମଲା ପହଞ୍ଚିଥିଲା। ଅମଲା ଧର୍ମେନ୍ଦ୍ରଙ୍କ ସରକାରୀ ଜାଗାରେ ନିର୍ମିତ ଘରକୁ ଖାଲି କରାଇଥିଲେ ଏବଂ ମାରୁତି ଭବନ ଯେଉଁଠାରେ ବାବା ବସି ଲୋକଙ୍କୁ ପ୍ରଲୋଭିତ କରୁଥିଲା ତାହାକୁ ମୁକ୍ତ କରିଥିଲେ। ନିଜକୁ ହନୁମାନଙ୍କ ଭକ୍ତ କହୁଥିବା ଭଣ୍ଡ ଧର୍ମେନ୍ଦ୍ର ଗତ ଜୁଲାଇ ମାସରୁ ବିଚାର ବିଭାଗୀୟ ହେପାଜତରେ ରହିଛି। ତା ବିରୋଧରେ ମହିଳାଙ୍କୁ ଶୋଷଣ ତଥା ତାଙ୍କ ଅଶ୍ଳୀଳ ଭିଡିଓ କରିବାର ଅଭିଯୋଗ ରହିଛି।

ଧର୍ମେନ୍ଦ୍ର ଦାସ ଦୁବେ ନିଜକୁ ହନୁମାନଙ୍କ ଅବତାର କହୁଥିଲା। ପ୍ରତି ମଙ୍ଗଳବାର-ଶନିବାରକୁ ସେ ନିଜ ଦରବାର ସଜାଇ ନାଟକରେ ଲୋକଙ୍କୁ ପ୍ରଲୋଭିତ କରୁଥିଲା। ସୂଚନା ଅନୁଯାୟୀ ବାବା ମହିଳାମାନଙ୍କୁ ବଶୀକରଣ କରିବା ମାମଲାରେ ଅଧିକ ଆଗ୍ରହ ରଖିଥିଲା। ମହିଳାଙ୍କ ସ୍ବାମୀଙ୍କୁ ତାବିଜ ଏବଂ ଖାସ୍ ଧରଣର ପ୍ରସାଦ ଦେଇ ଭ୍ରମିତ କରୁଥିଲା। ସେ ଅନେକ ପରିବାରକୁ ଏପରି ଭ୍ରମିତ କରିଥିଲା।

 ମଙ୍ଗଳବାର-ଶନିବାର ସେ ନିଜକୁ ହନୁମାନଙ୍କ ବେଶରେ ସଜାଉଥିଲା। ଯେଉଁ ବ୍ୟକ୍ତି ୫ଟି ମଙ୍ଗଳବାର କିମ୍ବା ଶନିବାର ଲଗାତାରଭା​ବେ ତା ଦରବାରରେ ଉପସ୍ଥିତ ହେଉଥିଲେ,ସେମାନଙ୍କୁ ଖାସ୍ ଧରଣର ପ୍ରସାଦ ଦିଆଯାଉଥିଲା। ଏହା ଦ୍ବାରା ଭକ୍ତମାନଙ୍କର ବୁଝିବା ଏବଂ ବିଚାର କରିବା ଶକ୍ତି ନଷ୍ଟ ହୋଇଯାଉଥିଲା।

   Related Posts