ଧର୍ମଗଡ, ୨୬|୦୭ : ହସ୍ପିଟାଲରେ ୨ ଯୁବକଙ୍କ ଉନ୍ମତ୍ତକାଣ୍ଡ । ନର୍ସଙ୍କ ରୁମରେ କଲେ ଭଙ୍ଗାରୁଜା । ଏପରି ଅଭାବନୀୟ ଘଟଣା ଘଟିଛି କଳାହାଣ୍ଡି ଜିଲ୍ଲା ଧର୍ମଗଡ଼ ଉପଖଣ୍ଡ ଚିକିତ୍ସାଳୟରେ ।
ସୂଚନା ଅନୁସାରେ, ଜଣେ ମହିଳାଙ୍କୁ ରକ୍ତ ଦେବା ପାଇଁ ଧର୍ମଗଡ଼ ଉପଖଣ୍ଡ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସନ୍ଧ୍ୟା ସମୟରେ ତାଙ୍କୁ ଡ଼ିସ୍ ଚାର୍ଜ କରି ଘରକୁ ନେବା ପାଇଁ ୨ ସମ୍ପର୍କୀୟ ନର୍ସଙ୍କୁ ଜଣାଇଥିଲେ। ପରେ ନର୍ସ ରେଜିଷ୍ଟ୍ରରରେ ଦସ୍ତଖତ କରି ନେବା ପାଇଁ କହିବାରୁ ରାଗିଯାଇଥିଲେ । ଏତିକି ଶୁଣି ୨ଯୁବକ ନର୍ସ ରୁମରେ ଭଙ୍ଗା ରୁଜା କରିବା ଆରମ୍ଭ କରିଥିଲେ। ଏପରିକି ନର୍ସ, ସିକ୍ୟୁରୀଟି ଗାର୍ଡଙ୍କୁ ମରଣାତ୍ମକ ଆକ୍ରମଣ କରିଥିଲେ ।
ଏହାସହିତ ଡାକ୍ତର ଡ୍ୟୁଟି ରୁମ ଏବଂ ଡ୍ରେସିଂ ରୁମରେ ଭଙ୍ଗାରୁଜା କରିଥିଲେ । ଏହି ଘଟଣାରେ ୫କର୍ମଚାରୀ ଆହତ ହୋଇଥିଲେ । ପୋଲିସର ହସ୍ତକ୍ଷେପ ପରେ ଏହି କାଣ୍ଡ ଭିଆଇଥିବା ୨ ଯୁବକଙ୍କୁ ଥାନାରେ ଅଟକ ରଖାଯାଇଛି ।
