କେରଳ ୧୬|୧: ଇତିହାସ ରଚିଲେ କେ. ଧାନ୍ୟା ସାନାଲ । କେରଳର ଅଗସ୍ତ୍ୟରକୁଡମ ଗିରିଶୃଙ୍ଗ ଅତିକ୍ରମ କରିଛନ୍ତି ପ୍ରତିରକ୍ଷା ମନ୍ତ୍ରାଳୟର ମୁଖପାତ୍ର କେ. ଧାନ୍ୟା ସାନାଲ । ସେ ନେୟାର ବନ୍ୟାପ୍ରାଣୀ ଅଭୟାରଣ୍ୟରେ ଅବସ୍ଥିତ ୧୮ ଶହ ୬୮ ମିଟର ଗିରିଶୃଙ୍ଗ ଅତିକ୍ରମ କରିବାରେ ସଫଳ ହୋଇଛନ୍ତି । କେରଳର ଏହି ଦ୍ବିତୀୟ ସର୍ବୋଚ୍ଚ ଶୃଙ୍ଗ କେବଳ ପୁରୁଷଙ୍କ ପାଇଁ ଖୋଲା ରହିଥାଏ ।
୨୦୧୮ରେ କେରଳ ହାଇକୋର୍ଟ ମହିଳାଙ୍କ ପର୍ବତାରୋହଣ ଉପରୁ ନିଷିଧାଦେଶ ହଟାଇଥିଲେ । ଏହା ପରେ ଆୟୋଜିତ ପର୍ବତାରୋହଣ କାର୍ଯ୍ୟକ୍ରମରେ ଭାଗ ନେଇ ସାନାଲ ପ୍ରଥମ ମହିଳା ଭାବେ ଏହି ସଫଳତା ହାସଲ କରିଛନ୍ତି । ବୋନାକାଡରୁ ଜଙ୍ଗଲ ଭିତରେ ୨୨ କିଲୋମିଟର ଗଲା ପରେ ଏହି ଶୃଙ୍ଗ ରେ ପହଞ୍ଚି ହୁଏ । ଅଗସ୍ତ୍ୟ ମୁନିଙ୍କ ନାନାନୁସାରେ ଏହି ଶୃଙ୍ଗର ନାମକରଣ କରାଯାଇଛି । ତାଙ୍କର ଏହି ସଫଳତା ପରେ ବିଭିନ୍ନ ମହଲରୁ ପ୍ରଶଂସା ଓ ଶୁଭେଛାର ଶୂଅ ଛୁଟିଛି ।