Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୦୧୭ ହତ୍ୟା ଘଟଣାର ଖୋଳତାଡ କରିବ କ୍ରାଇମବ୍ରାଞ୍ଚ, ୪ ପୋଲିସ ଅଧିକାରୀଙ୍କ ବିରୋଧରେ ହତ୍ୟା ମାମଲା ରୁଜୁ
  • ||
  • ମିଚିଗାନ ସ୍କୁଲରେ ୧୫ ବର୍ଷର ଛାତ୍ରର ଉନ୍ମତ୍ତକାଣ୍ଡ, ଆଖିବୁଜା ଗୁଳିମାଡ଼ରେ ୩ ମୃତ
  • ||
  • ଭଦ୍ରକ ବରପଦା ନିକଟରେ ଦୁଇ ଅପରାଧୀଙ୍କୁ ଏନକାଉଣ୍ଟର
  • ||

ଲକ୍‌ ଡାଉନ୍‌ ବେଳେ ରାଜପଥର ପ୍ରତି ୨୦ କିଲୋମିଟରରେ ଖୋଲିବ ଢାବା ଓ ଗ୍ୟାରେଜ୍‌

27/03/2020 at 1:47 AM


ଭୁବନେଶ୍ୱର ମାର୍ଚ୍ଚ୨୭ – ଲକ୍‌ ଡାଉନ୍‌ ସମୟରେ ଅତ୍ୟାବଶକୀୟ ସାମଗ୍ରୀ ଯୋଗାଣ ବନ୍ଦ ହେବ ନାହିଁ । ଏଥିପାଇଁ ଟ୍ରକ ଓ ଅନ୍ୟ ମାଲ୍‌ ପରିବହନ ଗାଡି ଚଳାଚଳ କରିବ । ମାତ୍ର ଲକ୍‌ ଡାଉନ୍ ସମୟରେ ଢାବା , ଗ୍ୟାରେଜ୍‌ ଓ ଗାଡି ଯନ୍ତ୍ରାଶଂ ଦୋକାନ ବନ୍ଦ କରିଦିଆଯାଉଥିବାରୁ ମାଲ ପରିବହନ କରୁଥିବା ବିଭିନ୍ନ ଯାନବାହାନ, ଏହାର ଡ୍ରାଇଭର ଓ ହେଲପର୍‌ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି ।

ଏବେ ଜାତୀୟ ଓ ରାଜ୍ୟ ରାଜପଥର ପ୍ରତି ୨୦ କିଲୋମିଟର ଦୂରରେ ଢାବା , ଗ୍ୟାରେଜ୍‌ ଓ ଗାଡି ଯନ୍ତ୍ରାଂଶ ଦୋକାନ ଖୋଲିବା ପାଇଁ ସରକାର ନିଷ୍ପତ୍ତି ନେଇଛନ୍ତି । ଏଥିପାଇଁ ରାଜ୍ୟ ଜଳ ସମ୍ପଦ ବିଭାଗ ସମସ୍ତ ଜିଲ୍ଲାର ଜିଲ୍ଲାପାଳ ଓ ଏସ୍‌ପିଙ୍କୁ ପତ୍ର ଲେଖିଛନ୍ତି ।

ମାଲ ଓ ଅତ୍ୟାବଶକୀୟ ସାମଗ୍ରୀ ପରିବହନ ପାଇଁ ପ୍ରତି ୨୦ କିଲୋମିଟରରେ ଯେପରି ଢାବା ଓ ଗ୍ୟାରେଜ୍‌ ଖୋଲା ରହି ସେଥିପାଇଁ ସ୍ୱତନ୍ତ୍ର ଦୃଷ୍ଟି ଦେବା ସହ ଢାବାରେ ଯେପରି ଗହଳି ନ ହେବ ଓ ମାଲ ପରିବହନ ସୁରୁଖୁରରେ ହେବ ସେଥିପ୍ରତି ଦୃଷ୍ଟି ଦେବା ପାଇଁ ପତ୍ରରେ ଉଲ୍ଲେଖ କରାଯାଇଛି ।

ପ୍ରତି ୨୦ କିଲୋମିଟର ଭିତରେ କେଉଁ ଢାବା ଖୋଲିବ ତାହା ଆରଟିଓ ଓ ସିଏସଓଙ୍କ ମାଧ୍ୟମରେ ଚୟନ କରିବାକୁ ଜିଲ୍ଲାପାଳଙ୍କୁ କୁହାଯାଇଛି । ଯେଭଳି କୌଣସି ମାଲ୍‌ ପରିବହନ ଗାଡିକୁ ଅଟକିବନି ତାକୁ ନିଶ୍ଚିତ କରିବାକୁ ଏସ୍‌ପିଙ୍କୁ କୁହାଯାଇଛି । ତେବେ ଏନ୍‌ଏଚ୍‌ ପାର୍ଶ୍ୱରେ ଯେଉଁ ଢାବା ଖୋଲିବ ସେଥିରେ ଯେଭଳି ଭିଡ଼ ନ ହେବ ତା ଉପରେ ନଜର ରଖିବାକୁ ଏସ୍‌ପିଙ୍କୁ ନିର୍ଦ୍ଦେଶ ଦିଆଯାଇଛି ।

   Related Posts