Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୫ ବର୍ଷ ପରେ ଦୁର୍ଲଭ ନାଗାର୍ଜୁନ ବେଶରେ ସଜେଇ ହେବେ ଶ୍ରୀଜିଉ, ଆରମ୍ଭ ହେଲା ପ୍ରସ୍ତୁତି
  • ||
  • କୋଇଲା ଖଣି ଆବଣ୍ଟନ ଦୁର୍ନୀତି ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ଦିଲ୍ଲୀପ ରାୟଙ୍କୁ ମିଳିଲା ଜାମିନ
  • ||
  • ମାଲକାନଗିରି : ମାଟି ତଳୁ ବିପୁଳ ପରିମାଣର ଅସ୍ତ୍ରଶସ୍ତ୍ର ସହ ବିସ୍ଫୋରକ ସାମଗ୍ରୀ ଜବତ
  • ||
  • ରାଜନଗର : ଭୋଗ ଖାଇ ୧୫୦ ଅସୁସ୍ଥ, ୩୦ ଜଣଙ୍କ ଅବସ୍ଥା ଗୁରୁତର
  • ||
  • ପାରାଦୀପ : ସମୁଦ୍ରରେ ବୁଡିଗଲା ମାଛଧରା ଟ୍ରଲର, ୫ ମତ୍ସ୍ୟଜୀବୀ ଉଦ୍ଧାର, ୪ ନିଖୋଜ
  • ||
  • ରାଜ୍ୟରେ ଆଉ ୧୪ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଆଉ ୧୪୮୦କରୋନା ସଂକ୍ରମିତ ଚିହ୍ନଟ
  • ||
  • ଟ୍ରେନ୍‌ରେ କଟି ବାପା-ଝିଅ-ପୁଅର ମୃତ୍ୟୁ, ଆତ୍ମହତ୍ୟା ସନ୍ଦେହ
  • ||
  • ବାଇକ୍‌କୁ ଧକ୍କାଦେଲା ହାଇଓ୍ୱା ଟ୍ରକ, ଆରୋହୀ ମୃତ
  • ||

୧୦ ବର୍ଷ ମଧ୍ୟରେ ଚଳିତ ବର୍ଷ ରେକର୍ଡ ସଂଖ୍ୟାରେ ଗଞ୍ଜେଇ ଜବତ, ସାଟେଲାଇଟ୍ ମ୍ୟାପିଂ ଯୋଗୁଁ ମିଳିଛୁ ଅଧିକ ସଫଳତା : ଡିଜିପି

13/10/2020 at 4:38 PM

କଟକ ୧୩।୧୦: ଗଞ୍ଜେଇ ଚାଷୀ ଏବଂ ଚୋରା ଚାଲାଣକାରୀ ସାବଧାନ । ଯେଉଁ ଦୁର୍ଗମ ଅଞ୍ଚଳରେ ଚାଷ କଲେ ବି ଧରିବ ପୋଲିସ । ଇସ୍ରୋଠୁ ଇସାରା ପାଇ ଗଞ୍ଜେଇ ଚାଷ ନଷ୍ଟ କରୁଛି ପୋଲିସ । ଅର୍ଥାତ୍ ସାଟେଲାଇଟ୍ ମାଧ୍ୟମରୁ ଗଞ୍ଜେଇ ଚାଷ ସମ୍ପର୍କରେ ତଥ୍ୟ ସଂଗ୍ରହ କରୁଛି ପୋଲିସ । ସେପ୍ଟେମ୍ବର ୧ ସୁଦ୍ଧା ଓଡ଼ିଶାରୁ ଜବତ ହେଲାଣି ୧ ହଜାର ୫୪ କ୍ବିଣ୍ଟାଲ ଚୋରା ଗଞ୍ଜେଇ । ଯାହା ଗତ ୧୦ ବର୍ଷ ଭିତରେ ସର୍ବାଧିକ । ଇସ୍ରୋ ଏବଂ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ବା ଏନସିବି ସହାୟତାରେ ଆଗକୁ କାର୍ଯ୍ୟାନୁଷ୍ଠାନକୁ ତ୍ବାରନ୍ବିତ କରାଯିବ ବୋଲି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ପୋଲିସ ଡିଜି ଅଭୟ ।

ଇସ୍ରୋ ଦେଉଛି ଖବର । ଗଞ୍ଜେଇ ବେପାରୀଙ୍କୁ ଗୋଡାଇ ଗୋଡାଇ ଧରୁଛି ପୋଲିସ । ଚଳିତ ବର୍ଷ ଗଞ୍ଜେଇ ଜବତ କରିବାରେ ରେକର୍ଡ ସୃଷ୍ଟି କରିଛି ଓଡ଼ିଶା ପୋଲିସ । ସାଟେଲାଇଟ୍ ମାଧ୍ୟମରୁ ଗଞ୍ଜେଇ ଚାଷ ସମ୍ପର୍କରେ ତଥ୍ୟ ସଂଗ୍ରହ କରୁଛି ପୋଲିସ । ଇସ୍ରୋ ସହାୟତାରେ ଚଳିତ ବର୍ଷ ସେପ୍ଟେମ୍ବର ୧ ତାରିଖ ସୁଦ୍ଧା ଓଡ଼ିଶା ପୋଲିସ ୧ ହଜାର ୫୪ କ୍ବିଣ୍ଟାଲ ଚୋରା ଗଞ୍ଜେଇ ଜବତ କରିଛି ।  ଯାହା ହେଉଛି ସର୍ବକାଳୀନ ରେକର୍ଡ ।

କୋରାପୁଟ ଜିଲ୍ଲାରୁ ସର୍ବାଧିକ ୪୧୩.୧୪ କ୍ବିଣ୍ଟାଲ ଗଞ୍ଜେଇ ଜବତ ହୋଇଥିବା ବେଳେ ମାଲକାନାଗିରି ଜିଲ୍ଲାରୁ ୨୪୦.୬୬ କ୍ବିଣ୍ଟାଲ ଏବଂ ଗଜପତି ଜିଲ୍ଲାରୁ ଜବତ ହୋଇଛି ୧୨୬.୫୮ କ୍ବିଣ୍ଟାଲ ଚୋରା ଗଞ୍ଜେଇ । ଏହି ୩ ଜିଲ୍ଲାରୁ ଏତେ ପରିମାଣର ଗଞ୍ଜେଇ ଜବତ ହେବା ପଛର ମୂଳ କାରଣ ହେଉଛି, ଜିଲ୍ଲାରେ ଥିବା ଅନେକ ଦୁର୍ଗମ ଅଞ୍ଚଳରେ ଗଞ୍ଜେଇ ଚାଷ କରାଯାଉଛି । ସେସବୁକୁ ଠାବ କରିବା ଯେତିକି କଷ୍ଟାସାଧ୍ୟ, ସେଠାରେ ପହଞ୍ଚି ତାକୁ ନଷ୍ଟ କରିବା ହେଉଛି ତା’ଠାରୁ ଅଧିକ ଚ୍ୟାଲେଞ୍ଜିଂ । ତେବେ ଗଞ୍ଜେଇ ଚାଷକୁ ଠାବ କରିବା ଲାଗି ଓଡିଶା ପୋଲିସ ଇସ୍ରୋ ଏବଂ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ବା ଏନସିବିର  ସହୟତା ଲୋଡିଛି ।

ଗଲା ୧୦ ବର୍ଷ ଭିତରେ ପୋଲିସ ବାର୍ଷିକ ୩୧୨ କ୍ବିଣ୍ଟାଲ ଗଞ୍ଜେଇ ଜବତ  କରିଥିଲା । ହେ​‌ଲେ ଗଲା ୫ ବର୍ଷରେ ବର୍ଷକୁ ହାରାହାରି ଜବତ ହୋଇଛି ୪୧୪ କ୍ବିଣ୍ଟାଲ ଗଞ୍ଜେଇ । କିନ୍ତୁ ଚଳିତ ବର୍ଷ ସମସ୍ତ ରେକର୍ଡ ଭାଙ୍ଗିଛି ଓଡ଼ିଶା ପୋଲିସ । କେବଳ ଯେ ଗଞ୍ଜେଇ କାରବାର ବଢିଛି ତା ନୁହେଁ, ପୋଲିସ ଅଧିକ କ୍ରିୟାଶୀଳ ହୋଇ କାମ କରିଥିବାରୁ ସଫଳତା ମିଳିଥିବା ପୋଲିସ ଡିଜି କହିଛନ୍ତି । ଏହାଛଡା ଗଞ୍ଜେଇ ଚାଷ, ଚାଲାଣ ଏବଂ ହୋଲସେଲ କାରବାର ରୋକିବାକୁ ସ୍ବତନ୍ତ୍ର ମାଷ୍ଟର ପ୍ଲାନ କରାଯାଇଛି । ତା ସହିତ ଅଦାଲତି ମାମଲାରେ ଗଞ୍ଜେଇ ମାଫିଆମାନଙ୍କୁ କିପରି ଦୋଷୀ ସାବ୍ୟସ୍ତ କରିହେବ, ସେଥିଲାଗି ମଧ୍ୟ ବିଶେଷ ପଦକ୍ଷେପ ନିଆଯାଉଥିବା କହିଛନ୍ତି ଡିଜିପି ।

ଚଳିତ ବର୍ଷ ବ୍ରାଉନ ସୁଗାର କାରବାରକୁ ରୋକିବା ଦିଗରେ ରାଜ୍ୟ ପୋଲିସକୁ ମଧ୍ୟ ବେଶ ସଫଳତା ମିଳିଛି । କିନ୍ତୁ ଗଞ୍ଜେଇ ଚାଷକୁ ରୋକିବା ଲାଗି ରାଜ୍ୟ ଗଞ୍ଜେଇ ପାଇଁ ଅଧିକ ମାନବ ସମ୍ବଳ ସହିତ ନୂତନ ଜ୍ଞାନକୌଶଳର ଆବଶ୍ୟକତା ରହିଛି । କାରଣ ରାଜ୍ୟର ଦୁର୍ଗମ ଅଞ୍ଚଳଗୁଡିକରେ ଏବେ ବି ବ୍ୟାପକ ମାତ୍ରାରେ ଚାଲିଛି ଗଞ୍ଜେଇ ଚାଷ ।

   Related Posts