Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୧୮ ହଜାରରୁ ଅଧିକ କରୋନା ପଜିଟିଭ୍, ୧୭୯ ମୃତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୭ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୪୫ କୋଭିଡ୍ ପଜିଟିଭ୍
  • ||
  • ରାଜ୍ୟରେ ଏବେ କମିବନି ବର୍ଷା, ଆସୁଛି ଆଉ ଏକ ଲଘୁଚାପ
  • ||
  • ବଳଙ୍ଗା ଥାନାରେ ବିସ୍ଫୋରଣ : ଫାଟିଗଲା କାନ୍ଥ, ଆସବାବପତ୍ର ନଷ୍ଟ
  • ||
  • କମିଶନରେଟ ପୋଲିସ ପଞ୍ଝାରେ ୩ ଲୁଟେରା, ବାଇକ୍ ଓ ବନ୍ଧୁକ ଜବତ
  • ||
  • ସିଆରପିଏଫ କ୍ୟାମ୍ପ ଉପରେ ନକ୍ସଲ ଆକ୍ରମଣ, ୨ ଘଣ୍ଟା ଧରି ଚାଲିଲା ଗୁଳି ବିନିମୟ
  • ||
  • ଗାଁରେ ପଶିଲା ଭାଲୁ, ଆକ୍ରମଣ କରି ଜଣଙ୍କୁ ଘାଇଲା କଲା…
  • ||
  • ଭୋଟ୍‌ର ୨ ଦିନ ପୂର୍ବରୁ ପିପିଲିରେ ହିଂସା, ବିଜେପି ଅଫିସ ଉପରେ ବୋମାମାଡ଼ କଲେ ଦୁର୍ବୃତ୍ତ
  • ||
  • ୨୦ ଲକ୍ଷ ଟଙ୍କାର ଗଞ୍ଜେଇ ଜବତ, ବାତ୍ୟା ସମୟରେ ହେଉଥିଲା ଚାଲାଣ
  • ||

ଚଳିତ ବର୍ଷ ଜବତ ହୋଇଛି ୨୦କେଜି ବ୍ରାଉନ୍ ସୁଗାର, ଗତ ୮ବର୍ଷରେ ଏହା ସର୍ବାଧିକ : ଡିଜିପି

27/08/2020 at 4:43 PM

କଟକ ୨୭।୮: ବ୍ରାଉନ ସୁଗାର ଜବତରେ ପୁଣି ପୋଲିସକୁ ମିଳିଲା ସଫଳତା । ଗୋଟିଏ ଦିନରେ ୪ କେଜି ୨୫ ଗ୍ରାମ୍ ବ୍ରାଉନ ସୁଗାର ଜବତ କରିଛି ଏସଟିଏଫ । ଏହି କାରବାରରେ ଜଳେଶ୍ଵର ଥାନା ଅଞ୍ଚଳରୁ ୨ ଜଣଙ୍କୁ ଗିରଫ କରିଛି ପୋଲିସ । ଏହାକୁ ମିଶାଇ ଏ ବର୍ଷ ଏସଟିଏଫ ହାତରେ ଲାଗିଛି ୨୦ କେଜି ୭୩୬ ଗ୍ରାମ ବ୍ରାଉନ ସୁଗାର । ୨୨ ଟି ମାମଲାରେ ୪୩ ଜଣଙ୍କୁ କାବୁ କରିବାରେ ମଧ୍ୟ ଏସଟିଏଫ ସଫଳ ହୋଇଛି । ଗତ ୮ ବର୍ଷ ତୁଳନାରେ ଏହା ଏକ ରେକର୍ଡ ବୋଲି ଆଜି ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଡିଜିପି ଅଭୟ । ସେହିପରି ଚୋରା ଗଞ୍ଜେଇ ଚାଲାଣରେ ବି ସର୍ବାଧିକ ଜବତ ହୋଇଛି । ଏ ଯାଏଁ ୬୩୦ କ୍ବିଣ୍ଟାଲ ଗଞ୍ଜେଇ ଜବତ ହୋଇଥିବା ଡିଜିପି କହିଛନ୍ତି ।

ତଦନ୍ତ ସମୟରେ ଏ ସମସ୍ତ ନିଶା ଦ୍ରବ୍ୟ ଚାଲାଣର ମୁଖ୍ୟ ରାସ୍ତା ପାଲଟିଛି ଭାୟା କଲିକତାରୁ ଓଡିଶା । ଏ ଯାଏଁ କଲିକତା ଲିଙ୍କ୍ ସ୍ପଷ୍ଟ ହୋଇଥିବା ବେଳେ ଆଉ କେଉଁ ସ୍ଥାନ ସହିତ ଓଡ଼ିଶା ଲିଙ୍କ୍ ରହୁଛି ତାହାର ତଦନ୍ତ ଜାରି ରହିଛି । ଏପରିକି ବିଦେଶ ଲିଙ୍କକୁ ମଧ୍ୟ ଖୋଳତାଡ କରାଯାଇଥିବା କହିଛନ୍ତି ଡିଜିପି । ଗଞ୍ଜେଇ ଚାଲାଣ ହେଉଛି ଓଡିଶା ଓ ଆନ୍ଧ୍ର ସୀମା ଅଞ୍ଚଳ । ଏ ସବୁ କାରବାର ରୋକିବା ଦିଗରେ ଓଡ଼ିଶା ପୋଲିସ ଅଭିଯାନ ଜାରି ରଖିଛି । ସମସ୍ତ ପୋଲିସ କାର୍ଯ୍ୟକୁ ପ୍ରଶଂସା କରିଥିବା ବେଳେ ଯେଉଁଠି ପୋଲିସର ସଂପୃକ୍ତି ରହିବ ସେଠି କାର୍ଯ୍ୟାନୁଷ୍ଠାନ କରାଯିବ ବୋଲି ଡିଜିପି କହିଛନ୍ତି ।

ବିଗତ ବର୍ଷମାନଙ୍କ ତୁଳନାରେ ଚଳିତ ବର୍ଷ ଉଭୟ ବ୍ରାଉନ ସୁଗାର ଓ ଗଞ୍ଜେଇ ଚୋରା ଚାଲାଣ ରୋକିବାରେ ଓଡ଼ିଶା ପୋଲିସ ବେଶ୍ ଭଲ କାମ ରହିଛି । ଆଗକୁ ଏହି ଅଭିଯାନକୁ ଜୋରଦାର କରାଯିବ ବୋଲି ଡିଜିପି କହିଛନ୍ତି।

   Related Posts