Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟୁପି ନିର୍ବାଚନ ପାଇଁ ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣାକଲା ଆପ୍‌, ତାଲିକାରେ ଅନେକ ଉଚ୍ଚ ଶିକ୍ଷିତ
  • ||
  • ଆସେସ୍‌ ସିରିଜ୍ କବଜା କଲା ଅଷ୍ଟ୍ରେଲିଆ, ଇଂଲଣ୍ଡକୁ ୪-୦ରେ ମୂଳପୋଛ କରି ଇତିହାସ ରଚିଲା କଙ୍ଗାରୁ ବାହିନୀ
  • ||
  • ରବିବାର ରାଜ୍ୟରେ ସୁସ୍ଥହେଲେ ରେକର୍ଡ ୪୪୫୨ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୧୦୦୩ଜଣ ଡିସଚାର୍ଜ
  • ||
  • ମୋହନା: ଅଟୋ-ବାଇକ ମୁହାଁମୁହିଁ ଧକ୍କା, ଜଣେ ମୃତ, ୭ ଆହତ
  • ||
  • ବଣାଇ ରେଞ୍ଜରେ ଗୋଠଛଡା ଦନ୍ତା ଆତଙ୍କ, ସନ୍ଧ୍ୟା ହେଲେ ଗାଁରେ ପଡୁଛି ତାଟିକବାଟ
  • ||
  • ଟେକ୍ସାସରେ ୪ ଜଣଙ୍କୁ ପଣବନ୍ଦୀ : ପାକିସ୍ତାନୀ ବୈଜ୍ଞାନିକଙ୍କୁ ମୁକ୍ତ କରିବାକୁ ଦାବି, ଘଟଣାସ୍ଥଳରେ ଏଫବିଆଇ ଓ ସ୍ୱାଟ୍ ଟିମ୍
  • ||
  • ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୧କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଡେଇଁଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୧୭୭ କୋଭିଡ୍ ପଜିଟିଭ୍, ୧୧୩୩୯୧୨ରେ ପହଞ୍ଚିଲା ସଂଖ୍ୟା
  • ||
  • ନିଶାରେ ୩ ବାଇକକୁ ଧକ୍କା ଦେଲେ କାର୍ ଡ୍ରାଇଭର, ଓଲଟା ପୋଲିସକୁ କଲେ ଗାଳିଗୁଲଜ
  • ||
  • ଫାଟିଗଲା ମୋବାଇଲ ବ୍ୟାଟେରୀ, ନାବାଳକ ଗୁରୁତର : ପଥରରେ ଛେଚୁଥିବା ବେଳେ ଅଘଟଣ
  • ||

ଜି. ଉଦୟଗିରି ଓ ଫୁଲବାଣୀ ବିଧାନସଭା ଆସନ ପାଇଁ କିଏ ଆଶାୟୀ ଆଉ କିଏ ଦାବିଦାର ?

14/03/2019 at 5:49 PM

କନ୍ଧମାଳ୧୪|୩(ସୁନୀଲ ପଟ୍ଟନାୟକ): ନିର୍ବାଚନ କମିଶନଙ୍କ ଘୋଷଣା ଅନୁସାରେ ଦ୍ବିତୀୟ ପର୍ଯ୍ୟାୟରେ ଅର୍ଥାତ୍‌ ଏପ୍ରିଲ୍‌ ୧୮ କନ୍ଧମାଳ ଜିଲ୍ଲାରେ ହେବ ଭୋଟ୍‌ । ଏହାକୁ ନଜରରେ ରଖି ଜିଲ୍ଲାର ୩ଟି ନିର୍ବାଚନ ମଣ୍ଡଳୀରେ ନେତା ପାଗ ଭିଡ଼ିଲେଣି । ହେଲେ କୌଣସି ଦଳରେ ଟିକେଟ୍‌ ଫାଇନାଲ ହୋଇନଥିବାରୁ ଆଶା, ଆଶଙ୍କା ଭିତରେ ଅଛନ୍ତି ଆଶାୟୀ । ତେବେ କ’ଣ ରହିଛି ଜିଲ୍ଲାର ରାଜନୈତିକ ପାଣିପାଗ ଚାଲନ୍ତୁ ଟିକେ ନଜର ପକାଇଦେବା । …..

କଂଗ୍ରେସ ବିଧାୟକ ଜାକବ ପ୍ରଧାନ । କନ୍ଧମାଳ ଜିଲ୍ଲା ଜି.ଉଦୟଗିରିରେ ନିଜ ଦଳବଳଙ୍କ ସହ ଚା’ ଜଳଖିଆ ଦୋକାନରୁ ବାହାରି ସିଧା ଗାଡ଼ିରେ ବାହାରିଯାଉଛନ୍ତି ଜନତା ଦରବାରକୁ । ମାନେ ନିର୍ବାଚନକୁ ନଜରରେ ରଖି ନିଜ ଏରିଆରେ ଜନ ସମ୍ପର୍କ ବଢ଼ାଇବା ଚେଷ୍ଟାରେ ଆଗକୁ ବଢ଼ୁଛନ୍ତି । ଆଶା ରଖିଛନ୍ତି ଦଳ ଏଥର ପୁଣି ଟିକେଟ୍‌ ଦେବ । ଆଉ ପୁଣି ଥରେ ସେ ବିଧାୟକ ହେବେ ।

ଦଳୀୟ ଟିକେଟ୍‌ ପାଇଁ ଫୁଲ୍‌ କନ୍‌ଫିଡେଣ୍ଟ ଅଛନ୍ତି ଜାକବ ପ୍ରଧାନ । ଆଉ ଲୋକଙ୍କ ପାଇଁ କାମ କରିଛନ୍ତି, ଲୋକଙ୍କ ସହିତ ଅଛନ୍ତି, ତେଣୁ ଏଥର ନିର୍ବାଚନରେ ପୁଣି ଜି.ଉଦୟଗିରିରେ ଜିତିବେ ବୋଲି ଭାବୁଛନ୍ତି । ହେଲେ ଜି.ଉଦୟଗିରିରୁ ଯେ, ଜାକବ କଂଗ୍ରେସ ପ୍ରାର୍ଥୀ ଭାବେ ଏକମାତ୍ର ଦାବିଦାର ସେକଥା ଭାବିବା ଭୁଲ୍‌ । କାହିଁକି ନା’ ଆଉ ଜଣେ ଯୁବନେତା ପ୍ରତାପ ପ୍ରଧାନ ମଧ୍ୟ ଟିକେଟ୍‌ ଆଶାୟୀ ଅଛନ୍ତି । ଜି.ଉଦୟଗିରିର ପଲିଟିକାଲ ହାଲଚାଲ ତ ଦେଖିଲେ ଏବେ ଆସନ୍ତୁ ନଜର ପକାଇବା ଫୁଲବାଣୀ ବିଧାନସଭା ନିର୍ବାଚନ ମଣ୍ଡଳୀ ଉପରେ । ଏଠି ବିଜେଡି ନେତା ଦୁଗୁନୀ କହଁର ବିଧାୟକ ଅଛନ୍ତି । ଆଉ ଦ୍ବିତୀୟ ଥର ପାଇଁ ଦଳ ତାଙ୍କୁ ସୁଯୋଗ ଦେବ ବୋଲି ଆଶା କରୁଛନ୍ତି । ହେଲେ ଚାକିରିରୁ ସ୍ବେଚ୍ଛାକୃତ ଅବସର ନେଇ ବିଜେଡିରେ ମିଶିଥିବା ନବୀନ କହଁର, ଚକାପାଦ ଅଂଚଳର ବ୍ୟାଙ୍କ କର୍ମଚାରୀ ଉମାଚରଣ ମଲ୍ଲିକ, କେଲାପଡ଼ା ସରପଞ୍ଚ ପ୍ରେମଶୀଳା ଝାଙ୍କରଙ୍କ ଭଳି ନେତା ମଧ୍ୟ ବିଜେଡି ଟିକେଟ୍‌ ରେସ୍‌ରେ ଅଛନ୍ତି ।

ଫୁଲବାଣୀ ବିଜେଡିରେ ତିନି ତିନି ଜଣ ଆଶାୟୀ ଏବେ ଦଳୀୟ ଟିକେଟ୍ଉପରେ ନଜର ଗଡ଼ାଇଛନ୍ତି । ହେଲେ ଗଲା ନିର୍ବାଚନରେ ବିଜେପି ଟିକେଟ୍‌ରେ ଲଢ଼ି ଖୁବ୍‌ କମ୍‌ ବ୍ୟବଧାନରେ ହାରିଥିବା ଦେବନାରାୟଣ ପ୍ରଧାନ କିନ୍ତୁ ଏଥର ଦଳୀୟ ଟିକେଟ୍‌ ପାଇବା ନେଇ ଫୁଲ୍‌ କନ୍‌ଫିଡେଣ୍ଟ ଅଛନ୍ତି । ତଥାପି ଦଳର ଆଉ ଜଣେ ନେତା ରଘୁପତି କହଁର ବିଜେପି ଆଶାୟୀ ଦୌଡ଼ରେ ଥିବାରୁ ଦଳ କାହାକୁ ଟିକେଟ୍‌ ଦେଉଛି ତା ଉପରେ ରହିଛି ନଜର ।

ସେହିଭଳି ବାଲିଗୁଡ଼ା ବିଧାୟକ ରାଜୀବ ପାତ୍ର ମଧ୍ୟ ଏଥର ମଧ୍ୟ ବିଜେଡିରୁ ଟିକେଟ୍‌ ଆଶାୟୀ ଅଛନ୍ତି । ହେଲେ କ.ନୂଆଗାଁ ବ୍ଲକ ଅଧ୍ୟକ୍ଷ ଚକ୍ରମଣି କହଁର, କୋଟଗଡ଼ ବିଜେଡି ନେତା ଷ୍ଟିଫେନ୍‌ ପ୍ରଧାନ ମଧ୍ୟ ଟିକେଟ୍‌ ରେସ୍‌ରେ ସାମିଲ ହୋଇଛନ୍ତି । ସେପଟେ ଗତ ନିର୍ବାଚନରେ ବହୁତ କମ୍‌ ଭୋଟ୍‌ ବ୍ୟବଧାନରେ ହାରିଥିବା କଂଗ୍ରେସର କ୍ଲେସ ପ୍ରଧାନ ଏଥର ମଧ୍ୟ ଦଳର ପ୍ରାର୍ଥୀ ହେବେ ବୋଲି ଆଶା ବାନ୍ଧିଛନ୍ତି । ଆଉ ପୂର୍ବରୁ ଦୁଇ ଦୁଇ ଥର ବିଧାୟକ ହୋଇଥିବା ବିଜେପିର କରେନ୍ଦ୍ର ମାଝିଙ୍କୁ ଦଳ ଏଥର ମଧ୍ୟ ପ୍ରାର୍ଥୀ କରିବ ବୋଲି ଦମ୍ଭ ଦେଖାଇଛନ୍ତି ।

ଏସବୁ ଭିତରେ କୌଣସି ଦଳର ପ୍ରାର୍ଥୀ ତାଲିକା ଫାଇନାଲ ହୋଇନଥିବାରୁ ଆଶା ଆଶଙ୍କା ଭିତରେ ରହିଛନ୍ତି ଆଶାୟୀ । ତଥାପି ଟିକେଟ୍‌ ଆଶାରେ ଜନତା ଦରବାରରେ ହାଜିର ଲଗାଇବା ଛାଡ଼ି ନାହାନ୍ତି । ଦଳ ସାମ୍ନାରେ ନିଜର ପାଓ୍ବାର ଶୋ’ କରି ଟିକେଟ୍‌ ଦାବିଦାରୀ ପେଶ୍‌ କରିବାକୁ ନିଜ ନିଜ ସ୍ତରରେ ଜାରି ରଖିଛନ୍ତି ଉଦ୍ୟମ ।

   Related Posts