Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେଡିରେ ମିଶିବେ ପ୍ରଦୀପ ମାଝୀ, କହିଲେ ନବୀନଙ୍କ ହାତମୁଠା ଟାଣ କରିବି
  • ||
  • ଆଇଆଇଟି ଜମ୍ମୁର ନୂତନ ଗୃହ ଲୋକାର୍ପଣ କରିବେ ଗୃହମନ୍ତ୍ରୀ ଅମିତ ଶାହ, ଉପସ୍ଥିତ ରହିବେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୭ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୫ ହଜାରରୁ ଅଧିକ କରୋନା ପଜିଟିଭ୍, ୫୬୧ ମୃତ
  • ||
  • ଚିଲିକାକୁ ଆସିଲେଣି ବିଦେଶୀ ପକ୍ଷୀ, ସୁରକ୍ଷା ପାଇଁ ବନ ବିଭାଗ ପ୍ରସ୍ତୁତ
  • ||
  • ଲକ୍ଷ୍ମୀପୁର ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ ଡେଙ୍ଗୁ, ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି
  • ||
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

ଏହି ଖେଳାଳିଙ୍କ ପ୍ରତି ଘୋର ଅନ୍ୟାୟ ! ଫିଟନେସ୍‌ ଏବଂ ଫର୍ମରେ ଥାଇ ମଧ୍ୟ ଭାରତୀୟ ଦଳରେ ମିଳିଲାନି ସୁଯୋଗ

7/05/2021 at 10:53 PM

ନୂଆଦିଲ୍ଲୀ ୦୭।୦୫: ଭାରତୀୟ ଦଳ ବିଶ୍ଵ ଟେଷ୍ଟ ଚମ୍ପିଆନସିପ୍‌ର ଫାଇନାଲ ଓ ଇଂଲଣ୍ଡ ବିପକ୍ଷ ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍‌ ପାଇଁ ୨୦ ଜଣିଆ ଦଳ ଘୋଷଣା କରିଛି। ଏହି ଦଳରେ ମହମ୍ମଦ ସାମି, ଉମେଶ ଯାଦବ, ହନୁମା ବିହାରୀଙ୍କ ପ୍ରତ୍ୟାବର୍ତ୍ତନ ଘଟିଛି। ମାତ୍ର ଚୟନକର୍ତ୍ତାଙ୍କ ଏକ ନିଷ୍ପତ୍ତି ସଭିଙ୍କୁ ଚକିତ କରିଛି। ଭାରତର ୨୦ ଜଣିଆ ଦଳରେ ଅନୁଭବୀ ଏବଂ ଅଭିଜ୍ଞ ବୋଲର ଭୁବନେଶ୍ଵର କୁମାରଙ୍କ ନାଁ ନାହିଁ। ଭୁବନେଶ୍ଵର କୁମାର ଫିଟ୍ ବି ଅଛନ୍ତି ଏବଂ ଫର୍ମରେ ମଧ୍ୟ ଅଛନ୍ତି। ସେ ନିକଟରେ ଇଂଲଣ୍ଡ ବିପକ୍ଷ ଦିନିକିଆ ଓ ଟି-୨୦ ଦଳରେ ଦମଦାର ପ୍ରଦର୍ଶନ କରିଥିଲେ।

ଭୁବନେଶ୍ଵର କୁମାରଙ୍କୁ ଦଳରେ ଚୟନ କରାନଯିବା ଏଥିପାଇଁ ଆଶ୍ଚର୍ଯ୍ୟ ଲାଗୁଛି, କାରଣ ଇଂଲଣ୍ଡର ପରିବେଶ ଏବଂ ପିଚ୍‌ ତାଙ୍କ ପାଇଁ ବହୁତ ଅନୁକୂଳ। ଭୁବନେଶ୍ଵର କୁମାର ଜଣେ ସୁଇଙ୍ଗ ବୋଲର ଏବଂ ସେ ଇଂଲଣ୍ଡ ମାଟିରେ ସର୍ବଦା ଭଲ ପ୍ରଦର୍ଶନ କରି ଆସିଛନ୍ତି। ବଲ୍‌କୁ ଉଭୟ ପାର୍ଶ୍ଵକୁ ସ୍ଵିଙ୍ଗ କରିବା ସହ ସଠିକ୍ ଲାଇନ୍‌ରେ ବୋଲିଂ କରିବାରେ ସେ ସିଦ୍ଧହସ୍ତ। ବର୍ତ୍ତମାନ ଦଳରେ କେବଳ ବୁମରା ଓ ସାମି ହିଁ ଭୁବନେଶ୍ଵରଙ୍କ ପରି ଇଂଲଣ୍ଡରେ ବୋଲିଂ କରି ପାରିବେ।

ଇଂଲଣ୍ଡରେ ଦମଦାର ରେକର୍ଡ

ଭୁବନେଶ୍ଵର କୁମାରଙ୍କ ଇଂଲଣ୍ଡରେ ରେକର୍ଡ ଦମଦାର ରହିଛି। ସେ ଇଂରେଜ ମାଟିରେ ୫ ମ୍ୟାଚ୍‌ରୁ ୧୯ ଓ୍ଵିକେଟ୍ ନେଇଛନ୍ତି। ଗୋଟିଏ ଇନିଂସରେ ୮୨ ରନ ଦେଇ ୬ ଓ୍ଵିକେଟ୍ ନେବାର ସଫଳତା ତାଙ୍କ ନାଁରେ ରହିଛି। କେବଳ ଏତିକି ନୁହେଁ ଇଂଲଣ୍ଡ ବିପକ୍ଷ ଦିନିକିଆ ଓ ଟି-୨୦ ଘରୋଇ ସିରିଜ୍‌ରେ ମଧ୍ୟ ଭୁବନେଶ୍ଵର କୁମାର ପ୍ରଭାବଶାଳୀ ବୋଲିଂ କରିଥିଲେ। ଯେଉଁ ପିଚ୍‌ରେ ଅନ୍ୟ ବୋଲର ନିର୍ଘାତ ପ୍ରହାର ଖାଉଥିଲେ, ସେଠାରେ ଭୁବନେଶ୍ଵର କୁମାର ବିରୋଧୀଙ୍କ ବ୍ୟାଟିଂ ଉପରେ ଅଙ୍କୁଶ ଲଗାଉଥିଲେ। ଦିନିକିଆ ସିରିଜ୍‌ରେ ଭୁବନେଶ୍ଵର କୁମାର ୩ଟି ମ୍ୟାଚ୍‌ରୁ ୬ ଓ୍ଵିକେଟ୍ ନେଇଥିଲେ। ଏହା ବ୍ୟତୀତ ଅହମ୍ମଦାବାଦରେ ଖେଳାଯାଇଥିବା ଟି-୨୦ ସିରିଜ୍‌ରେ ସେ ୪ ଓ୍ଵିକେଟ୍ ନେଇଥିଲେ। ଇକୋନୋମି ହାର ମଧ୍ୟ ବହୁତ କମାଲ ଥିଲା। ଏଥିରୁ ସ୍ପଷ୍ଟ ଯେ, ଭୁବନେଶ୍ଵର କୁମାର ସହିତ ଫର୍ମ ଅଛି ଏବଂ ଫିଟ୍ ମଧ୍ୟ ଅଛନ୍ତି। ମାତ୍ର ଦଳର ଚୟନକର୍ତ୍ତା ତାଙ୍କ ପ୍ରତି ଅଣଦେଖା କରିଛନ୍ତି।

   Related Posts