Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : କମିଲା କୋଭିଡ୍ ମୃତ୍ୟୁ ସଂଖ୍ୟା : ଗତ ୨୪ ଘଣ୍ଟାରେ ଯାଇଛି ୪ ମୁଣ୍ଡ, ୧୭୩୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୫୧୮ କରୋନା ସଂକ୍ରମିତ, ୩୧୮୩୦୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||
  • ଭୁବନେଶ୍ୱର : ବିଜେଡିରୁ ବହିଷ୍କୃତ ହେଲେ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ
  • ||
  • ମାଲକାନଗିରି : କମ୍ବିଂ ଅପରେସନ ସାରି ଫେରୁଥିବା ବେଳେ ଲ୍ୟାଣ୍ଡମାଇନ ବିସ୍ଫୋରଣ : ଆସିଷ୍ଟାଣ୍ଡ କମାଣ୍ଡାଣ୍ଟ୍ ସହିଦ, ୯ଯବାନ ଆହତ
  • ||

ଅବଶାଦର ଅଦ୍ଭୁତ ରୂପ: ସ୍ତ୍ରୀ ଓ ୩ ଛୁଆଙ୍କୁ ନିର୍ମମ ଭାବେ ହତ୍ୟା କଲା ଟ୍ୟୁସନ ମାଷ୍ଟର, ଗିରଫ କଲା ପୋଲିସ

22/06/2019 at 6:56 PM

ନୂଆଦିଲ୍ଲୀ୨୨|୬: ନିଜ ହାତରେ ନିଜ ପରିବାରକୁ ସଫା କଲା ଜଣେ ବ୍ୟକ୍ତି । ନିଜ ୩ଛୁଆଙ୍କ ସହ ପତ୍ନୀଙ୍କୁ ହତ୍ୟା କରିଛି ଦିଲ୍ଲୀ ମେହରଲି ଅଞ୍ଚଳର ଉପେନ୍ଦ୍ର ଶୁକ୍ଲା । ଟିଉସନ କରି ଗୁଜୁରାଣ ମେଣ୍ଟାଉଥିବା ବ୍ୟକ୍ତି ଜଣଙ୍କ ଅବସାଦଗ୍ରସ୍ତ ଯୋଗୁଁ ନିଜ ପରିବାରକୁ ମାରିଲା ବୋଲି ସ୍ବୀକାର କରିଛି । ପୋଲିସ ତାକୁ ଗିରଫ କରି ଘଟଣାର ଅଧିକ ଅନୁସନ୍ଧାନ କରୁଛି ।..

ବାପା ସାଜିଲା ହତ୍ୟାକାରୀ ।ନିଜ ହାତରେ ୩ ଛୁଆଙ୍କ ଗଳାକାଟି ହତ୍ୟା କରିବା ସହ ପତ୍ନୀକୁ ହତ୍ୟା କରିଛି ଦିଲ୍ଲୀ ମେହରୋଲିରେ ରହୁଥିବା ଉପେନ୍ଦ୍ର ଶୁକ୍ଲା । ଟିଉସନ୍ କରି ଗୁଜୁରାଣ ମେଣ୍ଟାଉ ଥିବା ୪୨ବର୍ଷର ଉପେନ୍ଦ୍ର ଅଚାନକ ଯେମିତି ପାଲଟି ଯାଇଥିଲା ନରରାକ୍ଷସ । ଶୋଇଥିବା ଅବସ୍ଥାରେ ୩ ଛୁଆଙ୍କ ସହ ପତ୍ନୀକୁ ଛୁରୀରେ କାଟି ହତ୍ୟା କରିଥିଲା । ବାପା ହାତରେ ପ୍ରାଣ ହରାଇଥିବା ୩ଶିଶୁଙ୍କ ମଧ୍ୟରେ ଅଛନ୍ତି ୬ବର୍ଷ, ୫ବର୍ଷର ଦୁଇ ଝିଅ ଓ ୨ବର୍ଷର ପୁଅ ।

ସକାଳେ ଉପେନ୍ଦ୍ର ଅନେକ ସମୟ ଧରି ଘରର କବାଟ ଖୋଲିନଥିଲେ । ଏନେଇ ତାଙ୍କ ମା ପଡୋଶୀକୁ ଡାକିଥିଲେ ଓ ପରେ ପୋଲିସକୁ ଖବର ଦିଆଯାଇଥିଲା । ପୋଲିସ ଘଟଣା ସ୍ଥଳରେ ପହଞ୍ଚି ଘରୁ ୪ ଜଣଙ୍କ ମୃତଦେହ ଉଦ୍ଧାର କରିବା ସହ ଉପେନ୍ଦ୍ରକୁ ଗିରଫ କରିଥିଲା । ୪ ଜଣଙ୍କୁ ମାରିବା ପରେ ଉପେନ୍ଦ୍ର ନିଜ ଶରୀରକୁ ଛୁରୀରେ କ୍ଷତ ବିକ୍ଷତ କରିପକାଇଥିଲା ।

ସ୍ଥାନୀୟ ଲୋକଙ୍କ କହିବା ଅନୁଯାୟୀ ଗତ କିଛି ଦିନ ଧରି ଉପେନ୍ଦ୍ର ମାନସିକ ବିଶାଦ ଭିତରେ ଗତି କରୁଥିଲା । ଯେଉଁ ଘରେ ଉପେନ୍ଦ୍ରଙ୍କ ପରିବାର ରହୁଥିଲେ, ସେଠାରେ ତାଙ୍କ ମା ମଧ୍ୟ ରହୁଥିଲେ । ଦିଲ୍ଲୀ ପୋଲିସ ଅଭିଯୁକ୍ତ ଉପେନ୍ଦ୍ରକୁ ଗିରଫ କରି ତନାଘନା କରୁଛି । ରାତି ପାଖାପାଖି ୧ଟା ମଧ୍ୟରେ ଅଭିଯୁକ୍ତ ପୂରା ପରିବାରକୁ ହତ୍ୟା କରିଛି ।

ଦିଲ୍ଲୀ ଡିସିପିଙ୍କ ସୂଚନା ମୁତାବକ ଅଭିଯୁକ୍ତ ହତ୍ୟା କରିବା ପରେ ଗୋଟିଏ ନୋଟ୍ ରେ ସେ ସମ୍ପୁର୍ଣ୍ଣ ପରିବାରକୁ ହତ୍ୟା କରିଥିବା କଥା ଲେଖିଥିଲା । ଉପେନ୍ଦ୍ରଙ୍କ ଦ୍ବାରା ଲିଖିତ୍ ଏହି ନୋଟ୍ କୁ ପୋଲିସ୍ ଜବତ କରିଥିବା ବେଳେ ହତ୍ୟାକାଣ୍ଡରେ ବ୍ୟବହୃତ ଛୁରୀକୁ ବି ଜବତ କରିଛି ।

ପୁଲିସ୍ ମୃତଦେହଗୁଡ଼ିକୁ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ ଜାରି ରଖିଛି ।ଏହି ଘଟଣା ସାରା ଦେଶରେ ଚାଞ୍ଚଲ୍ୟ ଖେଳାଇ ଦେଇଚି ।

   Related Posts