ଦେବଗଡ ୨୪|୭: ଦେବଗଡ ସହରରେ ପ୍ରଶାସନ ପକ୍ଷରୁ ବେଆଇନ ଜବରଦଖଲ ଉଚ୍ଛେଦ କାର୍ଯ୍ୟକ୍ରମ ଜାରି ରହିଥିବା ବେଳେ ଏହାକୁ ବିରୋଧ କରି ବ୍ୟବସାୟୀ ସଂଘ ପକ୍ଷରୁ ଦେବଗଡ ବନ୍ଦ ଡାକରା ଦିଆଯାଇଛି । ଗତ କିଛି ଦିନ ହେଲା ଜବରଦଖଲ ଉଚ୍ଛେଦ କାର୍ଯ୍ୟ ଜାରି ରହିଥିବା ବେଳେ ଗତ ୨୨ ତାରିଖରେ କିଛି ବ୍ୟବସାୟୀ ନୂତନ ସଂଘ ଗଠନ କରି ଏହି ବନ୍ଦ ଡାକରା ଦେଇଥିଲେ ।
{"id":136830}ବୁଧବାର ଏହି ବନ୍ଦ ପାଳନ ଯୋଗୁଁ ଦେବଗଡ ସହରର ଅନେକ ବ୍ୟବସାୟିକ ପ୍ରତିଷ୍ଠାନ ବନ୍ଦ ରହିଛି । ବନ୍ଦ ପାଳନ ଯୋଗୁଁ ଦୋକାନ ବଜାର ସହ କିଛିକାଂଶରେ ବ୍ୟାଙ୍କ, ସ୍କୁଲ, କଲେଜ, ବେସରକାରୀ ବସ୍ ଚଳାଚଳ ବନ୍ଦ ରହିଛି । ସେହିଭଳି ଜାତୀୟ ରାଜପଥରେ ପଣ୍ୟବାହୀ ଗାଡି ଚାଲିଥିବା ଦେଖାଦେଇଛି । ଅନ୍ୟ ପକ୍ଷରେ ପ୍ରଶାସନର ଜବରଦଖଲ ଉଚ୍ଛେଦ କାର୍ଯ୍ୟକୁ ପୁରୁଣା ବ୍ୟବସାୟୀ ସଂଘ ସମର୍ଥନ କରି ବନ୍ଦ ପାଳନକୁ ବିରୋଧ କରିଛି। ଏହାକୁ ନେଇ ବ୍ୟବସାୟୀ ମାନଙ୍କ ମଧ୍ୟରେ ଗୋଷ୍ଠୀ ବିବାଦ ଦେଖାଦେଇଛି।