ଉଦଳା ୩।୧୧: ମୟୂରଭଞ୍ଜ ଜିଲ୍ଲା ଉଦଳା ବ୍ଲକ ଅନ୍ତର୍ଗତ ଡିମଗଡିଆ ଗ୍ରାମରେ ଜଣେ ଡେଙ୍ଗୁ ରୋଗୀ ଚିହ୍ନଟ ହୋଇଛନ୍ତି । ଡେଙ୍ଗୁ ରୋଗୀଙ୍କୁ ଚିକିତ୍ସା ନିମନ୍ତେ ବାରିପଦା ପିଆରଏମ ଡାକ୍ତରଖାନାରେ ଭର୍ତି କରାଯାଇଛି ।
{"id":178464}ସୂଚନାଯୋଗ୍ୟ ଯେ, ଡିମଗଡିଆ ଗାଁର ଗିରିଜା ଶଙ୍କର ବାରିକଙ୍କୁ ଗତ କାଳୀପୂଜା ଠାରୁ ଜ୍ବର ଲାଗି ରହିଥିଲା । ପ୍ରାଥମିକ ଚିକିତ୍ସା ନିମନ୍ତେ ତାଙ୍କୁ ଗ୍ରାମ ନିକଟସ୍ଥ ଚିକିତ୍ସା କେନ୍ଦ୍ରକୁ ଭର୍ତ୍ତି କରଯାଇଥିଲା କିନ୍ତୁ ସେଠାରେ ତାଙ୍କା ଜ୍ବାର କମିନଥିଲା । ଗିରିଜାଙ୍କୁ ପରେ ଉଦଳା ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା । ଚାରି ଦିନ ଉଦଳା ଡାକ୍ତରଖାନାରେ ଚିକିତ୍ସାଧୀନ ରହିବା ସମୟରେ ଗିରିଜାଙ୍କ ଦୁଇ ଥର ରକ୍ତ ପରୀକ୍ଷା କରାଯାଇଥିଲା । ରିପୋର୍ଟରେ ତାଙ୍କୁ ଡେଙ୍ଗୁ ହୋଇଥିବା ଜଣାପଡିବା ପରେ ଗତକାଲି ରାତିରେ ତାଙ୍କୁ ଚିକିତ୍ସା ନିମନ୍ତେ ବାରିପଦା ସ୍ଥାନାନ୍ତର କରାଯାଇଛି । ଏବେ ସେ ବାରିପଦା ପିଆରଏମ ଡାକ୍ତରଖାନାରେ ଚିକିତ୍ସାଧୀନ ରହିଥିବା ଜଣାଯାଇଛି ।