Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୫୭୩ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୮୦ ଡିସଚାର୍ଜ
  • ||
  • ଡ୍ରଗ୍ସ ଲିଙ୍କ୍ ମାମଲାରେ NCBରେ ହାଜର ହେଲେ ଅନନ୍ୟା ପାଣ୍ଡେ, ଆର୍ଯ୍ୟନ ସହ ହ୍ବାଟସଆପ୍‌ ଚାଟ୍‌କୁ ନେଇ ମାରାଥନ୍‌ ଜେରା
  • ||
  • ଭୁବନେଶ୍ୱର : STF ପଞ୍ଝାରେ ବ୍ରାଉନସୁଗାର ବେପାରୀ, ୧କୋଟିରୁ ଅଧିକ ଟଙ୍କାର ଧଳାଜହର ଜବତ
  • ||
  • କଳାହାଣ୍ଡି : ମହାଲିଙ୍ଗ୍ ସନସାଇନ୍ ପବ୍ଲିକ୍ ସ୍କୁଲରେ ପ୍ରଶାସନର ତଦନ୍ତ, କାଗଜପତ୍ର ଯାଞ୍ଚ ସହ ଆୟବ୍ୟୟ ଅଟକଳର ଚାଲିଛି ଖୋଳତାଡ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

ରାଜ୍ୟର ଅନେକ ସହରର ତାପମାତ୍ରା ୪୩ ଡିଗ୍ରୀ ଉପରେ : ପେଟ ଥଣ୍ଡା ରଖିବା ପାଇଁ ବଢିଛି ତାଳସଜର ଚାହିଦା

20/05/2019 at 10:51 AM

ସୁବର୍ଣ୍ଣପୁର ୨୦/୫ : ସୁବର୍ଣ୍ଣପୁର ଜିଲ୍ଲାରେ ଗତ ୭ ଦିନ ହେବ ପାରଦ ୪୩ ଡିଗ୍ରୀ ଉପରେ ରହୁଥିବାବେଳେ ଲୋକଙ୍କ ଜନଜୀବନ ଅସ୍ତବ୍ୟସ୍ତ ହୋଇପଡିଲାଣି । ଏପଟେ ଗରମ ଦାଉରୁ ନିଜକୁ ସୁସ୍ଥ ଓ ପେଟକୁ ଥଣ୍ଡା ରଖିବା ପାଇଁ ଗାଁ ଗାଁରେ ଚାଲିଛି ତାଳସଜର ଆସର । ତାଳ ଫଳ ପୁରୁଣା ହୋଇଥିଲେ ସୁଦ୍ଧା ଏହା ଖରାଦିନରେ ପେଟ ଥଣ୍ଡା ରୁହେ ଏ ବାବଦରେ ବହୁ କମଲୋକେ ଜାଣିଥିବେ ।

ବିଶେଷ କରି ଜିଲ୍ଲାର ବହୁ ସ୍ଥାନରେ ତାଳ ଗଛ ଅଧିକ ମାତ୍ରାରେ ଥିବାବେଳେ ଖରାକୁ ଆଖି ଆଗରେ ରଖି ତାଳସଜର ଚାହିଦା ବଢିବା ସାଙ୍ଗକୁ ସାଙ୍ଗସାଥୀ ମାନେ ଗାଁ ଗହିରକୁ ଯାଇ ତାଳସଜ ଖାଇ ପେଟ ଥଣ୍ଡା କରିବାରେ ଲାଗିପଡିଛନ୍ତି । କେବଳ ଗାଁ ଲୋକ ନୁହଁନ୍ତି ରାସ୍ତାରେ ମଧ୍ୟ ବସୁଛି ତାଳସଜର ଆସର । ଆଉ ଲୋକେ ବି ଏହାକୁ ଖରାଦିନ ପାଇଁ ପଇସା ରୋଜଗାର କରିବାର ଏକ ମୌକା ପାଇଛନ୍ତି ।

ସକାଳୁ ସଂଞ୍ଜ ଯାଏଁ ତାଳଗଛ ମୁଳେ ଲାଗେ ଲୋକଙ୍କ ଭିଡ । ତାଳଗଛକୁ ଯାଇ ଲୋକେ ଭିନ୍ନ ଭିନ୍ନ ଉପାୟରେ ଗଛ ଚଢି ତାଳସଜ କୁ ହାଣି ତଳକୁ ଆଣିଥାନ୍ତି । ତା ପରେ ତାଳ ଫଳର ଚାରିପଟେ ରୁଣ୍ଡ ହୋଇ ଖାଇଥାନ୍ତି ତାଳସଜ । ପିଲାଠୁ ବୁଢା ସମସ୍ତ ଙ୍କ ପାଇଁ ଖରାଦିନେ ତାଳସଜ ଖାଇବାର ମଜା ନିଆରା ହୋଇଥିବାବେଳେ ଲାଗେ ସତେ ଯେମିତି ନୂଆଣିଆ ଫଳ । ସୁବର୍ଣ୍ଣପୁର ଜିଲ୍ଲାର କେବଳ ଯେ ଗାଁ ଗଣ୍ଡାରେ ଏଭଳି ଚିତ୍ର ଦେଖିବାକୁ ମିଳେ ତାହା ନୁହେଁ ଜିଲ୍ଲା ଦେଇ ଯାଇଥିବା ବିଭିନ୍ନ ରାସ୍ତା ଏବଂ ଛକ ମାନଙ୍କରେ ମଧ୍ୟ ତାଳସଜର ଆସର ଦେଖିବାକୁ ମିଳିଥାଏ ।

ଜିଲ୍ଲାର ବିଭିନ୍ନ ଗାଁ ଗଣ୍ଡାରେ ତାଳଗଛ ବହୁଳ ମାତ୍ରାରେ ଥିବାରୁ ଖରାଦିନେ ଲୋକେ ତାଳସଜ ଖାଇବାର ମଜା ଉଠାଇଥାନ୍ତି । କିଏକିଏ ଏହି ତାଳସଜକୁ ଆଣି ରାସ୍ତା କଡରେ ବିକ୍ରି କରି ବେଶ ଦୁଇପଇସା ମଧ୍ୟ ରୋଜଗାର କରିଥାନ୍ତି । ଆଉ ଉଦୁଉଦିଁଆ ଖରାବେଳଟାରେ ରାସ୍ତା ରେ ଯାଉଥିବା ଯାତ୍ରୀ ମାନଙ୍କର ଗହଳି ଲାଗେ ତାଳସଜ ଆସରରେ । କେମିକାଲ ଯୁକ୍ତ କୋଲଡ୍ରିଙ୍କ୍ସ ନ ପିଇ ଲୋକେ ତାଳସଜ ଖାଇ ପେଟକୁ ଥଣ୍ଡା ରଖିଥାନ୍ତି ।


ତାଳଗଛର ଫଳରେ ଥାଏ ଅନେକ ଔଷଧୀୟ ଗୁଣ । ତାଳଗଛର ଫଳକୁ କାଟିଦେଲେ ବାହାରେ ଧଳା ରଙ୍ଗର ଏକ ବଡ ଅଂଶ । ମିଠା ସହିତ ସୁସ୍ବାଦୁ ଲାଗିଥାଏ ତାଳ । ବିଶେଷ କରି ଖରାଦିନରେ ତାଳସଜ ଖାଇଲେ ପେଟ ଥଣ୍ଡା ହୋଇଥାଏ । ଲୋକେ ଖରାରୁ ରକ୍ଷା ପାଇବା ପାଇଁ ବହୁଳ ମାତ୍ରାରେ ତାଳସଜ ଖାଇଥାନ୍ତି । ଯାହାଫଳରେ ଖରାଦିନେ ତାଳସଜର ଚାହିଦା ଢେର ଅଧିକ । ସାବିତ୍ରୀ ଅମାବାସ୍ୟାରେ ଲାଗୁଥିବା ଏହି ଫଳର ଉପକାରିତା ବାବଦରେ ଖୁବ କମ ଲୋକ ଜାଣିଥାନ୍ତି ।


ଖରା ଯେତିକି ବଢୁଛି ସେ ଅନୁପାତରେ ତାଳସଜର ଚାହିଦା ବଢିଚାଲିଥିବାବେଳେ ଖରାଦିନେ ଅଂଶୁଘାତରୁ ରକ୍ଷା ପାଇବା ପାଇଁ ବାଟୋଇ ମାନଙ୍କ ପାଇଁ ତାଳସଜ ସାଜିଛି ଉତ୍ତମ ଖାଦ୍ୟ ।

   Related Posts