ସୁବର୍ଣ୍ଣପୁର ୨୦/୫ : ସୁବର୍ଣ୍ଣପୁର ଜିଲ୍ଲାରେ ଗତ ୭ ଦିନ ହେବ ପାରଦ ୪୩ ଡିଗ୍ରୀ ଉପରେ ରହୁଥିବାବେଳେ ଲୋକଙ୍କ ଜନଜୀବନ ଅସ୍ତବ୍ୟସ୍ତ ହୋଇପଡିଲାଣି । ଏପଟେ ଗରମ ଦାଉରୁ ନିଜକୁ ସୁସ୍ଥ ଓ ପେଟକୁ ଥଣ୍ଡା ରଖିବା ପାଇଁ ଗାଁ ଗାଁରେ ଚାଲିଛି ତାଳସଜର ଆସର । ତାଳ ଫଳ ପୁରୁଣା ହୋଇଥିଲେ ସୁଦ୍ଧା ଏହା ଖରାଦିନରେ ପେଟ ଥଣ୍ଡା ରୁହେ ଏ ବାବଦରେ ବହୁ କମଲୋକେ ଜାଣିଥିବେ ।
{"id":113816,"align":"center","width":574,"height":432}
ବିଶେଷ କରି ଜିଲ୍ଲାର ବହୁ ସ୍ଥାନରେ ତାଳ ଗଛ ଅଧିକ ମାତ୍ରାରେ ଥିବାବେଳେ ଖରାକୁ ଆଖି ଆଗରେ ରଖି ତାଳସଜର ଚାହିଦା ବଢିବା ସାଙ୍ଗକୁ ସାଙ୍ଗସାଥୀ ମାନେ ଗାଁ ଗହିରକୁ ଯାଇ ତାଳସଜ ଖାଇ ପେଟ ଥଣ୍ଡା କରିବାରେ ଲାଗିପଡିଛନ୍ତି । କେବଳ ଗାଁ ଲୋକ ନୁହଁନ୍ତି ରାସ୍ତାରେ ମଧ୍ୟ ବସୁଛି ତାଳସଜର ଆସର । ଆଉ ଲୋକେ ବି ଏହାକୁ ଖରାଦିନ ପାଇଁ ପଇସା ରୋଜଗାର କରିବାର ଏକ ମୌକା ପାଇଛନ୍ତି ।
{"id":113812}
ସକାଳୁ ସଂଞ୍ଜ ଯାଏଁ ତାଳଗଛ ମୁଳେ ଲାଗେ ଲୋକଙ୍କ ଭିଡ । ତାଳଗଛକୁ ଯାଇ ଲୋକେ ଭିନ୍ନ ଭିନ୍ନ ଉପାୟରେ ଗଛ ଚଢି ତାଳସଜ କୁ ହାଣି ତଳକୁ ଆଣିଥାନ୍ତି । ତା ପରେ ତାଳ ଫଳର ଚାରିପଟେ ରୁଣ୍ଡ ହୋଇ ଖାଇଥାନ୍ତି ତାଳସଜ । ପିଲାଠୁ ବୁଢା ସମସ୍ତ ଙ୍କ ପାଇଁ ଖରାଦିନେ ତାଳସଜ ଖାଇବାର ମଜା ନିଆରା ହୋଇଥିବାବେଳେ ଲାଗେ ସତେ ଯେମିତି ନୂଆଣିଆ ଫଳ । ସୁବର୍ଣ୍ଣପୁର ଜିଲ୍ଲାର କେବଳ ଯେ ଗାଁ ଗଣ୍ଡାରେ ଏଭଳି ଚିତ୍ର ଦେଖିବାକୁ ମିଳେ ତାହା ନୁହେଁ ଜିଲ୍ଲା ଦେଇ ଯାଇଥିବା ବିଭିନ୍ନ ରାସ୍ତା ଏବଂ ଛକ ମାନଙ୍କରେ ମଧ୍ୟ ତାଳସଜର ଆସର ଦେଖିବାକୁ ମିଳିଥାଏ ।
{"id":113815}
ଜିଲ୍ଲାର ବିଭିନ୍ନ ଗାଁ ଗଣ୍ଡାରେ ତାଳଗଛ ବହୁଳ ମାତ୍ରାରେ ଥିବାରୁ ଖରାଦିନେ ଲୋକେ ତାଳସଜ ଖାଇବାର ମଜା ଉଠାଇଥାନ୍ତି । କିଏକିଏ ଏହି ତାଳସଜକୁ ଆଣି ରାସ୍ତା କଡରେ ବିକ୍ରି କରି ବେଶ ଦୁଇପଇସା ମଧ୍ୟ ରୋଜଗାର କରିଥାନ୍ତି । ଆଉ ଉଦୁଉଦିଁଆ ଖରାବେଳଟାରେ ରାସ୍ତା ରେ ଯାଉଥିବା ଯାତ୍ରୀ ମାନଙ୍କର ଗହଳି ଲାଗେ ତାଳସଜ ଆସରରେ । କେମିକାଲ ଯୁକ୍ତ କୋଲଡ୍ରିଙ୍କ୍ସ ନ ପିଇ ଲୋକେ ତାଳସଜ ଖାଇ ପେଟକୁ ଥଣ୍ଡା ରଖିଥାନ୍ତି ।
{"id":113813}
ତାଳଗଛର ଫଳରେ ଥାଏ ଅନେକ ଔଷଧୀୟ ଗୁଣ । ତାଳଗଛର ଫଳକୁ କାଟିଦେଲେ ବାହାରେ ଧଳା ରଙ୍ଗର ଏକ ବଡ ଅଂଶ । ମିଠା ସହିତ ସୁସ୍ବାଦୁ ଲାଗିଥାଏ ତାଳ । ବିଶେଷ କରି ଖରାଦିନରେ ତାଳସଜ ଖାଇଲେ ପେଟ ଥଣ୍ଡା ହୋଇଥାଏ । ଲୋକେ ଖରାରୁ ରକ୍ଷା ପାଇବା ପାଇଁ ବହୁଳ ମାତ୍ରାରେ ତାଳସଜ ଖାଇଥାନ୍ତି । ଯାହାଫଳରେ ଖରାଦିନେ ତାଳସଜର ଚାହିଦା ଢେର ଅଧିକ । ସାବିତ୍ରୀ ଅମାବାସ୍ୟାରେ ଲାଗୁଥିବା ଏହି ଫଳର ଉପକାରିତା ବାବଦରେ ଖୁବ କମ ଲୋକ ଜାଣିଥାନ୍ତି ।
ଖରା ଯେତିକି ବଢୁଛି ସେ ଅନୁପାତରେ ତାଳସଜର ଚାହିଦା ବଢିଚାଲିଥିବାବେଳେ ଖରାଦିନେ ଅଂଶୁଘାତରୁ ରକ୍ଷା ପାଇବା ପାଇଁ ବାଟୋଇ ମାନଙ୍କ ପାଇଁ ତାଳସଜ ସାଜିଛି ଉତ୍ତମ ଖାଦ୍ୟ ।
