Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଗିରଫ
  • ||
  • ମିର୍ଜାପୁରରେ କଂଗ୍ରେସ ନେତା ଦିଗ୍‌ବିଜୟ ସିଂହଙ୍କ ବଡ଼ ବୟାନ, କହିଲେ- ପାକିସ୍ତାନ ଯିବାକୁ ଚାହୁଁଛି
  • ||
  • ରାଜନୀତିରେ ପ୍ରବେଶ କଲେ ସୁପରଷ୍ଟାର୍ ରଜନୀକାନ୍ତ
  • ||
  • ବଢିଲା LPG ସିଲିଣ୍ଡର ଦର ଏବେ ବିନା ସବସିଡି ଉପଭୋକ୍ତାଙ୍କୁ ଦେବାକୁ ପଡିବ ଅଧିକ ୫୦ଟଙ୍କା
  • ||
  • ସାଲେପୁର : ଆମ୍ବୁଲାନ୍ସକୁ ପିଟିଲା କାର୍, ଡ୍ରାଇଭର ଆହତ
  • ||
  • କଟକ : ସି-ସୋର ଘାଟରୁ ଅଜଣା ମୃତଦେହ ଉଦ୍ଧାର, ଭାସି ଆସିଥିବା ସନ୍ଦେହ
  • ||
  • ଚଣ୍ଡିଗଡ : ପଦ୍ମ ବିଭୂଷଣ ଫେରାଇଲେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ପ୍ରକାଶ ସିଂହ ବାଦଲ
  • ||
  • ନୂଆଦିଲ୍ଲୀ : ଅନଲାଇନ୍‌ରେ ହେବନାହିଁ CBSE ବୋର୍ଡ ପରୀକ୍ଷା, ପୂର୍ବଭଳି ପରୀକ୍ଷା ଦେବେ ଛାତ୍ରଛାତ୍ରୀ
  • ||
  • ଝାରସୁଗୁଡା : ବାପା ନା’ ରାକ୍ଷସ, ନିଶାଶକ୍ତ ଅବସ୍ଥାରେ ୧୧ ବର୍ଷର ଝିଅ ସହ କଲା ଦୁଷ୍କର୍ମ !
  • ||
  • କନ୍ଧମାଳ : ହଜିଗଲା ମା’ର ମମତା, ୪ ବର୍ଷ ଝିଅର ଗାଲ କାଟିଦେଲା ସାବତ ମା’ !
  • ||

ଦକ୍ଷତାର ପୁରସ୍କାର : ହାବିଲଦାର ସୀମା ଢାକାଙ୍କୁ ଏଏସଆଇ ପଦକୁ ପ୍ରମୋସନ, ଦିଲ୍ଲୀରେ ନିଖୋଜ ୭୬ ଶିଶୁଙ୍କୁ କରିଥିଲେ ଉଦ୍ଧାର

19/11/2020 at 11:14 AM

ନୂଆଦିଲ୍ଲୀ,୧୯/୧୧:   ଦିଲ୍ଲୀ ପୋଲିସରେ କାର୍ଯ୍ୟରତ ମହିଲା ପୋଲିସ କର୍ମଚାରୀ ଏବେ ଚର୍ଚ୍ଚାରେ । ନିଜର କର୍ତ୍ତବ୍ୟପରାୟଣତା ଓ ଦାୟିତ୍ୱନିଷ୍ଠା ପାଇଁ ପାଇଛନ୍ତି ପଦୋନ୍ନତି । ଏହି ମହିଳା ପୋଲିସ କର୍ମଚାରୀ ସୀମା ଢାକା ଆଉଟର୍ ନର୍ଥ ଜିଲ୍ଲାର ସମୟପୁର ବାଦଲୀ ଥାନାରେ କାର୍ଯ୍ୟ କରୁଛନ୍ତି ।  ସୀମା ୩ ମାସରେ ୭୬ଜଣ ନିଖୋଜ ଶିଶୁଙ୍କୁ ସନ୍ଧାନ କରିଥିଲେ । ଏହି କାର୍ଯ୍ୟ ପାଇଁ ସୀମାଙ୍କ ପଦୋନ୍ନତି ହୋଇଛି । ଦିଲ୍ଲୀ ପୋଲିସ କମିଶନରଙ୍କ ଆଦେଶାନୁସାରେ ତାଙ୍କୁ ଏଏସଆଇ ଭାବେ ପଦୋନ୍ନତି ମିଳିଛି ।

ସୂଚନାନୁସାରେ, ସୀମା ୨୦୦୬ରେ ପୋଲିସ କନଷ୍ଟେବଳ ଭାବେ ଚାକିରୀ ପାଇଥିଲେ । ୨୦୧୪ରେ ସେ ବିଭାଗୀୟ. ପରୀକ୍ଷା ଦେଇ ହାବିଲଦାର ହୋଇଥିଲେ । ସୀମା ମୁଖ୍ୟତଃ ଉତ୍ତର ପ୍ରଦେଶର ସାମଲିରେ ରୁହନ୍ତି । ତାଙ୍କ ପତି ମଧ୍ୟ ଦିଲ୍ଲୀ ପୋଲିସରେ ହାବିଲଦାର ଅଛନ୍ତି । ସେ ନର୍ଥ ରୋହିଣୀ ଥାନାରେ କାର୍ଯ୍ୟ କରନ୍ତି । ସୀମାଙ୍କର ୮ ବର୍ଷର ଏକ ଶିଶୁ ପୁତ୍ର ମଧ୍ୟ ରହିଛି ।

ଗତ କିଛିଦିନ ଧରି ଦିଲ୍ଲୀରେ ଅନେକ ଶିଶୁ ନିଖୋଜ ହେଉଥିବା ଖବର ଚର୍ଚ୍ଚାରେ ରହିଥିଲା । ରିପୋର୍ଟ ଅନୁସାରେ, ଦିଲ୍ଲୀରେ ଏବେସୁଦ୍ଧା ୫୭୨୬୧ଜଣ ଶିଶୁ ନିଖୋଜ ଥିବା ଅଭିଯୋଗ ହୋଇଛି । ଏହାମଧ୍ୟରୁ ୨୧୬୩୧ଜଣଙ୍କୁ ଠାବ କରାଯାଇଛି । ଏହାମଧ୍ୟରୁ ଦିଲ୍ଲୀ ପୋଲିସ ଗତ ୩ ମାସ ମଧ୍ୟରେ ୧୪୪୦ଜଣଙ୍କୁ ଠାବ କରି ସେମାନଙ୍କ ପରିବାର ଲୋକଙ୍କୁ ହସ୍ତାନ୍ତର କରିଛି ।

ଏହି ମିଶନରେ ସୀମା ଚଳିତ ବର୍ଷ ଅଗଷ୍ଟ ମାସରେ ନିଖୋଜ ଥିବା ଶିଶୁଙ୍କ ସନ୍ଧାନ ଦାୟିତ୍ୱ ଦିଆଯାଇଥିଲା ,। ସୀମା ୩ ମାସରେ ୭୬ଜଣଙ୍କୁ ଠାବ କରିବାରେ ସଫଳ ହୋଇଥିଲେ ।

ଏହି ପରିପ୍ରେକ୍ଷୀରେ ସୀମା ରେଳ ଷ୍ଟେସନରୁ ନେଇ ବସ୍ ଷ୍ଟାଣ୍ଡ୍, ନିଶା କାରବାର ଚାଲୁଥିବା ସ୍ଥାନରେ ସନ୍ଧାନ କରିଥିଲେ । ଏଠାରୁ ସେ ଅନେକ ଶିଶୁଙ୍କୁ ଠାବ କରିଥିଲେ । ଏପରିକି କିଛି ନାବାଳିକାଙ୍କୁ ମଧ୍ୟ ସେ ଉଦ୍ଧାର କରି ପରିବାର ଲୋକଙ୍କୁ ଦେଇଥିଲେ । ଏହି ନାବାଳିକାମାନେ ପ୍ରେମ ଜାଲରେ ଫସି ପରିବାର ଛାଡି ଚାଲିଯାଇଥିଲେ ।  

   Related Posts