Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜୟପୁର : ପ୍ରବାସୀ ଶ୍ରମିକଙ୍କୁ ଅଧା ରାସ୍ତାରେ ଓହ୍ଲାଇଦେଲା ବସ୍, ଅଭିଯୋଗ ପରେ ବସ୍ ସହ ଡ୍ରାଇଭର ଓ କଣ୍ଡକ୍ଟର ଅଟକ
  • ||
  • ଚାନ୍ଦବାଲି : ୨ ଦିନ ଆଖଣ୍ଡଳମଣୀଙ୍କ ମନ୍ଦିର ବନ୍ଦ, ଜଣେ ସେବାୟତ କରୋନା ପଜିଟିଭ୍ ପରେ ପ୍ରଶାସନର ପଦକ୍ଷେପ
  • ||
  • ଟାଙ୍ଗୀ : ଟ୍ରକ୍-ବସ୍ ମୁହାଁମୁହିଁ ଧକ୍କା, ଟ୍ରକ୍ ହେଲପର ମୃତ, ଡ୍ରାଇଭର ଗୁରୁତର
  • ||
  • ରାଇରଙ୍ଗପୁର : ସ୍କୁଲ ନିକଟ ଗଛରେ ଝୁଲୁଛି ଯୁବକଙ୍କ ମୃତଦେହ, ହତ୍ୟା ନା’ ଆତ୍ମହତ୍ୟା
  • ||
  • ସୋର : ଭୁବନେଶ୍ବର-କୋଲକତା ଜନଶତାବ୍ଦୀ ଟ୍ରେନ୍‌ରେ ନିଆଁ, ଟଳିଲା ବଡ ଦୁର୍ଘଟଣା
  • ||
  • ‘ଚାକିରୀରେ ୬ ବର୍ଷ ପୂରଣ କରିଥିବା କର୍ମଚାରୀଙ୍କୁ ସରକାର ରେଗୁଲାର କରିବାକୁ ବାଧ୍ୟ’, ଗୁରୁତ୍ୱପୂର୍ଣ୍ଣ ରାୟ ଶୁଣାଇଲେ ହାଇକୋର୍ଟ
  • ||
  • ରାଜ୍ୟରେ କରୋନା ନେଲା ଆଉ ୨ଜଣଙ୍କ ଜୀବନ, ୧୯୩୫ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ବଡ଼ଗାଁ ପଞ୍ଚାୟତ ୩ ଦିନ ପାଇଁ ଲକ୍‌ଡାଉନ୍‌, ବନ୍ଦ ରହିବ ହାଟ ଓ ବଜାର
  • ||
  • ରାୟଗଡ଼ାରେ ମୃଦୁ ଭୂକମ୍ପ, କ୍ଷୟକ୍ଷତିର ସୂଚନା ନାହିଁ
  • ||
  • ବଢୁଛି ସଂକ୍ରମଣ : ରାଜ୍ୟରେ ୩୦ଜିଲ୍ଲାରୁ ଚିହ୍ନଟ ହେଲେ ସଂକ୍ରମିତ, ୨୪ ଘଣ୍ଟାରେ ୨୯୮୯ ପଜିଟିଭ୍ ଚିହ୍ନଟ
  • ||

କରୋନାକୁ ନେଇ ସକ୍ରିୟ ସାଇବର ଅପରାଧୀ : ସାବଧାନ ରହିବାକୁ ପୋଲିସ ଜାରି କଲା ଆଡ଼ଭାଇଜାରୀ

28/03/2020 at 12:51 PM

ନୂଆଦିଲ୍ଲୀ ୨୮/୦୩ : ପୁରା ବିଶ୍ୱ ବର୍ତ୍ତମାନ କରୋନା ଭାଇରସକୁ ନେଇ ଭୟଭୀତ ହୋଇରହିଛି | ଏମିତି ପରିସ୍ଥିତିରେ ସାଇବର ଅପରାଧୀ ଲୋକଙ୍କୁ ଠକିବାରେ ଚେଷ୍ଟା କରୁଥିବା ଦିଲ୍ଲୀ ପୋଲିସ ଆଶଙ୍କା କରୁଛି | କରୋନା ଭାଇରସ ନାଁରେ ଲୋକଙ୍କୁ ଠକେଇ କରିବା ଆଶଙ୍କାରେ ଦିଲ୍ଲୀ ପୋଲିସ ଏକ ଆଡ଼ଭାଇଜାରୀ ଜାରି କରିଛି | ଅପରାଧୀ ଏହି ମହାମାରୀ ନାଁରେ ଲୋକଙ୍କୁ ଠକି ପାରନ୍ତି ବୋଲି ଦିଲ୍ଲୀ ପୋଲିସ ଆଶଙ୍କା କରିଛି | 

ପୋଲିସ କହିଛି ଯେ,  ଅପରାଧୀମାନେ ଏହି ମହାମାରୀ ନାଁରେ ଲୋକଙ୍କୁ ଠକି ପାରନ୍ତି। ଅପରାଧୀମାନେ ଲୋକଙ୍କୁ ରୋଗୀର ସମ୍ପର୍କୀୟ କହି ଟଙ୍କା ମାଗି ପାରନ୍ତି । କିମ୍ବା ଇମେଲ ମାଧ୍ୟମରେ ଠକେଇ କରିପାରନ୍ତି |ସାଇବର ଅପରାଧୀମାନେ ରୋଗୀର ସମ୍ପର୍କୀୟ ହେବା କିମ୍ବା ସାଙ୍ଗମାନଙ୍କ ନିକଟକୁ ଟଙ୍କା ପଠାଇବା ନାଁରେ ଲୋକଙ୍କୁ ଯୋଗାଯୋଗ କରିଥାନ୍ତି  । ସାଇବର ଅପରାଧୀମାନେ ଇ-ମେଲ ପଠାଇ ନିଜକୁ ସ୍ୱାସ୍ଥ୍ୟ ବିଶେଷଜ୍ଞ କହି ଲୋକଙ୍କ ମନରେ କରୋନା ସମ୍ପର୍କରେ ଭୟ ସୃଷ୍ଟି କରିପାରନ୍ତି | ପୁଣି ସେହି ଇମେଲରେ ପ୍ରଦତ୍ତ ଲିଙ୍କ ମାଧ୍ୟମରେ ଆପଣଙ୍କ ବ୍ୟକ୍ତିଗତ ସୂଚନା ମାଗିପାରନ୍ତି | ଏହି ସୂଚନା ମାଧ୍ୟମରେ ଅପରାଧୀମାନେ ଆପଣଙ୍କ ବ୍ୟାଙ୍କ ଆକାଉଣ୍ଟରୁ ଟଙ୍କା ହଡପ କରିପାରନ୍ତି ବୋଲି ଦିଲ୍ଲୀ ପୋଲିସ ଆଶଙ୍କା କରିଛନ୍ତି |

ଅପରାଧୀ କରୋନା ଭାଇରସ ସମ୍ପର୍କରେ ଫେକ ୱେବସାଇଟ ତିଆରି କରିପାରନ୍ତି | ଇ-କମର୍ସ କିମ୍ବା ସୋସିଆଲ ମିଡ଼ିଆ ଆକାଉଣ୍ଟ ଜରିଆରେ ଭାଇରସ ଠିକ କରିବା ଔଷଧ, ପରୀକ୍ଷା କିଟ୍ ବିକ୍ରି କରିବା ବାହାନାରେ ଆପଣଙ୍କ ଆକାଉଣ୍ଟ ଡିଟେଲ ମଧ୍ୟ ମାଗିପାରନ୍ତି | କିମ୍ବା UPI ମାଧ୍ୟମରେ ଟଙ୍କା ପଠାଇବା ବିଷୟରେ କଥାବାର୍ତ୍ତା କରିପାରନ୍ତି | ଏହାଦ୍ୱାରା ଅପରାଧୀମାନେ ଆପଣଙ୍କ ବ୍ୟାଙ୍କ ଆକାଉଣ୍ଟ ଖାଲି କରିପାରନ୍ତି । ସାଇବର ମାଧ୍ୟମରେ ଠକେଇ ସମ୍ଭାବନା ନେଇ ଇଣ୍ଟରପୁଲ ମଧ୍ୟ ପ୍ରକାଶ କରିଛି ଏବଂ କରୋନା ନାଁରେ ବିଭିନ୍ନ ଦେଶରେ ଟଙ୍କା ହଡପ କରାଯାଇପାରେ ବୋଲି ଚେତାବନୀ ଦେଇଛି । ତେଣୁ ସମସ୍ତେ ସାବଧାନ ରହିବା ନିହାତି ଆବଶ୍ୟକ |

   Related Posts