Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୃଷକଙ୍କ ପରି ଆମକୁ ମଧ୍ୟ ଦେବାକୁ ପଡିବ ବଳିଦାନ, ତେବେ ଯାଇ ଜାମ୍ମୁ-କାଶ୍ମୀରରେ ଲାଗୁ ହେବ ୩୭୦: ଫାରୁକ ଅବଦୁଲ୍ଲା
  • ||
  • ମଙ୍ଗଳବାର କଥା ହେବେ ପୁଟିନ୍ ଓ ବାଇଡେନ୍, ୟୁକ୍ରେନ ହେବ ମୁଖ୍ୟ ପ୍ରସଙ୍ଗ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୨କୁ ବୃଦ୍ଧି
  • ||
  • ମାଆର ସାହସ ଆଗରେ ହାରିଲା ବାଘ, ନିଜ ପୁଅକୁ ମୃତ୍ୟୁ ମୁଖରୁ ଛଡାଇ ଆଣିଲେ ମହିଳା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୭୯୬ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୮୯ କରୋନା ସଂକ୍ରମିତ, ୧୦୫୦୨୪୯ରେ ପହଞ୍ଚିଲା ସଂଖ୍ୟା
  • ||
  • ୟୁକ୍ରେନ ଉପରେ ଆକ୍ରମଣ କରିବ ଋଷ ! ପୁଟିନଙ୍କ ଦେଢ ଲକ୍ଷରୁ ଅଧିକ ସୈନ୍ୟ ଅଛନ୍ତି ପ୍ରସ୍ତୁତ
  • ||
  • ଜାନୁଆରୀ-ଫେବୃଆରୀ ମଧ୍ୟରେ ଭାରତରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ବାହକ : ଦାବି କଲେ ବିଶେଷଜ୍ଞ
  • ||
  • ଚାଲିଥିଲା ଧାନ ଚୋରା ଚାଲାଣ, ୨୨୦ ବସ୍ତା ଜବତ କଲା ଯୋଗାଣ ବିଭାଗ
  • ||
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||

ମରକଜ୍ ନେଇ ମୌଲାନା ସାଦ୍‌ଙ୍କୁ କ୍ରାଇମବ୍ରାଞ୍ଚର ନୋଟିସ୍, ପଚରାଯାଇଛି ୨୬ ପ୍ରଶ୍ନ

3/04/2020 at 4:37 PM

ନୂଆଦିଲ୍ଲୀ ୩।୪: ଦିଲ୍ଲୀ ନିଜାମୁଦ୍ଦିନର ତବଲିଗୀ ଜମାତର ମୌଲାନା ସାଦ୍‌ଙ୍କୁ ଶୁକ୍ରବାର ଦିଲ୍ଲୀ ପୋଲିସ କ୍ରାଇମବ୍ରାଞ୍ଚ ନୋଟିସ୍ ଜାରି କରିଛି। ସାଦ୍ ଗୁରୁବାର ଏକ ଅଡିଓ ଟେପ୍ ଜାରି କରି ସେ ଆଇସୋଲେସନରେ ଥିବାର ସୂଚିତ କରିଥିଲେ। ହେଲେ ସେ କେଉଁଠାରେ ଆଇସୋଲେସନରେ ଅଛନ୍ତି ତାହା କିନ୍ତୁ ଏପର୍ଯ୍ୟନ୍ତ ଜଣାପଡି ନାହିଁ। ଏଣୁ ପୋଲିସ ତାଙ୍କୁ ଠାବ କରିବାକୁ ବିଭିନ୍ନ ସ୍ଥାନରେ ଚଢଉ ଜାରି ରଖିଛି।

ଏଥିରେ ପୋଲିସ ଅପରାଧ ଶାଖା ଜାରି କରିଥିବା ନୋଟିସ୍‌ରେ ମୌଲାନା ସାଦ୍‌ଙ୍କୁ ମରକଜ ସମ୍ପର୍କିତ୨୬ଟି ପ୍ରଶ୍ନ କରାଯାଇଛି। ଯେଉଁଥିରେ ସଙ୍ଗଠନର ସମ୍ପୂର୍ଣ୍ଣ ଠିକଣା, ପଞ୍ଜିକରଣ ସମ୍ପର୍କିତ ତଥ୍ୟ, କାର୍ଯ୍ୟ କରୁଥିବା କର୍ମଚାରୀଙ୍କ ସମ୍ପୂର୍ଣ୍ଣ ବିବରଣୀ ଓ ସେମାନଙ୍କ ନାମ, ଗ୍ରାମ ଓ ଠିକଣା ଆଦି ଦେବାକୁ କୁହାଯାଇଛି। ସେହିପରି ମରକଜ ପରିଚାଳନା ସହ ଜଡିତ ଲୋକଙ୍କ ବିସ୍ତୃତ ସୂଚନା ଦେବାକୁ ମଧ୍ୟ କୁହାଯାଉଛି।

ଏହାଛଡା ଗତ ୩ ବର୍ଷର ମରକଜ ଆୟବ୍ୟୟ, ଆୟକର ଓ ପାନକାର୍ଡ, ବ୍ୟାଙ୍କ ଡିଟେଲସ ଦେବାକୁ ବି କୁହାଯାଇଛି। ୧ ଜାନୁୟାରୀ ୨୦୧୯ ପରଠାରୁ ଏପର୍ଯ୍ୟନ୍ତ ମରକଜରେ ହୋଇଥିବା ଧାର୍ମିକ କାର୍ଯ୍ୟକ୍ରମର ବିବରଣୀ ଆଦି ମଧ୍ୟ ଦେବାକୁ କୁହାଯାଇଛି। ସେହିପରି ଏଠାରେ ଅନୁଷ୍ଠିତ ହେଉଥିବା ଧାର୍ମିକ କାର୍ଯ୍ୟକ୍ରମ ଲାଗି ସଙ୍ଗଠନ ପକ୍ଷରୁ ପ୍ରଶାସନ ଓ ପୋଲିସର ଅନୁମତି ନିଆଯାଏ କି ଯଦି ନିଆଯାଏ ସେ ସମ୍ପର୍କିତ ଆବଶ୍ୟକ କାଗଜପତ୍ର ପ୍ରଦାନ କରିବାକୁ କୁହାଯାଇଥିବା ବେଳେ କାର୍ଯ୍ୟକ୍ରମ ସ୍ଥଳରେ ସିସିଟିଭି କ୍ୟାମେରା ଲଗାଇଯାଇଛି କି ଯଦି ଲଗାଇଛନ୍ତି କେଉଁଠାରେ ଲଗାଇଛନ୍ତି ତାହା ଜଣାଇବାକୁ କୁହାଯାଇଛି।

ସେହିପରି ମାର୍ଚ୍ଚ ୧୨ ପରେ ଏଠାକୁ କେତେ ଲୋକ ଆସିଥିଲେ ଓ ଯେଉଁମାନେ ଅସୁସ୍ଥ ଥିଲେ ସେମାନଙ୍କୁ କେଉଁ ସବୁ ହସ୍ପିଟାଲକୁ ନିଆଯାଇଥିଲା ତାର ସମ୍ପୂର୍ଣ୍ଣ ସୂଚନା ମଧ୍ୟ ମଗାଯାଇଛି। ଦିଲ୍ଲୀ ପୋଲିସ କ୍ରାଇମବ୍ରାଞ୍ଚ ମାମଲାର ତଦନ୍ତ କରୁଥିବା ବେଳେ ସାଦ୍ ସମେତ ମୋଟ ୭ ଜଣଙ୍କ ବିରୋଧରେ ଏତଲା ରୁଜୁ ହୋଇଛି। ତେବେ ସମସ୍ତେ ଏବେବି ଫେରାର ଅଛନ୍ତି।

   Related Posts