Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଦିଲ୍ଲୀ ପୋଲିସ ASI କରୋନା ପଜିଟିଭ୍ : AIIMSରେ ଭର୍ତ୍ତି, କ୍ବାରେଣ୍ଟାଇନ୍‌ରେ ପରିବାର ସଦସ୍ୟ

8/04/2020 at 4:10 PM

ନୂଆଦିଲ୍ଲୀ ୮।୪: ଦିଲ୍ଲୀରେ ଜଣ ପୋଲିସ ଏଏସଆଇ କରୋନା ଭାଇରସ୍ ରେ ପଜିଟିଭ ଥିବା ଜଣାପଡିଛି । ଏହାପରେ କଲକାଜୀ ସ୍ଥିତ ଦିଲ୍ଲୀ ପୋଲିସ ରେସିଡେନ୍ସିଆଲ କଲୋନୀରେ ଆତଙ୍କ ଖେଳିଯାଇଥିଲା । ଏହି କଲୋନୀରେ ସଂପୃକ୍ତ ପୋଲିସ ଏଏସଆଇ ଜଣଙ୍କ ରହୁଥିବା ଜଣାପଡିଛ ।ସଂକ୍ରମିତ ଚିହ୍ନଟ ହେବା ପରେ ସେହି ଅଞ୍ଚଳକୁ ସିଲ୍ କରିଦିଆଯାଇଛି ।

ଦକ୍ଷିଣ-ପୂର୍ବ ଦିଲ୍ଲୀର ଜଣେ ବରିଷ୍ଠ ପୋଲିସ ଅଧିକାରୀ ଏକ ଗଣମାଧ୍ୟମକୁ ଦେଇଥିବା ସୂଚନା ଅନୁସାରେ କରୋନା ଭାଇରସ୍ ପଜିଟିଭ ଚିହ୍ନଟ ଏଏସଆଇଙ୍କ ବୟସ ୪୯-୫୦ ବର୍ଷ ମଧ୍ୟରେ ହେବ । ତାଙ୍କୁ ଅଲ୍ ଇଣ୍ଡିଆ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ (AIIMS) ରେ କ୍ବାରେଣ୍ଟାଇନ୍ କରାଯାଇଛି । ତାଙ୍କ ପରିବାର ସଦସ୍ୟଙ୍କୁ ହୋମ୍ ଆଇସୋଲେସନରେ ରଖାଯାଇଛି ।

କାଲକାଜୀ ଅଞ୍ଚଳର ଜଣେ ବାସିନ୍ଦା କହିଛନ୍ତି, “ଏଏସଆଇ ଅନେକ ଦିନ ହେଲା ଛୁଟିରେ ଥିଲା । ତାଙ୍କଟାରେ କାଶ ଏବଂ ଜ୍ବରର ଲକ୍ଷଣ ଦେଖାଉଥିଲେ । ପରୀକ୍ଷା କରାଯିବା ପରେ ସେ କରୋନା ଭାଇରସ୍ ପଜିଟିଭ୍ ବୋଲି ଜଣାପଡିଛି ।

ଦିଲ୍ଲୀ ପୋଲିସ ମୁଖ୍ୟାଳୟର ବରିଷ୍ଠ ଅଧିକାରୀଙ୍କୁ ଏ ସମ୍ପର୍କରେ ସୂଚନା ଦିଆଯାଇଛି । ଏକ ସତର୍କତାମୂଳକ ପଦକ୍ଷେପ ଭାବରେ ସମଗ୍ର ପୋଲିସ ରେସିଡେନ୍ସିଆଲ କଲୋନୀକୁ ସିଲ୍ କରାଯାଇଛି । କାହାକୁ ଭିତରକୁ ଯିବାକୁ ଅନୁମତି ନାହିଁ । ଦିଲ୍ଲୀ ପୋଲିସ ଟ୍ରାଫିକ ବିଭାଗରେ ସଂପୃକ୍ତ ଏଏସଆଇ କାର୍ଯ୍ୟ କରୁଥିଲେ ।

ଜଣେ ବରିଷ୍ଠ ପୋଲିସ୍ ଅଧିକାରୀଙ୍କ ସୂଚନା ଅନୁସାରେ ତାଙ୍କୁ ଅପ୍ରେଲ ୭ତାରିଖ AIIMSରେ ଭର୍ତ୍ତି କରାଯାଇଥିଲା । ଦିଲ୍ଲୀ ପୋଲିସ କର୍ମଚାରୀ କରୋନା ଭାଇରସ୍ ରେ ସଂକ୍ରମିତ ହେବାରେ ଏହା ହେଉଛି ପ୍ରଥମ ମାମଲା ।

   Related Posts