Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

ଲକ୍ ଡାଉନ୍‌ରେ ପାରାକୁ ଖାଇବାକୁ ଦେବା ପଡିଲା ମହଙ୍ଗା, ୨ ଯୁବକଙ୍କୁ ଗିରଫ କଲା ପୋଲିସ

1/04/2020 at 4:31 PM

ନୂଆଦିଲ୍ଲୀ ୧।୪: କରୋନା ଭାଇରସ୍ ସଂକ୍ରମଣକୁ ରୋକିବା ପାଇଁ ଲକ୍ ଡାଉନ୍ ଘୋଷଣା ହୋଇଛି । ଲାଗୁ ହୋଇଥିବା ଲକ୍ ଡାଉନ୍ ସମୟରେ ପାରାଙ୍କୁ ଖାଇବାକୁ ଦେବା ଦୁଇ ଯୁବକଙ୍କୁ ମହଙ୍ଗା ପଡିଛି । ଦିଲ୍ଲୀ ପୋଲିସ ଉଭୟ ଯୁବକଙ୍କୁ ଗିରଫ କରିଛି । ଉଭୟଙ୍କ ବିରୋଧରେ ଏପିଡେମିକ୍ ଆକ୍ଟ ଏବଂ ଅନ୍ୟାନ୍ୟ ଆଇପିସିର ଧାରା ଅଧୀନରେ ଏଫଆଇଆର ରୁଜୁ କରିଛି ପୋଲିସ ।

ସୂଚନାଯୋଗ୍ୟ ଯେ, ଯୁବକ ଦୁଇ ଜଣ ଦିଲ୍ଲୀର ଲାଜପତ ରାୟ ମାର୍ଗରେ ବାଇକ୍ ଅଟକାଇ ସେଠାରେ ଥିବା ପାରାମାନଙ୍କୁ ଖାଇବାକୁ ଦେଉଥିଲେ । ଏଫଆଇଆର ଅନୁଯାୟୀ, ଉଭୟ ଯୁବକଙ୍କ ଏଭଳି କାର୍ଯ୍ୟ ହେତୁ ପ୍ରାୟ ୧୦-୧୨ଜଣ ଲୋକ ସେଠାରେ ଏକାଠି ହୋଇଯାଇଥିଲେ ।

ଦିଲ୍ଲୀର ଉପରାଜ୍ୟପାଳ ଅନୀଲ ବୈଜଲ ସୋମବାର ଦିନ ଲକ୍ ଡାଉନ୍ କୌଣସି ପ୍ରକାରରେ ଉଲଂଘନ ହେଲେ ସଂପୃକ୍ତ ଜିଲ୍ଲା ମାଜିଷ୍ଟ୍ରେଟ ଏବଂ ଡେପୁଟି କମିଶନରଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଦେଇଛନ୍ତି ।

କରୋନା ଭାଇରସ୍ ସଂକ୍ରମଣକୁ ରୋକିବା ପାଇଁ ଲାଗୁ କରାଯାଇଥିବା ଲକ୍ ଡାଉନ୍ ସମୟରେ ଇ-ପାସ୍ ବିନା ଅଥବା ଆବଶ୍ୟକତା ନଥାଇ କେହି ବୁଲୁଥିବାର ଦେଖାଗଲେ ସେମାନଙ୍କୁ ପ୍ରଶାସନ ଦ୍ବାରା ସ୍ଥାପିତ ଜିଲ୍ଲା ଆଶ୍ରୟସ୍ଥଳୀକୁ ପଠାଇବାକୁ ଜିଲ୍ଲା ମାଜିଷ୍ଟ୍ରେଟ୍ ଏବଂ ଡିସିପିଙ୍କୁ ନିର୍ଦ୍ଦେଶ ଦେଇଛନ୍ତି ଉପରାଜ୍ୟପାଳ ।

ଏକ ଉଚ୍ଚ ସ୍ତରୀୟ ବୈଠକରେ ଏହି ନିର୍ଦ୍ଦେଶନାମା ଜାରି କରାଯାଇଛି । ଭିଡିଓ କନଫରେନ୍ସ ଜରିଆରେ ଅନୁଷ୍ଠିତ ବୈଠକରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ, ଉପ-ମୁଖ୍ୟମନ୍ତ୍ରୀ ମନୀଷ ସିସୋଦିଆ, ଜିଲ୍ଲା ମାଜିଷ୍ଟ୍ରେଟ, ଡେପୁଟି କମିଶନରମାନେ ଅଂଶଗ୍ରହଣ କରିଥିଲେ ।

   Related Posts