Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଧାରଣ ଜନତାଙ୍କ ପାଇଁ ବଢ଼ିଲା ଚିନ୍ତା : ପିଆଜ କିଲୋ ୧୦୦ ଟଙ୍କା !
  • ||
  • ରାସ୍ତା ଝାଡୁମାରି ପ୍ରଶଂସା ସାଉଁଟିଥିବା ଟ୍ରାଫିକ୍ କନେଷ୍ଟବଳ ଲଳିତ ମୋହନ ରାଉତ ସମ୍ମାନୀତ
  • ||
  • ଲେମ୍ବୁ ପାଣିରେ ସନ୍ଧବ ଲୁଣ ମିଶାଇ ସେବନ କଲେ ନିୟନ୍ତ୍ରଣ ହୋଇଥାଏ ଓଜନ
  • ||
  • ଆକର୍ଷଣୀୟ ଚାକିରୀ: ବିସ୍କୁଟ୍ ଚାଖିବାକୁ ମିଳିବ ୪୦ ଲକ୍ଷ ଟଙ୍କା ଦରମା
  • ||
  • ଭକ୍ତଙ୍କ ପାଇଁ ଖୁସି ଖବର, ପୁରୀ ଶ୍ରୀମନ୍ଦିରରେ ମିଳିବ ମହାପ୍ରସାଦ ମିଳିବ
  • ||
  • ପୂଜା ପାଇଁ କଟକ ସହରରେ ମୁତୟନ ହେବେ ୩୦ପ୍ଲାଟୁନ ପୋଲିସ ଫୋର୍ସ
  • ||
  • ସମ୍ବଲପୁର ପଡିଆବାହଲରେ ଟ୍ରକ୍ ଚାପାରେ ମା’ ଓ ଶିଶୁପୁତ୍ରର ମୃତ୍ୟୁ
  • ||
  • ଅପରାହ୍ନ ୪ଟାରେ ରାଜ୍ୟବାସୀଙ୍କୁ ମୁଖ୍ୟମନ୍ତ୍ରୀଙ୍କ ସମ୍ବୋଧନ
  • ||
  • ସଞ୍ଜୁ ବାବାଙ୍କ ସ୍ୱାସ୍ଥ୍ୟକୁ ନେଇ ସାମ୍ନାକୁ ଆସିଲା ବଡ ଖବର
  • ||
  • ବ୍ରହ୍ମୋସ୍ ମିସାଇଲ୍ ପରୀକ୍ଷଣରେ ଭିଡିଓ ଜାରି କଲା ଭାରତୀୟ ନୌସେନା
  • ||

ସାମ୍ନାକୁ ଆସିଲା ଦେଶର ପ୍ରଥମ ରାପିଡ୍ ଟ୍ରେନର ଫାଷ୍ଟ ଲୁକ୍: ଯାତ୍ରୀଙ୍କୁ ମିଳିବ ସବୁ ପ୍ରକାର ସୁବିଧା

26/09/2020 at 5:10 PM

ନୂଆଦିଲ୍ଲୀ ୨୬/୦୯ : ଦିଲ୍ଲୀ-ମେରଠ ମଧ୍ୟରେ ଚାଲିବାକୁ ଥିବା ଦେଶର ପ୍ରଥମ ରା଼ପିଡ ଟ୍ରେନର ଡିଜାଇନ ପ୍ରସ୍ତୁତ ହୋଇଯାଇଛି । ଟ୍ରେନର ଫାଷ୍ଟ ଲୁକ ମଧ୍ୟ ଜାରି କରାଯାଇଛି । ଏହି ରାପିଡ଼ ଟ୍ରେନରେ ଅନ୍ୟ ଟ୍ରେନ ଅପେକ୍ଷା ଅନେକ ସୁବିଧା ରହିଛି । ଯାତ୍ରୀଙ୍କୁ ଏହି ଟ୍ରେନରେ ଯାତ୍ରା କରିବାରେ କୌଣସି ସମସ୍ୟା ହେବନାହିଁ । ଏହି ଟ୍ରେନରେ ସୁରକ୍ଷା ପ୍ରତି ବିଶେଷ ଦୃଷ୍ଟି ଦିଆଯାଇଛି । ଏହାକୁ ଏହିଭଳି ଭାବେ ଡିଜାଇନ କରାଯାଇଛି ଯେ ଯାତ୍ରୀ ଛିଡା ହୋଇ ମଧ୍ୟ ଆରାମରେ ଯାତ୍ରା କରିପାରିବେ । ଦୁଇ ପାର୍ଶ୍ୱ ସିଟ ମଧ୍ୟରେ ପର୍ଯ୍ୟାପ୍ତ ଜାଗା ରହିଛି ।

ଏହି ରେଳ ଲାଇନ ଦିଲ୍ଲୀରୁ ଗାଜିଆବାଦ ଦେଇ ମେରଠ ଯାଏଁ ଯିବ । ଦିଲ୍ଲୀରୁ ମେରଠ ଯାତ୍ରା ପାଇଁ ମାତ୍ର ଘଣ୍ଟେ ସମୟ ଲାଗିବ । ଏହି ପ୍ରୋଜେକ୍ଟକୁ ୨୦୨୫ ମସିହା ସୁଦ୍ଧା ପୁରା କରିବାକୁ ଲକ୍ଷ୍ୟ ରଖାଯାଇଛି । ଏଥିପାଇଁ କେନ୍ଦ୍ର ସରକାରଙ୍କୁ ଏସିଆନ ଡେଭେଲପ୍ମେଣ୍ଟ ବ୍ୟାଙ୍କରୁ ଅଧିକାଂଶ ରାଶି ଋଣ ହିସାବରେ ମିଳିଛି ।

ରାପିଡ଼ ରେଳ ଟ୍ରାଞ୍ଜିଟ୍ ସିଷ୍ଟମକୁ ସମ୍ପୂର୍ଣ ଭାବେ ଯାତ୍ରୀଙ୍କ ସୁବିଧା ହିସାବରେ ଡିଜାଇନ କରାଯାଇଛି । ଶିଶୁଙ୍କ ଠାରୁ ଆରମ୍ଭ କରି ବୟସ୍କ ଓ ଦିବ୍ୟାଙ୍ଗଙ୍କ ପାଇଁ ମଧ୍ୟ ସୁବିଧା ଉପକବ୍ଧ । ଏହା ଘଣ୍ଟା ପ୍ରତି ୧୮୦ କିମି ବେଗରେ ଚାଲିପାରିବ । ଏଥିପାଇଁ ଗୁଜୁରାଟରୁ ସାଭଲି ମେକ୍ ଇନ୍ ଇଣ୍ଡିଆ ଅଧୀନରେ କୋଚ୍ ନିର୍ମାଣ କରାଯାଉଛି । ଏହି ରେଳ ସେବା ପାଇଁ ମେରୁଟରୁ ଶତାଦ୍ଦିନଗର ପର୍ଯ୍ୟନ୍ତ ସ୍ତମ୍ଭ ନିର୍ମାଣ କାର୍ଯ୍ୟ ଆରମ୍ଭ ହୋଇଛି ।

ଦିଲ୍ଲୀ-ଗାଜିଆବାଦ-ମେରଠ RRTS କରିଡରର ୩ଟି ପ୍ରାଥମିକତା RRTS କରିଡର ମଧ୍ୟରୁ ଗୋଟିଏ । ୮୨ କିମି ଦୂରତା ସମ୍ପନ୍ନ ଦିଲ୍ଲୀ-ଗାଜିଆବାଦ-ମେରଠ କରିଡର ଭାରତରେ ଲାଗୁ ହୋଇଥିବା ପ୍ରଥମ RRTS କରିଡର । ଏହି କରିଡର ଦିଲ୍ଲୀରୁ ମେରଠ ଯାତ୍ରା ସମୟ ପାଖାପାଖି ଏକ ତୃତୀୟାଂଶ କମ କରିଦେବ । ବର୍ତ୍ତମାନ ସଡକ ମାର୍ଗରେ ଦିଲ୍ଲୀରୁ ମେରଠ ଯିବା ପାଇଁ ୩-୪ ଘଣ୍ଟା ସମୟ ଲାଗିଥାଏ ।

RRTS ସାହାଯ୍ୟରେ ଏହି ଦୂରତା ୬୦ ମିନିଟରୁ କମ୍ ସମୟ ମଧ୍ୟରେ ପୁରା ହୋଇପାରିବ । ସାହିବାବାଦରୁ ଶତାବାଡି ନାଗର ମଧ୍ୟରେ ୫୦ କିଲୋମିଟରର ସିଭିଲ୍ ନିର୍ମାଣ କାର୍ଯ୍ୟ ଜୋରସୋରରେ ଚାଲିଛି । ଏହା ବ୍ୟତୀତ ଗାଜିଆବାଦ, ସାହିବାବାଦ, ଗୁଲଧର ଏବଂ ଦୁହାଇ ମଧ୍ୟରେ ୧୭ କିମି ପ୍ରାଥମିକ ଖଣ୍ଡରେ ପରିଚାଳନା ୨୦୨୩ ମସିହା ପାଇଁ ପ୍ରସ୍ତାବିତ । ସମଗ୍ର କରିଡରକୁ ୨୦୨୫ ସୁଦ୍ଧା ଜନସାଧାରଣଙ୍କ ପାଇଁ ଖୋଲିଦିଆଯିବ ।

   Related Posts