Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ICC ଟି-୨୦ ରାଙ୍କିଂ : ୪ର୍ଥ ସ୍ଥାନରେ ପାକିସ୍ତାନ ବ୍ୟାଟ୍ସମ୍ୟାନ୍‌ ମହମ୍ମଦ ରିଜଓ୍ବାନ, ବିରାଟ କୋହଲି (୫) ଏବଂ ଲୋକେସ ରାହୁଲ (୮) ଖସିଲେ
  • ||
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||

ଏପରି ଘୃଣ୍ୟ କାମ କରିବାବେଳେ ଧରା ପଡ଼ିଥିଲେ ଏହି ଏୟାର ହୋଷ୍ଟେସ୍ : ତାପରେ ହେଲେ ଗିରଫ

14/08/2019 at 1:39 PM

ନୂଆଦିଲ୍ଲୀ ୧୪/୮: ଆଭିଏସନ ଇଣ୍ଡଷ୍ଟ୍ରିରେ ଅତିଥି ସତ୍କାରକୁ ସବୁଠୁ ଅଧିକ ଗୁରୁତ୍ବ ଦିଆଯାଇଥାଏ । ଏୟାରହୋଷ୍ଟେସଙ୍କ ଏଥିରେ ସବୁଠୁ ଅଧିକ ମହତ୍ତ୍ବ ରହିଥାଏ। ଏୟାରହୋଷ୍ଟେସ୍ ହେବା ପାଇଁ ଝିଅମାନେ ବହୁତ ପରିଶ୍ରମ କରିଥାଆନ୍ତି। କାରଣ ଏହି କାମରେ ଝିଅଙ୍କୁ କେବଳ ଭଲ ଟଙ୍କା ମିଳିନଥାଏ ବରଂ ଦେଶ ବିଦେଶ ବୁଲିବାର ସୁବର୍ଣ୍ଣ ସୁଯୋଗ ମିଳିଥାଏ। ପ୍ରାୟ ଝିଅଙ୍କର ସ୍ବପ୍ନ ଥାଏ ଯେ ସେମାନେ ବଡ଼ ହୋଇ ଏୟାର ହୋଷ୍ଟେସ୍ ହେବେ। କିନ୍ତୁ କେତେକ ଏୟାର ହୋଷ୍ଟେସ୍ ଏପରି ମଧ୍ୟ ହୋଇଥାଆନ୍ତି ଯେଉଁମାନେ ନିଜ କାମକୁ ଦାୟିତ୍ବ ସହକାରେ ନକରି ପଦବୀର ଅତ୍ୟଧିକ ଫାଇଦା ଉଠାଇଥାଆନ୍ତି।

ଏପରି ଏକ ମାମଲା ସାମନାକୁ ଆସିଛି ଜେଟ୍ ଏୟାରଓ୍ବେଜରେ। ଭାରତର ନାଁ ଖରାପ କରିଛନ୍ତି ଜଣେ ୨୫ବର୍ଷ ବୟସ୍କା ଏୟାର ହୋଷ୍ଟେସ୍ । ତାଙ୍କ ବିରୋଧରେ ବିଦେଶୀ ମୁଦ୍ରା ଚୋରା ଚାଲାଣ ଅଭିଯୋଗ ଆସିଛି। ଏୟାର ହୋଷ୍ଟେସ୍ ଜଣକ ଡାଇରେକ୍ଟୋରେଟ୍ ଅଫ ରେଭେନ୍ୟୁ ଇଣ୍ଟେଲିଜେନ୍ସ ସାମନା​‌ରେ ଏକଥା ସ୍ବୀକାର ମଧ୍ୟ କରିଛନ୍ତି । ସେ କହିଛନ୍ତି ଯେ ଯେତେ ଟଙ୍କା ଚାଲାଣ କରୁଥିଲେ ତାର ଟଙ୍କା କମିଶନ ଆକାରରେ ଏୟାର ହୋଷ୍ଟେସକୁ ମିଳୁଥିଲା।

ଡିଆରଆଇର ଅଧିକାରୀ କହିଛନ୍ତି ଯେ ଏକ ସୂଚନା ଆଧାରରେ ଦିଲ୍ଲୀରୁ ହଙ୍ଗକଙ୍ଗ ଯାଉଥିବା ଜେଟ୍ ଏୟାରଓ୍ବେସର ଫ୍ଳାଇଟରେ ଚଢ଼ଉ କରାଯାଇଥିଲା। ବିଦେଶୀ ମୁଦ୍ରା ଚୋରା ଚାଲାଣ ମାମଲାରେ ଏହି ଭାରତୀୟ ଏୟାରହୋଷ୍ଟେସଙ୍କୁ ଗିରଫ କରାଯାଇଥିଲା। ଏହି ଏୟାରହୋଷ୍ଟେସର ବ୍ୟାଗ୍ ଯାଞ୍ଚ ବେଳେ ଲକ୍ଷେ ଡଲାର ମିଳିଥିଲା ଯାହାକୁ ଖାଦ୍ୟ ଗରମ ରହୁଥିବା ଆଲୁମିନିୟମ୍ ଫଏଲରେ ଗୁଡାଇ ରଖାଯାଇଥିଲା।  

ଏହାର ମୂଲ୍ୟ ଭାରତୀୟ ମୁଦ୍ରା ହିସାବରେ ପାଖାପାଖି ୩କୋଟି ୨୦ଲକ୍ଷ ଟଙ୍କା। ଏହା ସହ ଏୟାରହୋଷ୍ଟେସଙ୍କୁ ପଚରାଉଚୁରା ପରେ ତାଙ୍କର ଜଣେ ସହଯୋଗୀକୁ ମଧ୍ୟ ଗିରଫ କରାଯାଇଛି। ସେ ଏହି ଏୟାର ହୋଷ୍ଟେସଙ୍କୁ ବିଦେଶୀମୁଦ୍ରା ଚାଲାଣ କାମରେ ଲଗାଇଥିଲା । ଡିଆରଆଇର ସୂଚନା ଅନୁସାରେ ବିମାନର ଅପରେଟର ଅମିତକୁ ଏହି ମାମଲାରେ ଗିରଫ କରାଯାଇଛି। ଅମିତଙ୍କ ଦିଲ୍ଲୀ ସ୍ଥିତ ବିବେକ ବିହାରର ଘରେ ଯାଞ୍ଚ କରାଯାଇଥିଲା, ଏଠାରୁ ନଗଦ ୩ଲକ୍ଷ ଟଙ୍କା ଏବଂ ୧୬୦୦ ଡଲାର ମିଳିଥିଲା।

କୁହାଯାଉଛି ଯେ,ଅମିତ ଫ୍ଲାଇଟରେ ଏହି ଏୟାରହୋଷ୍ଟେସ ସହ ବନ୍ଧୁତା କରିଥିଲେ। ଅନେକ ଥର ଦେଖା ହେବା ପରେ ଅମିତ ଏୟାର ହୋଷ୍ଟେସକୁ ଟଙ୍କା ନେଇ ଯିବା ପାଇଁ ରାଜି କରାଇଥିଲା। ଏହିପରିଭାବେ ଏୟାର ହୋଷ୍ଟେସ୍ ଜଣକ ୨ମାସ ମଧ୍ୟରେ ୭ଥର ହଙ୍ଗକଙ୍ଗରେ ଟଙ୍କା ପହଞ୍ଚାଇସାରିଥିଲା। ଅଭିଯୁକ୍ତ ଯୁବତୀଙ୍କ ଶ୍ବଶୁର ଜଣେ ଅବସରପ୍ରାପ୍ତ ଅଧିକାରୀ ଏବଂ ତା’ର ବାପା ଏଲଆଇସିରେ ଜଣେ ଉଚ୍ଚ ପଦସ୍ଥ ଅଫିସର। ବର୍ଷେ ପୂର୍ବରୁ ଏହି ଯୁବତୀ ଲଭ ମ୍ୟାରେଜ କରିଥିଲେ।

   Related Posts