Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଷ୍ଟେଟ୍ ବ୍ୟାଙ୍କ ଉପରେ କୋଟିଏ ଟଙ୍କାର ଫାଇନ ଲଗାଇଲେ ରିଜର୍ଭ ବ୍ୟାଙ୍କ, ସବୁଠୁ ବଡ ବ୍ୟାଙ୍କ ବିରୋଧରେ ଋଣ ନିୟମ ଉଲ୍ଲଙ୍ଘନ ଅଭିଯୋଗ
  • ||
  • ଶ୍ରେୟସ ଆୟରଙ୍କ ଉପରେ ମୁମ୍ବାଇ ଇଣ୍ଡିଆନ୍ସର ନଜର, ରାହୁଲ ଓ ଧାଓ୍ୱନ ବି ବଦଳାଇବେ ଟିମ୍ !
  • ||
  • ରାଜ୍ୟରେ ଆଉ ୩ ଜଣ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୬କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୬୪ କରୋନା ସଂକ୍ରମିତ, ୧୦୪୮୪୯୨ରେ ପହଞ୍ଚିଲା ସଂଖ୍ୟା
  • ||
  • ଜରୁରୀକାଳିନ ପରିସ୍ଥିତି ଘୋଷଣା କଲେ ଗଭର୍ଣ୍ଣର : କରୋନା ସଂକ୍ରମଣ ବଢିବା ପରେ କଟକଣା କଡାକଡି
  • ||
  • ୧୮ କେଜିର ବଜ୍ରକାପ୍ତା ଉଦ୍ଧାର, ଡିଲ୍ ବେଳେ ଧରିଲା ବନ ବିଭାଗ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୪୬୫ ମୃତ
  • ||
  • ଫସଲ ନଷ୍ଟ କରି ଫେରିଗଲେ ଝାଡଖଣ୍ଡୀ ହାତୀପଲ, କ୍ଷତିପୂରଣ ଦାବି କଲେ ଚାଷୀ
  • ||
  • ଫସଲ ନଷ୍ଟ କରି ଫେରିଗଲେ ଝାଡଖଣ୍ଡୀ ହାତୀପଲ, କ୍ଷତିପୂରଣ ଦାବି କଲେ ଚାଷୀ
  • ||
  • ଓଡିଶା ଉପକୂଳରେ ମାଡ ହେବ ବାତ୍ୟା ! ଡିସେମ୍ବର ୩ରୁ ୬ ଯାଏଁ ପ୍ରବଳ ବର୍ଷା
  • ||

ଦିଲ୍ଲୀ ହାଇକୋର୍ଟଙ୍କ ଆଦେଶ-‘ଠିକ୍ ଭାବେ ମାସ୍କ ନ ପିନ୍ଧିଲେ ଯାତ୍ରୀଙ୍କୁ ତୁରନ୍ତ ବିମାନରୁ ଓହ୍ଲାଇ ଦିଅନ୍ତୁ’

10/03/2021 at 1:46 PM

ନୂଆଦିଲ୍ଲୀ ୧୦/୦୩ : ଦିଲ୍ଲୀ ହାଇକୋର୍ଟ ବିମାନରେ ଯାତ୍ରୀ ସଠିକ ତରିକା ମାସ୍କ ନ ପିନ୍ଧିବା ନେଇ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଘରୋଇ ଏୟାର ଲାଇନ୍ସ ଓ ଡ଼ିଜିସିଏକୁ ଗାଇଡଲାଇନ ଜାରି କରିଛନ୍ତି। ନିୟମ ଉଲଙ୍ଘନକାରୀଙ୍କ ପାଇଁ ଦଣ୍ଡାତ୍ମକ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଦେଇଛନ୍ତି।

ଜଷ୍ଟିସ ସି ହରି ଶଙ୍କର ଦେଖିଲେ ଯେ ବିମାନବନ୍ଦରରୁ ବିମାନ ଯାଏଁ ଯିବାବେଳେ ଯାତ୍ରୀ ଠିକ ଭାବେ ମାସ୍କ ପିନ୍ଧୁ ନାହାନ୍ତି। ସେ ସ୍ୱୟଂ ସ୍ଥିତି ପରଖିଥିଲେ ଏବଂ ଅନୁପାଳନ ପାଇଁ ତତ୍କାଳ ଗାଇଡଲାଇନ ଜାରି କରିଛନ୍ତି। ହାଇକୋର୍ଟ ସୋମବାର ଦିନ ପାରିତ ନିଜ ଆଦେଶରେ କହିଛନ୍ତି ଯେ ଭୟଙ୍କର ସ୍ଥିତି ଯୋଗୁଁ ଏହିଭଳି ଆଦେଶ ପାରିତ କରିବାକୁ ସେ ବାଧ୍ୟ ହୋଇଛନ୍ତି। କାରଣ ମାର୍ଚ୍ଚ ୫ ତାରିଖରେ କୋଲକାତାରୁ ନୂଆଦିଲ୍ଲୀ ଏୟାର ଇଣ୍ଡିଆ ଯାତ୍ରା ସମୟରେ ବିଚାରପତି ନିଜେ ସ୍ଥିତି ଦେଖିଥିଲେ।

ସେ କହିଛନ୍ତି ଯେ ସମସ୍ତ ଯାତ୍ରୀ ମାସ୍କ ପିନ୍ଧିଥିଲେ କିନ୍ତୁ ଅନେକ ଯାତ୍ରୀଙ୍କ ମାସ୍କ ଥୋଡି ତଳେ ଥିଲା। ଯାତ୍ରୀ ବିମାନ ଭିତରେ ବି ଏହିଭଳି ମାସ୍କ ପିନ୍ଧି ବସିଥିଲେ। ବାରମ୍ବାର କହିବା ପରେ ଯାତ୍ରୀ ଠିକ ଭାବେ ମାସ୍କ ପିନ୍ଧିଥିଲେ। ବିମାନ କର୍ମଚାରୀ କହିଥିଲେ ଯେ ଯାତ୍ରୀଙ୍କୁ ବାରମ୍ବାର ମାସ୍କ ପିନ୍ଧିବାକୁ କୁହାଯାଉଛି କିନ୍ତୁ ସେମାନେ ଯଦି ପାଳନ କରିବେନି ତାହେଲେ ଏହିଭଳି ସ୍ଥିତିରେ କର୍ମଚାରୀ ବି ଅସହାୟ।

ଅଦାଲତ କହିଛନ୍ତି, ମାସ୍କ ସରକାରୀ ନିର୍ଦ୍ଦେଶ ଅନୁସାରେ ପିନ୍ଧାଯିବା ଉଚିତ। ମାସ୍କରେ ନାକ ଓ ପାଟି ଢାଙ୍କି ହେବା ଦରକାର। ଯଦି କୌଣସି ଯାତ୍ରୀ ଯାତ୍ରା ପୂର୍ବରୁ ପ୍ରୋଟୋକଲ ପାଳନ କରିବାକୁ ପ୍ରସ୍ତୁତ ନୁହେଁ ତାହେଲେ ତାଙ୍କୁ ତୁରନ୍ତ ବିମାନରୁ ଓହ୍ଲାଇ ଦେବା ଉଚିତ। ତାଛଡା ଉଲଙ୍ଘନକାରୀଙ୍କ ବିରୋଧରେ ସ୍ୱାସ୍ଥ୍ୟ କଲ୍ୟାଣ ମନ୍ତ୍ରାଳୟ ଏବଂ ଡ଼ିଜିସିଏ ତରଫରୁ ଜାରି ଗାଇଡଲାଇନ ଅନୁସାରେ କାର୍ଯ୍ୟାନୁଷ୍ଠାନ ନେବା ଉଚିତ, ଯେଉଁଥିରେ ଉଲଙ୍ଘନକାରୀଙ୍କୁ ସ୍ଥାୟୀ କିମ୍ବା ନିର୍ଦ୍ଧାରିତ ଅବଧି ଯାଏଁ ‘ନୋ-ଫ୍ଲାଏ’ ବ୍ୟବସ୍ଥା ସାମିଲ ଅଛି।

   Related Posts