Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯୁବ ମୋର୍ଚ୍ଚା ନେତାଙ୍କୁ ମାଡ଼ ଘଟଣାରେ ପ୍ରତିବାଦ, ମୁଖ୍ୟମନ୍ତ୍ରୀଙ୍କ କୁଶ ପୁତ୍ତଳିକା ଦାହ କଲା ବିଜେପି
  • ||
  • କାର୍ତ୍ତିକ ମାସର ପ୍ରଥମ ସୋମବାରରେ ଧବଳେଶ୍ଵର ପୀଠରେ ୧୪୪ ଧାରା ଜାରି
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା : ବଦଳିଲେ ତମାଣ୍ଡୋ ଥାନା IIC, ଚନ୍ଦକା ଥାନାର ସବ୍ ଇନ୍ସପେକ୍ଟର ତୁଲାଇବେ ଦାୟିତ୍ବ
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା, କନେଷ୍ଟବଳ ପ୍ରସନ୍ନ ବେହେରା ନିଲମ୍ବିତ
  • ||
  • ଜଗତସିଂହପୁର : ଦେବୀ ନଦୀରେ ବୁଡି ୫ମ ଶ୍ରେଣୀ ଛାତ୍ରଙ୍କ ମୃତ୍ୟୁ, ଅନ୍ୟ ୩ଜଣ ଉଦ୍ଧାର
  • ||
  • ବ୍ରହ୍ମପୁର : ବ୍ରହ୍ମପୁରରେ ସ୍ବର୍ଣ୍ଣିମ ବିଜୟ ବର୍ଷ ପାଳିତ, ପୋଲିସ ରିଜର୍ଭ ଗ୍ରାଉଣ୍ଡରେ ପହଞ୍ଚିଲା ମଶାଲ
  • ||
  • ଭୁବନେଶ୍ବର : ତେଲ ଟ୍ୟାଙ୍କରରେ ଗଞ୍ଜେଇ ଚାଲାଣ, ଅଢେଇ କ୍ବିଣ୍ଟାଲ ଗଞ୍ଜେଇ ସହ ୨ ଜଣଙ୍କୁ ଗିରଫ କଲା ଏନ୍‌ସିବି
  • ||
  • ବାଲିପାଟଣା : ବୃଦ୍ଧଙ୍କୁ ଚାପିଦେଲା ହାଇଓ୍ବା, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ସୁନ୍ଦରଗଡ : ଗଛରୁ ଉଦ୍ଧାର ହେଲା ଯୁବକଙ୍କ ଝୁଲନ୍ତା ମୃତଦେହ, ଆତ୍ମହତ୍ୟା ସନ୍ଦେହ
  • ||
  • ବାରିପଦା : ମୟୁରଭଞ୍ଜରେ ସ୍ବାସ୍ଥ୍ୟ ସ୍ମାର୍ଟ କାର୍ଡ ବାଣ୍ଟିଲେ ମୁଖ୍ୟମନ୍ତ୍ରୀ, ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ
  • ||

ରାଜୀବ ଗାନ୍ଧି ପେଣ୍ଟିଂ ବିକ୍ରି ମାମଲା: ପ୍ରିୟଙ୍କା ୱାଡ୍ରା, ମିଲିନ୍ଦ ଦେଓଡା ଓ ଇୟେସ୍ ବ୍ୟାଙ୍କ ସଂସ୍ଥାପକଙ୍କୁ ଦିଲ୍ଲୀ ହାଇକୋର୍ଟରୁ ଆଶ୍ୱାସ୍ତି

17/08/2020 at 4:38 PM

ନୂଆଦିଲ୍ଲୀ ୧୭।୮:  ରାଜୀବ ଗାନ୍ଧିଙ୍କ ପେଣ୍ଟିଂ ବିକ୍ରି ମାମଲାରେ ପ୍ରିୟଙ୍କା ୱାଡ୍ରା, ମିଲିନ୍ଦ ଦେଓଡା ଓ  ଇୟେସ୍ ବ୍ୟାଙ୍କ ସଂସ୍ଥାପକ ରାଣା କପୁରଙ୍କୁ ସୋମବାର ଦିଲ୍ଲୀ ହାଇକୋର୍ଟରୁ ଆଶ୍ୱସ୍ତି ମିଳିଛି।  ପେଣ୍ଟିଂ କିଣା ଓ ବିକାରେ ଠକେଇ ଅଭିଯୋଗ ଆଣି ମାମଲାର ସିବିଆଇ ଓ ଇଡି ତଦନ୍ତ ଲାଗି ନିର୍ଦ୍ଦେଶ ଦେବା ନିମନ୍ତେ ରୁଜୁ ପିଟିସନକୁ କୋର୍ଟ ଅଗ୍ରାହ୍ୟ କରିଦେଇଛନ୍ତି।

ଏକ ଏନଜିଓ ପକ୍ଷରୁ ଏ ନେଇ ରୁଜୁ ପିଟିନସକୁ ଜଷ୍ଟିସ୍ ବିଭୂ ବାଖରୁଙ୍କ କୋର୍ଟ ଶୁଣାଣି କରିଥିଲେ। ଯେଉଁଥିରେ ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧିଙ୍କର ଏକ ପେଣ୍ଟିଂକୁ ପ୍ରିୟଙ୍କା ୱାଡ୍ରା ୨ କୋଟି ଟଙ୍କାରେ ଇୟେସ୍ ବ୍ୟାଙ୍କ ସଂସ୍ଥାପକ ରାଣା କପୁରଙ୍କୁ ବିକ୍ରି କରିଥିବାର ଏନଜିଓ ଅଭିଯୋଗ  କରିଛି। ରାଜୀବଙ୍କ ଏହି ପେଣ୍ଟିଂ କଂଗ୍ରେସର ସମ୍ପତ୍ତି। ତେବେ ପ୍ରିୟଙ୍କା ଏହାକୁ ଅନଧିକାରୀକ ବିକ୍ରି କରିଦେଇଥିବା ବେଳେ ଏହି କିଣା ବିକାରେ ମିଲିନ୍ଦ ଦେଓଡା ରାଣାଙ୍କ ଉପରେ ଚାପ ସୃଷ୍ଟି କରିଥିଲେ ବୋଲି ଅଭିଯୋଗରେ ଦର୍ଶାଯାଇଛି। ମିଲିନ୍ଦ ଦେଓଡା ଅନ୍ୟ ଏକ ଠକେଇ ମାମଲାରେ ଏବେ ଜେଲରେ ବନ୍ଦୀ ଅଛନ୍ତି।

 ଏଣୁ ପେଣ୍ଟିଂ କିଣାବିକା ମଧ୍ୟ ଏକ ଠକେଇ  ଜାଲସାଜି ମାମଲା ହୋଇଥିବାରୁ ଆବେଦନକାରୀ ଏନଜିଓ ମାମଲାର ସିବିଆଇ ଓ ଇଡି ତଦନ୍ତ ଲାଗି ନିର୍ଦ୍ଦେଶ ଦେବା ନିମନ୍ତେ କୋର୍ଟଙ୍କୁ ନିବେଦନ କରିଥିଲେ। ତେବେ ଜଷ୍ଟିସ୍ ବଖାରୁ ଇୟେସ୍ ବ୍ୟାଙ୍କ ମାମଲାରେ ରାଣା କପୁର ମୁଖ୍ୟ ଅଭିଯୁକ୍ତ ଅଛନ୍ତି। ଏଣୁ ତାଙ୍କ ବିରୋଧରେ ଅଭିଯୋଗ ନିମ୍ନ ଅଦାଲତରେ ବିଚାରାଧୀନ ରହିଛି।  ଏ ନେଇ ତଦନ୍ତ ନିର୍ଦ୍ଦେଶ ନିମ୍ନ ଅଦାଲତ ହିଁ ଦେଇ ପାରିବେ ବୋଲି କହିଛନ୍ତି।

ଜଷ୍ଟିସ୍ ବଖାରୁଙ୍କ କୋର୍ଟ ଏଥିଲାଗି ଅଭିଯୋଗକାରୀଙ୍କୁ ନିମ୍ନ ଅଦାଲତଙ୍କ ସହ ସମ୍ପର୍କ କରିବା ଲାଗି ପରାମର୍ଶ ଦେଇଛନ୍ତି। ସେହିପରି ଦେଓଡାଙ୍କ ବିରୋଧରେ ଏତଲା ରୁଜୁ ଲାଗି ମଧ୍ୟ କୋର୍ଟ ଆବେଦନକାରୀଙ୍କୁ ମାର୍ଗ ଦର୍ଶନ କରିଛନ୍ତି। ଏଥିରେ ତାଙ୍କୁ ନିମ୍ନ ଅଦାଲତରେ ସିଆରପିସିର ଧାରା ୧୫୬(୩) ଅନୁସାରେ ଅଭିଯୋଗ କରିବାକୁ କହିବା ସହ ଆବେଦନକୁ ଅଗ୍ରାହ୍ୟ କରିଦେଇଛନ୍ତି।

   Related Posts