Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଆଜିଠାରୁ ଦିଲ୍ଲୀ-ଗୁରୁଗ୍ରାମ ସୀମା ସିଲ୍, କେବଳ ଏମାନଙ୍କୁ ମିଳିବ ପ୍ରବେଶ ଅନୁମତି

1/05/2020 at 8:24 AM

ନୂଆଦିଲ୍ଲୀ ୧।୫: କରୋନା ସହ ମୁକାବିଲା ପାଇଁ ହରିୟାଣା ସରକାର ଆଉ ଏକ ପଦକ୍ଷେପ ନେଇଛନ୍ତି । ଫରିଦାବାଦ ପରେ ଗୁରୁଗ୍ରାମ ସୀମାକୁ ସିଲ୍ କରିବାକୁ ନିଷ୍ପତ୍ତି ନିଆଯାଇଛି । ଶୁକ୍ରବାର ସକାଳ ୧୦ଟାରୁ ଦିଲ୍ଲୀ-ଗୁରୁଗ୍ରାମ ସୀମାକୁ ସିଲ୍ କରାଯିବ । ଯେଉଁମାନଙ୍କ ପାଖରେ ଗୃହ ମନ୍ତ୍ରଣାଳୟ ଦ୍ବାରା ଦିଆଯାଇଥିବା ପାସ୍ ଅଛି କେବଳ ସେହିମାନଙ୍କୁ ଯିବାକୁ ଅନୁମତି ଦିଆଯିବ ।

ଗୁରୁଗ୍ରାମ ଜିଲ୍ଲା ଅଧିକାରୀ ଏବଂ ଡେପୁଟି କମିଶନର ଅମିତ ଖତ୍ରିଙ୍କ ପକ୍ଷରୁ ଜାରି ନିର୍ଦ୍ଦେଶରେ କୁହାଯାଇଛି ଯେ, କରୋନା ଭାଇରସ୍ ବିସ୍ତାରକୁ ରୋକିବା ପାଇଁ ଜନସାଧାରଣଙ୍କ ସ୍ବାର୍ଥରେ ଏଭଳି ପଦକ୍ଷେପ ବାଧ୍ୟତାମୂଳକ । ଏହାଦ୍ବାରା ସୀମା ପାର୍ଶ୍ବରେ ଲୋକଙ୍କ ଯାତାୟତ ହ୍ରାସ ପାଇବ । ଏଥିପାଇଁ ଏହା ଆବଶ୍ୟକ ଯେ ଯିଏ ଯେଉଁଠି କାମ କରୁଛନ୍ତି ସେଠାରେ ରୁହନ୍ତୁ ।

ଗୁରୁଗ୍ରାମ ପ୍ରଶାସନ ଦ୍ବାରା ଜାରି କରାଯାଇଥିବା ନିର୍ଦ୍ଦେଶରେ ଏହା ମଧ୍ୟ କୁହାଯାଇଛି ଯେ, ଗୃହ ମନ୍ତ୍ରଣାଳୟର ନିର୍ଦ୍ଦେଶ ଅନୁଯାୟୀ ଦିଆଯାଇଥିବା ଅନୁମତି ଅନୁଯାୟୀ ଯେଉଁମାନେ ଅନୁମତି ପାଇଛନ୍ତି, ସେମାନେ ସୀମା ପାର ହୋଇ ଯାଇପାରିବେ । ଏହାବ୍ୟତୀତ ଯଦି ଆବଶ୍ୟକ ହୁଏ ତେବେ ସୀମା ଅତିକ୍ରମ କରିବାକୁ ଜିଲ୍ଲା ମାଜିଷ୍ଟ୍ରେଟ୍ କାର୍ଯ୍ୟାଳୟରୁ ଅନୁମତି ନେବାକୁ ପଡିବ, ଯାହା ଆବଶ୍ୟକତା ଅନୁଯାୟୀ ଦିଆଯିବ |

ସରକାରୀ କାର୍ଯ୍ୟାଳୟର ପ୍ରାଧିକୃତ ଅଧିକାରୀ କିମ୍ବା କର୍ମଚାରୀ, ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ, କେନ୍ଦ୍ର ଗୃହ ମନ୍ତ୍ରଣାଳୟ, ଅର୍ଥ, ପ୍ରତିରକ୍ଷା, ଡାକ ବିଭାଗ, ବିପର୍ଯ୍ୟୟ ପରିଚାଳନା ଏବଂ ପ୍ରାଥମିକ ଚେତାବନୀ ଏଜେନ୍ସି, ଜାତୀୟ ସୂଚନା କେନ୍ଦ୍ର, ଭାରତୀୟ ଖାଦ୍ୟ ନିଗମ ଅଧିକାରୀ କିମ୍ବା କର୍ମଚାରୀମାନେ ସେମାନଙ୍କର ବୈଧ ପରିଚୟ ପତ୍ର ଦେଖାଇ ଯାତାୟତ କରିପାରିବେ ।

ତଥାପି ସେମାନଙ୍କୁ ମୋବାଇଲରେ ଆରୋଗ୍ୟ ସେତୁ ଆପ୍ ଇନଷ୍ଟଲ୍ କରିବାକୁ ପଡିବ ଏବଂ ତାର ଉପଯୋଗ କରିବାକୁ ପଡିବ । ପ୍ରବେଶ ସମୟରେ ସୀମାରେ ଥର୍ମାଲ୍ ସ୍କାନିଂ ଏବଂ ସ୍କ୍ରିନିଂ ମଧ୍ୟ କରାଯିବ । ଏହି ସମୟରେ ଯେଉଁମାନଙ୍କଠାରେ ସଂକ୍ରମଣର ଲକ୍ଷଣ ଦେଖାଯିବ ସେମାନଙ୍କ ପାଇଁ ରାପିଡ୍ ଟେଷ୍ଟର ସୁବିଧା ମଧ୍ୟ ଉପଲବ୍ଧ ହେବ । ଯାହା ଦ୍ବାରା କରୋନା ଭାଇରସ୍ ବିସ୍ତାର ହୋଇପାରିବ ନାହିଁ ।

ସେହିଭଳି ଆମ୍ବୁଲାନ୍ସ, ଏଟିଏମ୍ କ୍ୟାସ୍ ଭ୍ୟାନ୍, ଏଲପିଜି, ତେଲ କଣ୍ଟେନର କିମ୍ବା ଟ୍ୟାଙ୍କରକୁ ମଧ୍ୟ ଅନୁମତି ଦିଆଯିବ। ଯେଉଁମାନେ ପନିପରିବା, ଫଳ, ଶସ୍ୟ, ଅଣ୍ଡା, ମାଂସ, କୁକୁଡା, କ୍ଷୀର, ସାମଗ୍ରୀ, ଔଷଧ, ଚିକିତ୍ସା ଉପକରଣ, ପିପିଏ କିଟ୍, ମାସ୍କ, ଗ୍ଲୋଭସ୍, ସାନିଟାଇଜର, ଭେଣ୍ଟିଲେଟର ଏବଂ ଏହି ପ୍ରକାରର ସାମଗ୍ରୀ ଯୋଗାଉଥିବା ଲୋକଙ୍କୁ ମଧ୍ୟ ଯାତାୟତ ପାଇଁ ଅନୁମତି ଦିଆଯିବ। ।

   Related Posts