Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଲକ୍‌ଡାଉନ୍‌ରେ ମହଙ୍ଗା ହେଲା ଡିଜେଲ୍-ପେଟ୍ରୋଲ ଦର

5/05/2020 at 10:43 AM

ନୂଆଦିଲ୍ଲୀ ୦୫।୦୫: କରୋନା ପାଇଁ ସାରାବିଶ୍ୱରେ ମାନ୍ଦାବସ୍ଥା ଦେଖାଦେଇଛି । ଭାରତରେ କରୋନା ମହାମାରୀ ପାଇଁ ସାରାଦେଶରେ ମେ ୧୭ଯାଏ ଲକ୍‌ଡାଉନ୍‌ ଜାରି ରହିଛି । ଏହି ସମୟରେ ଦେଶକୁ ବହୁମାତ୍ରାରେ ରାଜସ୍ୱ କ୍ଷତି ସହିବାକୁ ପଡୁଛି । ତେବେ ଦିଲ୍ଲୀ ସରକାର ରାଜସ୍ୱ ଆଦାୟ କରିବା ପାଇଁ ମଦ ଉପରେ ୭୦ପ୍ରତିଶତ ଶୁଳ୍କ ବୃଦ୍ଧି କରିଛିନ୍ତି । ଏହାପରେ ଦିଲ୍ଲୀ ସରକାର ରାଜ୍ୟରେ ପେଟ୍ରୋଲିୟମ ଇନ୍ଧନ ଉପରେ ଭାଟ୍ ବୃଦ୍ଧି କରିବାକୁ ଘୋଷଣା କରିଛନ୍ତି।

ଦିଲ୍ଲୀ ସରକାର ମଙ୍ଗଳବାର ଠାରୁ ରାଜ୍ୟରେ ପେଟ୍ରୋଲ ଏବଂ ଡିଜେଲ ଉପରେ ଭାଟ୍ ବୃଦ୍ଧି କରିଛନ୍ତି। ଏହି ଭାଟ୍‌ ବୃଦ୍ଧି ପରେ ଦିଲ୍ଲୀରେ ପେଟ୍ରୋଲର ମୂଲ୍ୟ ଲିଟର ପିଛା ୧.୬୭ ଟଙ୍କା ଏବଂ ଡିଜେଲର ମୂଲ୍ୟ ଲିଟର ପିଛା ୭.୧୦ ଟଙ୍କା ବୃଦ୍ଧି ପାଇଛି।  ଦିଲ୍ଲୀ ସରକାର ପେଟ୍ରୋଲ ଉପରେ ଭ୍ୟାଟ୍ ହାରକୁ ବର୍ତ୍ତମାନର ୨୭ ପ୍ରତିଶତରୁ ୩୦ ପ୍ରତିଶତକୁ ବୃଦ୍ଧି କରିଛନ୍ତି। ଏହି କାରଣରୁ ପେଟ୍ରୋଲର ମୂଲ୍ୟ ଲିଟର ପିଛା ୧.୬୭ ଟଙ୍କା ବୃଦ୍ଧି ପାଇଛି।

ସେହିଭଳି କେଜ୍ରିୱାଲ ସରକାର ଡିଜେଲ ଉପରେ ଭାଟ୍ ହାରକୁ ବର୍ତ୍ତମାନର ୧୬.୭୫ ପ୍ରତିଶତରୁ ୩୦ ପ୍ରତିଶତକୁ ବୃଦ୍ଧି କରିଛନ୍ତି। ଏହି କାରଣରୁ ଡିଜେଲର ମୂଲ୍ୟ ଲିଟର ପିଛା ୭.୧୦ ଟଙ୍କା ବୃଦ୍ଧି ପାଇଛି। ବର୍ତ୍ତମାନ ରାଜ୍ୟରେ ପେଟ୍ରୋଲ-ଡିଜେଲ ୩୦ ପ୍ରତିଶତ ହାରରେ ଭାଟ୍ ଲାଗୁ ହେବ।

   Related Posts