ମିଷ୍ଟର ୟୁନିଭର୍ସ ଭାବେ ଚର୍ଚ୍ଚାରେ ଥିବା ୱେଷ୍ଟଇଣ୍ଡିଜର ପ୍ରତିଷ୍ଠିତ ବ୍ୟାଟ୍‌ସମ୍ୟାନ କ୍ରିସ ଗେଲ୍‌ କ୍ରିକେଟ୍‌ ବ୍ୟତୀତ ନିଜ ଚାଲିଚଳନ, ଫ୍ୟାସନ ଆଦି ବହୁ ଜିନିଷ ପାଇଁ ବେଶ ଚର୍ଚ୍ଚିତ । ବିଶେଷକରି ଅଧିକାଂଶ ସମୟ ସେ ତାଙ୍କ ଲାଇଫଷ୍ଟାଇଲ ନେଇ  ବେଶ ଚର୍ଚ୍ଚାରେ ରୁହନ୍ତି।  ଆଇପିଏଲର ନବମ ସିଜନ୍‌ରେ କ୍ରିସ୍‌ ଗେଲ୍‌ ଆରସିବି ଟିମ୍‌ରୁ ଖେଳିଥିଲେ। ସେହି ସମୟରେ ଦିଲ୍ଲୀର ଆରୋହି ନାମକ ଜଣେ ଝିଅ ଟୁଇଟର୍‌ ମାଧ୍ୟମରେ ଗେଲ୍‌ଙ୍କୁ ଡିନର ଡେଟ୍‌ ପାଇଁ ନିମନ୍ତ୍ରଣ କରିଥିଲେ।

ଆରୋହି ଲେଖିଥିଲେ ଯେ, ତାଙ୍କ ମନରେ କେବଳ ଗେଲ୍‌ ଅଛନ୍ତି। ଏହା ସହ ତାଙ୍କୁ ଡିନର୍‌ ଡେଟ ପାଇଁ ନିମନ୍ତ୍ରଣ କରିଥିଲେ ଆରୋହି। ଡେଟ୍‌ର ପ୍ରସ୍ତାବକୁ ଗେଲ୍‌ ଗ୍ରହଣ କରିଥିଲେ। କ୍ରିସ ଗେଲ୍‌ କହିଥିଲେ ଯେ, ସେ ଡିନର୍‌ ଡେଟ୍‌ରେ ଯିବା ପାଇଁ ପ୍ରସ୍ତୁତ ଅଛନ୍ତି ଗୋଟିଏ ସର୍ତ୍ତରେ । ସର୍ତ୍ତଟି ହେଲା ଡିନର ବିଲ୍‌ ଗେଲ ଦେବେ ନାହିଁ । ଆରୋହୀ ଏହି ସର୍ତ୍ତରେ ରାଜି ହୋଇଥିଲେ ।  ସେ ମଧ୍ୟ ଏକ ସର୍ତ୍ତ ରଖିଥିଲେ ।ତାଙ୍କ ସର୍ତ୍ତଟି ହେଲା ସେ ଡିନର ବିଲ ଦେବା ପାଇଁ ପ୍ରସ୍ତୁତ । କିନ୍ତୁ ଏଥିପାଇଁ ଆଗାମୀ ମ୍ୟାଚ୍‌ରେ କ୍ରିସଙ୍କୁ ଆରସିବି ପାଇଁ ଶତକ ହାସଲ କରିବାକୁ ହେବ। ଏଭଳି ସର୍ତ୍ତରେ ଗେଲଙ୍କ ହୋଶ ଉଡିଯାଇଥିଲା । ସେତେବେଳେ ଏହି ଟୁଇଟ୍‌ ପ୍ରପୋଜ ବେଶ ଚର୍ଚ୍ଚାରେ ଥିଲା।