Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଭିଯୁକ୍ତକୁ ଉଠାଇ ଆଣିବାରୁ ଥାନା ପରିସରରେ ତୁମୁଳକାଣ୍ଡ, ଗ୍ରାମବାସୀ ଓ ପୋଲିସ ମାରପିଟ
  • ||
  • ବିପୁଳ ପରିମାଣର ବିଦେଶୀ ମଦ ଜବତ, ଜଣେ ଗିରଫ
  • ||
  • ଭୁଶୁଡିଯିବ ଘାଘରା ପୋଲ ! ବିପଦରେ ଶହଶହ ଯାତ୍ରୀଙ୍କ ଜୀବନ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||
  • ପରିବା ମାର୍କେଟରେ ଅଗ୍ନିକାଣ୍ଡ, ଜଳିଗଲା ସବୁ ଦୋକାନ
  • ||

ଜେଲ୍ ଭିତରେ ମୋତେ ନିର୍ମମ ପିଟାଗଲା, ପୋଲିସ କର୍ମୀଙ୍କ ଉପରେ ସଙ୍ଗୀନ ଆରୋପ ଲଗାଇ କୋର୍ଟର ଦ୍ଵାରସ୍ଥ ହେଲା ନିର୍ଭୟା ଦୋଷୀ

11/03/2020 at 7:03 PM

ନୂଆଦିଲ୍ଲୀ ୧୧।୦୩ : ଦିଲ୍ଲୀ ଗଣ ବଳାତ୍କାରର ଦୋଷୀ ପବନ ଗୁପ୍ତାର ଆରୋପ ପରେ ଦିଲ୍ଲୀର ଏକ ଅଦାଲତ ଜେଲ୍ କର୍ତ୍ତୃପକ୍ଷଙ୍କୁ ନୋଟିସ୍ ଜାରି କରିଛି। ଜେଲ୍ ଭିତରେ ମାଡ ମରାଯାଇଥିବା ଅଭିଯୋଗ ଆଣି ନିର୍ଭୟା ମାମଲାର ଦୋଷୀ ପବନ ଜେଲ୍ କର୍ତ୍ତୃପକ୍ଷଙ୍କ ବିରୋଧରେ ଅଭିଯୋଗ ଆଣିଛି। ଗୁରୁବାର ଏହି ମାମଲାର ଶୁଣାଣି ହେବ ବୋଲି କୋର୍ଟ ପକ୍ଷରୁ ପ୍ରକାଶ।

ପବନ  ମଣ୍ଡୋଲୀ ଜେଲର ଦୁଇ ପୋଲିସକର୍ମୀଙ୍କ ବିରୋଧରେ ଏଫଆଇଆର ରୁଜୁ କରିବାକୁ ଦାବି କରି କହିଛି ଯେ, ଏହି ପୋଲିସ କର୍ମଚାରୀଙ୍କ ମାଡରେ ତା ମୁଣ୍ଡରେ ଗଭୀର ଆଘାତ ଲାଗିଛି। ଅନ୍ୟପଟେ ଆଉ ଜଣେ ଦୋଷୀ ମୁକେଶ ସୁପ୍ରିମକୋର୍ଟରେ ଯାଚିକା ଦାୟର କରି ତାକୁ ସମସ୍ତ ଆଇନଗତ ବିକଳ୍ପର ବ୍ୟବହାର  କରିବାକୁ ଅନୁମତି ଦେବାକୁ ଦାବି କରିଛି। କ୍ୟୁରେଟିଭ ପିଟିସନ ଦାୟର ନେଇ ତାର ପୁରୁଣା ଓକିଲ ତାଙ୍କୁ ଭ୍ରମିତ କରିଥିବା ମୁକେଶ ଅଭିଯୋଗ କରିଛି।

ମୁକେଶ ନିଜର ଓକିଲ ଏଲ ଶର୍ମା ଜରିଆରେ ସୁପ୍ରିମକୋର୍ଟରେ ଯାଚିକା ଦାୟର କରିଛି। ସେ କେନ୍ଦ୍ର ସରକାର ଓ ଦିଲ୍ଲୀ ସରକାର ଦ୍ଵାରା ତା  ବିରୋଧରେ କରାଯାଇଥିବା ଅପରାଧିକ ଷଡଯନ୍ତ୍ର ଓ ଠକେଇର ତଦନ୍ତ ସିବିଆଇ ଦ୍ଵାରା କରାଯିବାକୁ ଦାବି କରିଛି। ଏହି ମାମଲାର ଓକିଲ ଅଛନ୍ତି ବୃନ୍ଦା ଗ୍ରୋଭର।

ଉଲ୍ଲେଖଯୋଗ୍ୟ, ଗତ ସପ୍ତାହରେ ପଟିଆଲା ହାଉସ୍ କୋର୍ଟ ଚାରି ଦୋଷୀଙ୍କ ବିରୋଧରେ ଚତୁର୍ଥ ମୃତ୍ୟୁ ପରଓ୍ଵାନା(ଡେଥ୍ ଓ୍ଵାରେଣ୍ଟ) ଜାରି କରିଥିଲା। ଚାରି ଦୋଷୀଙ୍କୁ ମାର୍ଚ୍ଚ ୨୦ ସକାଳ ୫ଟା ୩୦ରେ ଫାଶୀ ଦେବାକୁ ତାରିଖ ଓ ସମୟ ନିର୍ଦ୍ଧାରିତ କରାଯାଇଛି। ଚାରି ଦୋଷୀ ହେଉଛନ୍ତି ମୁକେଶ ସିଂହ(୩୨), ପବନ ଗୁପ୍ତା(୨୫), ବିନୟ ଶର୍ମା(୨୬) ଓ ଅକ୍ଷୟ କୁମାର ସିଂହ(୩୧)।

   Related Posts