ନୂଆଦିଲ୍ଲୀ୨୫/୦୯: ଦିଲ୍ଲୀର ଏକ କୋର୍ଟ ଶନିବାର ଦିନ ଲୋକ ଜନଶକ୍ତି ପାର୍ଟିର ସାଂସଦ ପ୍ରିନ୍ସ ରାଜଙ୍କୁ ଜାମିନ ପ୍ରଦାନ କରିଛନ୍ତି। ସେ ଏକ ଦୁଷ୍କର୍ମ ମାମଲାରେ ଗିରଫ ନହେବା ପାଇଁ ଆଗୁଆ ଜାମିନ ଆବେଦନ କରିଥିଲେ। ସ୍ୱତନ୍ତ୍ର ବିଚାରପତି ବିକାସ ଧୁଲେ ରାଜନେତାଙ୍କୁ ୧ ଲକ୍ଷ ଟଙ୍କାର ସୁରକ୍ଷା ରାଶି ଦେବା ଉପରେ ରୋକ ଲଗାଇଛନ୍ତି। ରାଜ ହେଉଛନ୍ତି ସ୍ୱର୍ଗତ ରାମ ବିଳାସ ପାଶ୍ୱାନ ଙ୍କ ଭଣଜା ଓ ଚିରାଗ ପାଶ୍ୱାନଙ୍କର ସମ୍ପର୍କୀୟ ଭାଇ, ଯିଏକି ସମସ୍ତିପୁର ବିହାରରୁ ଲୋକସଭା ସାଂସଦ ଅଛନ୍ତି।
ଏକ ଅଭିଯୋଗରେ ରାଜଙ୍କ ଓକିଲ ନିତେସ ରାଣା କୋର୍ଟରେ ଯୁକ୍ତି କରିଛନ୍ତି ଯେ, ଅଭିଯୋଗକାରି ପିଡ଼ିତା ଓ ତାଙ୍କ ପୁରୁଷ ବନ୍ଧୁ ୨୦୨୦ ମସିହାରୁ ରାଜ୍ଙ୍କୁ ବ୍ଲାକ୍ମେଲ କରିବା ସହ ଟଙ୍କା ଲୁଟିନେଉଥିଲେ।
ଦିଲ୍ଲୀ ପୋଲିସ୍ ସେପ୍ଟେମ୍ୱର ୯ ତାରିଖରେ କୋର୍ଟର ଶୁଣାଣି ଆଧାରରେ ପ୍ରିନ୍ସ ରାଜ୍ଙ୍କ ବିରୁଦ୍ଧରେ ଏକ ଏଫଆଇଆର ରୁଜୁ କରିଥିଲା। ଅଭିଯୋଗକାରି ମହିଳା ଜଣଙ୍କ ଏଲଜେପି ର କର୍ମି, ସେ ଅଭିଯୋଗ କରିଥିଲେ ଯେ ରାଜ ତାଙ୍କୁ ଚେତାଶୂନ୍ୟ ଅବସ୍ଥାରେ ଦୁଷ୍କର୍ମ କରିଥିଲେ ।
