Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି ରାଜ୍ୟରେ ସୁସ୍ଥ ହେଲେ ଆଉ ୧୭୪୦ ଆକ୍ରାନ୍ତ
  • ||
  • ଏସ୍‌ସିବିରୁ ଗ୍ୟାଙ୍ଗଷ୍ଟର ହାଇଦର ଫେରାର ଘଟଣା : ଆଉ ୨ ଜଣଙ୍କୁ ଗିରଫ କଲା ମଙ୍ଗଳାବାଗ ପୋଲିସ
  • ||
  • ନୂଆପଡା : ଭାରସାମ୍ୟ ହରାଇ ଓଲଟିଲା କାର୍, ୩ ଗୁରୁତର
  • ||
  • ଭୁବନେଶ୍ବର : ଭୁବନେଶ୍ବରର ୩ଟି ଶିକ୍ଷାନୁଷ୍ଠାନ ସିଲ୍, ଖୁଲମଖୁଲା କୋଭିଡ୍ ନିୟମର କରିଥିଲେ ଉଲଂଘନ
  • ||
  • ବ୍ରହ୍ମପୁର : ସୁରଟରୁ ଫେରୁଥିଲେ ପ୍ରବାସୀ, ଟ୍ରେନ୍‌ରେ ଚାଲିଗଲା ଜୀବନ
  • ||
  • ଅନୁଗୋଳ : ଭାରସାମ୍ୟ ହରାଇ ଗଛରେ ପିଟିହେଲା କାର୍, ଗୋଟିଏ ପରିବାରର ଜଣେ ମୃତ, ୨ ଆହତ
  • ||
  • ଭୁବନେଶ୍ବର : ‘ହାଇଦର ପାଇଁ ନଥିଲା ପୋଲିସ ସୁରକ୍ଷା ବ୍ୟବସ୍ଥା, କିନ୍ତୁ ପାଖରେ ଥିଲେ ଯୁବତୀ’ – ଲେଖାଶ୍ରୀ
  • ||
  • ସମ୍ବଲପୁର : ଆଜିଠାରୁ ୧୫ ଦିନ ସମ୍ବଲପୁର ବାର୍ ବନ୍ଦ, କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ନିଷ୍ପତ୍ତି
  • ||
  • ସୋର : ସରିଥିଲା ନିର୍ବନ୍ଧ, ହେଲେ ପଡିପାରିଲାନି ହାତଗଣ୍ଠି, ଶେଷରେ କାହିଁକି ଝୁଲିପଡିଲେ ଯୁବତୀ ?
  • ||
  • ବାରଙ୍ଗ : ନନ୍ଦନକାନନରୁ ଇନ୍ଦୋର ଯାଉଛନ୍ତି ୧୩ ଜୀବଜନ୍ତୁ, ଧଳା ବାଘୁଣୀ ଓ କଳା ବାଘ ସାମିଲ
  • ||

ବନ୍ଧୁକ ମୁନରେ ଘରର କାର୍ ପାର୍କିଙ୍ଗରେ ଦମ୍ପତ୍ତିଙ୍କୁ ଲୁଟ୍ : ସିସିଟିଭିରେ କଏଦ ପୁରା ଘଟଣା

1/07/2019 at 5:32 PM

ଦିଲ୍ଲୀ ୧/୭ : ଦିଲ୍ଲୀରେ ଅପରାଧିକ ମାମଲା ବଢ଼ିବାରେ ଲାଗିଛି । ଉତ୍ତର ଦିଲ୍ଲୀର ପୋଷ ଅଞ୍ଚଳରେ ଶନିବାର ରାତିରେ କାରରେ ନିଜ ଘରକୁ ଫେରୁଥିବା ଦମ୍ପତ୍ତିଙ୍କୁ ବନ୍ଧୁକ ମୁନରେ ଲୁଟିଛନ୍ତି କିଛି ଦୁର୍ବୁତ୍ତ । ଦମ୍ପତ୍ତି ଯେତେବେଳେ ନିଜ ଘରର ପାର୍କିଙ୍ଗରେ କାର ପାର୍କ କରୁଥିଲେ ସେତେବେଳେ କିଛି ଦୁର୍ବୁତ୍ତ ଘର ଭିତରକୁ ପଶି ଆସିଥିଲେ । ୩ ଦୁର୍ବୁତ୍ତ ମୁଖା ପିନ୍ଧିଥିଲେ । କାରରେ ପତି ପତ୍ନୀଙ୍କ ସହ ତାଙ୍କ ଶିଶୁ ମଧ୍ୟ ଥିଲେ । ଦୁର୍ବୁତ୍ତମାନେ ଦମ୍ପତ୍ତିଙ୍କ ଠାରୁ ମୂଲ୍ୟବାନ ଗହଣା ଓ ଟଙ୍କା ଲୁଟି ନେଇଛନ୍ତି । ପୁରା ଘଟଣା ଘରେ ଲାଗିଥିବା ସିସିଟିଭିରେ କଏଦ ହୋଇଛି ।

ପରିବାରର ମୁଖ୍ୟ ବରୁଣ ବହଲଙ୍କ କହିବାନୁଯାୟୀ, ଶନିବାର ବିଳମ୍ବିତ ରାତିରେ ସେ ନିଜ ଶ୍ୱଶୁର ଘରୁ ଫେରୁଥିଲେ । ସେ ନିଜ ଘର ବାହାରେ ୩ଜଣ ମୁଖା ପିନ୍ଧା ଦୁର୍ବୁତ୍ତଙ୍କୁ ଦେଖିଥିଲେ । ୩ ଜଣ ଏକ ବାଇକରେ ଥିଲେ । ଏମାନଙ୍କୁ ଦେଖି ସେ ଭୟଭୀତ ହୋଇଯାଇଥିଲେ ଏବଂ ଘରକୁ ନଯିବା ପାଇଁ ଚିନ୍ତା କରିଥିଲେ ଏବଂ କାରକୁ ଆଗକୁ ନେଇଯାଇଥିଲେ । ଏତିକିବେଳେ ବରୁଣଙ୍କୁ ମନେପଡିଥିଲା ଯେ ଘରର ଫାଟକ ଖୋଲା ଅଛି । ଏଭଳି ସ୍ଥିତିରେ ଘରକୁ ଫେରିଯିବା ଭଲ ହେବ । ଏହା ଭାବି ସେ ଘରକୁ ଫେରି ଯାଇଥିଲେ ।

ଘରେ ପାର୍କିଙ୍ଗ ଜାଗାରେ କାର ପାର୍କିଙ୍ଗ କରି ଫାଟକ ବନ୍ଦ କରିବାକୁ ଯିବାବେଳେ ୩ ଦୁର୍ବୁତ୍ତ ଭିତରକୁ ପ୍ରବେଶ କରିଥିଲେ । ବନ୍ଧୁକ ଦେଖାଇ ଦୁର୍ବୁତ୍ତମାନେ ବରୁଣଙ୍କ ଠାରୁ ତାଙ୍କ ପର୍ସ ଓ ସୁନାର ବ୍ରାଶଲେଟ ଲୁଟି ନେଇଥିଲେ । ଏହାପରେ ଦୁର୍ବୁତ୍ତମାନଙ୍କ ମଧ୍ୟରୁ ଜଣେ ବରୁଣଙ୍କ ପତ୍ନୀଙ୍କ ପାଖକୁ ଆସିଥିଲା ଏବଂ ତାଙ୍କୁ ପର୍ସ ମାଗିଥିଲେ । କିନ୍ତୁ ସେ କହିଥିଲେ ତାଙ୍କ ପାଖେ ପର୍ସ ନାହିଁ । ଗାଡିରେ ବରୁଣଙ୍କ ଦୁଇ ଶିଶୁ ଥିଲେ । ସେମାନେ ବରୁଣଙ୍କ ପତ୍ନୀଙ୍କ ଫୋନ ଛଡେଇ ନେଇଥିଲେ । ଏହାପରେ ସେମାନେ ସେଠାରୁ ପଳାଇଥିଲେ ।

ବରୁଣ ଥାନାରେ ଏକ ମାମଲା ରୁଜ୍ଜୁ କରିଛନ୍ତି । ପୋଲିସ ସିସିଟିଭି ଫୁଟେଜ ଦେଖି ଦୁର୍ବୁତ୍ତଙ୍କୁ ଖୋଜିବାକୁ ଚେଷ୍ଟା କରୁଛି । କିନ୍ତୁ ଏବେ ପର୍ଯ୍ୟନ୍ତ କେହି ଗିରଫ ହୋଇନାହାନ୍ତି ।

   Related Posts