Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାସନ୍ ଧରି ଫେରୁଥିଲେ, ଓଲଟି ଗଲା ଟ୍ରାକ୍ଟର ଡାଲା, ୨ ମୃତ
  • ||
  • ପୋଲିସର ଅପରେସନ୍ ହାଇଦର : ଚଢାଉ ଜୋରଦାର, ବିଭିନ୍ନ ସ୍ଥାନରେ ଲାଗିଲା ପୋଷ୍ଟର
  • ||
  • ମଙ୍ଗଳବାରଠୁ ଲଗାତାର ୬ ଦିନ ବନ୍ଦ ରହିବ ବ୍ୟାଙ୍କ: ସୋମବାର ସାରି ଦିଅନ୍ତୁ ବ୍ୟାଙ୍କ କାମ
  • ||
  • SCBରୁ ଗ୍ୟାଙ୍ଗଷ୍ଟାର ହାଇଦର୍‌ ଫେରାର ଘଟଣା, ୬ ପୋଲିସ କର୍ମଚାରୀ ସସ୍‌ପେଣ୍ଡ
  • ||
  • ଭଦ୍ରକ : ବସକୁ ପିଟିଲା ଟ୍ରକ୍, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଚଣ୍ଡିଖୋଲ : ଧକ୍କା ଦେଲା ଟ୍ରକ୍, ଜୀବନ ହାରିଲେ ସ୍ୱାମୀ-ସ୍ତ୍ରୀ, ଝିଅ ଗୁରୁତର
  • ||
  • ମାନିଲେନି କଟକଣା : ଭୁବନେଶ୍ୱର ୪ ନମ୍ୱର ମାର୍କେଟରେ ପୋଲିସର ଚଢାଉ, ଫାଇନ ଦେଲେ ଦୋକାନୀ
  • ||
  • ବଡ଼ବିଲ : ଅଗ୍ନିକାଣ୍ଡରେ ଜଳିଗଲା ୪ଟି ଦୋକାନ, ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ପାଉଁଶ
  • ||
  • ତାତିରୁ ମିଳିଛି ତ୍ରାହି, ୧୪ ଯାଏଁ କାଳବୈଶାଖି ବର୍ଷା ସମ୍ଭାବନା
  • ||
  • ଓଡିଶାରେ ସାଙ୍ଘାତିକ ସ୍ଥିତିରେ କରୋନା, ୨୪ ଘଣ୍ଟାରେ ୧୩୭୯ ପଜିଟିଭ୍ ଚିହ୍ନଟ
  • ||

CAA ବିରୋଧ: ଜାମିଆ ଛାତ୍ର-ପୋଲିସ ଧସ୍ତାଧସ୍ତି, ସମ୍ବେଦନଶୀଳ ଅଙ୍ଗରେ ଆଘାତ ଅଭିଯୋଗ ଆଣିଲେ ଛାତ୍ରୀ

10/02/2020 at 8:49 PM

ନୂଆଦିଲ୍ଲୀ ୧୦।୨:  ନାଗରିକ ସଂଶୋଧିତ ଆଇନ (ସିଏଏ)କୁ ବିରୋଧ କରି ପୁଣି ରାଜଧାନୀ ରାସ୍ତାକୁ ଓହ୍ଲାଇଲେ ଜାମିଆ ଛାତ୍ର । ସୋମବାର ସନ୍ଧ୍ୟାରେ ପାର୍ଲାମେଣ୍ଟ ଚାଲ ରାଲିକୁ ପୋଲିସ ରାସ୍ତାରେ ଅଟକାଇଥିଲା।  ଫଳରେ ପୋଲିସ ଓ ଛାତ୍ରଙ୍କ ମଧ୍ୟରେ ଧସ୍ତାଧସ୍ତି ହୋଇଥିବା ବେଳେ ଛାତ୍ରୀମାନେ ପୋଲିସ ବିରୋଧରେ ଗୁରୁତର ଅଭିଯୋଗ ଆଣିଛନ୍ତି।

ବିକ୍ଷୋଭକାରୀଙ୍କୁ ଅଟକାଇବା ଲାଗି ଧସ୍ତାଧସ୍ତି ବେଳେ ଦିଲ୍ଲୀ ପୋଲିସର ଅଫିସରମାନେ ସେମାନଙ୍କ ସମ୍ବେଦନଶୀଳ ଅଙ୍ଗରେ ଆଘାତ କରିଥିବାର ଛାତ୍ରୀମାନେ ଅଭିଯୋଗ କରିଛନ୍ତି। ଫଳରେ ଅନେକ ଛାତ୍ରୀ ଅଚେତ ହୋଇଥିବା କହିଛନ୍ତି। ପୋଲିସ ଛାତ୍ରଙ୍କ ମୁକାବିଲା ଲାଗି ଲାଠିର ଉପଯୋଗ କରିନଥିଲା। ହେଲେ ସେମାନେ ସ୍ୱତନ୍ତ୍ର ପୋଷାକ ପିନ୍ଧିଥିଲେ। ସେମାନେ ବିକ୍ଷୋଭକାରୀଙ୍କ ଅଣ୍ଟାଠୁ ତଳକୁ ମାରିଥିବା ଛାତ୍ରୀମାନେ କହିଛନ୍ତି। ଫଳରେ ବିଶ୍ୱବିଦ୍ୟାଳୟର ଜନୈକା ଛାତ୍ରୀଙ୍କ ଅବସ୍ଥା ଗୁରୁତର ହୋଇପଡିଛି। 

ପୋଲିସ କାର୍ଯ୍ୟାନୁଷ୍ଠାନ ଯୋଗୁ ଦଳାଚକଟା ଭଳି ପରିସ୍ଥିତି ଉପୁଜିଥିଲା। ଫଳରେଅନେକ ଛାତ୍ରୀ ଅଚେତ ଅଥବା ଅସୁସ୍ଥ ହୋଇପଡିଛନ୍ତି। ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ଅନୁନ୍ୟ ୧୬ ଜଣ ଛାତ୍ରୀ ଅଲ ସିଫା ହସ୍ପିଟାଲରେ ଆଡମିଟ୍ ହୋଇଥିବା ଜଣାପଡିଛି। ଏହି କାର୍ଯ୍ୟକ୍ରମକୁ ପ୍ରଥମରୁ ପୋଲିସ ଅନୁମତି ଦେଉନଥିଲା। ତଥାପି ଛାତ୍ରଙ୍କ ଶୋଭାଯାତ୍ରାକୁ ରାସ୍ତାରେ ଅଟକାଇ ପୋଲିସ ସେମାନଙ୍କ ସଦ ଧସ୍ତାଧସ୍ତି କରିବା ସହ ଅନେକ ଛାତ୍ରଙ୍କୁ ଅଟକ ରଖିଛି।  

ଜାମିଆ ଛାତ୍ରଙ୍କୁ ସେମାନଙ୍କ ବିରୋଧ ସମାପ୍ତ କରିବା ଲାଗି ପୋଲିସ ଓ ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ବାରମ୍ବାର ଅନୁରୋଧ କରୁଛନ୍ତି। ହେଲେ ସେମାନେ ବିରୋଧରୁ କ୍ଷାନ୍ତ ହେବେ ନାହିଁ ବୋଲି  ଜାମିଆ କୋ ଅର୍ଡିନେସନ କମିଟି (ଜେସିସି) କହିଛି। ସେହି ଅନୁସାରେ ସୋମବାର ବିକ୍ଷୋଭ ଆୟୋଜନ କରାଯାଇଥିବା ବେଳେ ଏଭଳି କାଣ୍ଡ ଘଟିଥିବା କୁହାଯାଇଛି।

   Related Posts