Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆସୁଛି ବାତ୍ୟା ‘ନିଭାର୍’: ୨୫ରୁ ପ୍ରବଳ ବର୍ଷା, ଜିଲ୍ଲାପାଳଙ୍କୁ ଆଲର୍ଟ ରହିବାକୁ ନିର୍ଦ୍ଦେଶ
  • ||
  • ଚିନ୍ତା ବଢାଇଲାଣି କରୋନାର ୨ୟ ଲହର : ଆଜି PM-CM ଆଲୋଚନା, କୋଭିଡ -19 ର ସ୍ଥିତି ଏବଂ ଟିକା ବିତରଣ ନେଇ ସମୀକ୍ଷା
  • ||
  • ଚିନ୍ତା ଘାରୁଛି କରୋନା ମୃତ୍ୟୁ, ସେପଟେ ଆଜି ସୁସ୍ଥ ହୋଇ ଘରକୁ ଫେରିଲେ ଆଉ ୯୧୩ ସଂକ୍ରମିତ
  • ||
  • ଚାଷୀଙ୍କୁ କେନ୍ଦ୍ର ସରକାରଙ୍କ ସହାୟତା ନେଇ କେନ୍ଦ୍ରମନ୍ତ୍ରୀଙ୍କ ଟ୍ୱିଟ୍: ଲେଖିଲେ, ଗତ ୬ ବର୍ଷରେ ଓଡ଼ିଶାର ଚାଷୀଙ୍କୁ ୬୦ ହଜାର ୮୩୬ କୋଟି ଟଙ୍କା ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
  • ||
  • ରାଜ୍ୟର ୬ ବିଶ୍ବବିଦ୍ୟାଳୟରେ ନୂଆ କୁଳପତି ନିଯୁକ୍ତି: ଜାଣନ୍ତୁ କିଏ, କେଉଁଠି
  • ||
  • ନାବାଳିକାକୁ ଦୁଷ୍କର୍ମ ପରେ ବିଷ ଦେଇ ହତ୍ୟା କରିଥିଲା ସଂପର୍କୀୟ କକା: ଏମିତି ଅଭିଯୋଗ ନେଇ ଜିଲ୍ଲାପାଳଙ୍କୁ ଘେରିଲେ ମହିଳା
  • ||
  • ଭୁବନେଶ୍ବର : ଓଟିଭିରୁ ଇସ୍ତଫା ଦେଲେ ନିହାର ରଞ୍ଜନ ଭୂୟାଁ
  • ||

ରାଜୀବ ଗାନ୍ଧିଙ୍କୁ ଦିଆଯାଇଥିବା ‘ଭାରତ ରତ୍ନ’ ପ୍ରତ୍ୟାହାର ଦାବି କରି ଦିଲ୍ଲୀ ବିଧାନସଭାରେ ପ୍ରସ୍ତାବ ପାସ୍

22/12/2018 at 12:15 PM

ଦିଲ୍ଲୀ ୨୨|୧୨: ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧିଙ୍କ ହତ୍ୟା ପରେ ଦିଲ୍ଲୀରେ ହୋଇଥିବା ଶିଖ୍ ବିରୋଧୀ ଦଙ୍ଗାକୁ ନେଇ ରାଜୀବ ଗାନ୍ଧିଙ୍କୁ ଦିଆଯାଇଥିବା ଭାରତ ରତ୍ନ ପ୍ରତ୍ୟାହାର ଦାବି କରି ଦିଲ୍ଲୀ ବିଧାନସଭାରେ ସର୍ବସହମତି କ୍ରମେ ପ୍ରସ୍ତାବ ପାସ୍ ହୋଇଛି ।

ନିକଟରେ ଶିଖ୍ ଦଙ୍ଗା ମାମଲାରେ କଂଗ୍ରେସ ନେତା ସଜ୍ଜନ କୁମାରଙ୍କୁ ଦିଲ୍ଲୀ ହାଇକୋର୍ଟ ଆଜୀବନ କାରାଦଣ୍ଡାଦେଶ ଶୁଣାଇଛନ୍ତି । ଏହାପରେ ଆମ୍ ଆଦମୀ ପାର୍ଟି ଶିଖ୍ ଦଙ୍ଗାରେ ସାମିଲ ହେବାର ଅଭିଯୋଗ ଲଗାଇ ମଧ୍ୟପ୍ରଦେଶର ନବନିର୍ବାଚିତ ମୁଖ୍ୟମନ୍ତ୍ରୀ କମଲ ନାଥଙ୍କୁ ବିରୋଧ କରିଥିଲେ । କମଲ ନାଥଙ୍କୁ ରାଜ୍ୟର ମୁଖ୍ୟମନ୍ତ୍ରୀ ନହେବା ଉଚିତ୍ ବୋଲି ଆମ୍ ଆଦମୀ ପାର୍ଟି ଦାବି କରିଥିଲା ।

୧୯୮୪ ମସିହା ଅକ୍ଟୋବର ୩୧ରେ ରାଜୀବଙ୍କ ମାତା ତଥା ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧିଙ୍କ ହତ୍ୟା ତାଙ୍କର ଦୁଇଜଣ ଶିଖ୍ ଅଙ୍ଗରକ୍ଷୀଙ୍କ ଦ୍ବାରା ହୋଇଥିଲା । ଏହାପରେ ଦିଲ୍ଲୀରେ ଶିଖ୍ ବିରୋଧୀ ଦଙ୍ଗା ହୋଇଥିଲା । ଏହି ଦଙ୍ଗାରେ ପ୍ରାୟ ୩୦୦୦ଲୋକଙ୍କର ମୃତ୍ୟୁ ହୋଇଥିଲା ।

ରାଜୀବ ଗାନ୍ଧିଙ୍କୁ ଯେତେବେଳେ ଏହି ଦଙ୍ଗା ବିଷୟରେ ପଚରାଯାଇଥିଲା ସେତେବେଳେ ସେ ସେହି ଦଙ୍ଗାକୁ ଉଚିତ୍ ବୋଲି କହିଥିଲେ । ତାଙ୍କର ଏଭଳି ବୟାନକୁ ନେଇ ସେହି ସମୟରେ ଜୋରଦାର ଆଲୋଚନା ମଧ୍ୟ ହୋଇଥିଲା । ଏହା ମଧ୍ୟ କୁହାଯାଉଥିଲା ଯେ ଏହି ଦଙ୍ଗା କଂଗ୍ରେସ ସରକାରଙ୍କ ଦ୍ବାରା ପ୍ରାୟୋଜିତ ଥିଲା । ଏହି ଦଙ୍ଗାରେ କେତେକ କଂଗ୍ରେସ ନେତାଙ୍କ ନାଁ ମଧ୍ୟ ଆଗକୁ ଆସିଥିଲା । ଆମ୍ ଆଦମୀ ପାର୍ଟିର ସଦସ୍ୟ ଏବଂ ଦଙ୍ଗା ପୀଡିତଙ୍କ ଓକିଲ ଏଚ.ଏସ. ଫୁଲ୍କା କେତେକ ସମୟରେ ଏହି ଦଙ୍ଗା ପାଇଁ କଂଗ୍ରେସକୁ ଦାୟୀ କରିଥିଲେ ।

୧୯୯୧ମସିହାରେ ରାଜୀବ ଗାନ୍ଧିଙ୍କୁ ମରଣୋତ୍ତର ଭାରତ ରତ୍ନ ପୁରସ୍କାର ପ୍ରଦାନ କରାଯାଇଥିଲା ।

   Related Posts