Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବେଙ୍ଗଲ ବିଧାନସଭା ନିର୍ବାଚନ ପାଇଁ ପ୍ରାର୍ଥୀ ଘୋଷଣା କଲା କଂଗ୍ରେସ
  • ||
  • ଇଂଲଣ୍ଡକୁ ଏକ ଇନିଂସ୍‌ ଓ ୨୫ ରନ୍‌ରେ ହରାଇଲା ଟିମ୍‌ ଇଣ୍ଡିଆ
  • ||
  • ଅହମଦାବାଦ ଟେଷ୍ଟ ଜିତିଲା ଭାରତ
  • ||
  • ଭାରତ ୩-୧ରେ ସିରିଜ୍‌ ବିଜୟୀ
  • ||
  • ଚାନ୍ଦବାଲି : ବିଜେଡିର ମିଶ୍ରଣ ପର୍ବ, ଦଳକୁ ପ୍ରତ୍ୟାବର୍ତ୍ତନ କଲେ ହେବିଓ୍ବେଟ୍ ନେତା ପ୍ରତାପ ଧଳ
  • ||
  • ମାଥିଲି : କୂଅରୁ ଉଦ୍ଧାର ହେଲା ମା’ ଓ ଶିଶୁ କନ୍ୟାର ମୃତଦେହ, ଶୁକ୍ରବାର ରାତିରୁ ଥିଲେ ନିଖୋଜ
  • ||
  • ଭୁବନେଶ୍ବର : ରାଜଧାନୀର ବିଚ୍ ରାସ୍ତାରେ ଗୋଡେଇ ଗୋଡେଇ ହାଣିଲେ, ଜଣେ ମୃତ, ୨ ଆକ୍ରମଣକାରୀଙ୍କୁ ଧରିଛି ପୋଲିସ
  • ||
  • ବଲାଙ୍ଗିର : ପିଟି ପିଟି ମାରିଦେଲେ, ପ୍ରମାଣ ନଷ୍ଟ ପାଇଁ ଫିଙ୍ଗିଦେଲେ ନାଳରେ, ୨୪ ଘଣ୍ଟାରେ ଅଭିଯୁକ୍ତଙ୍କୁ ବାନ୍ଧିଲା ପୋଲିସ
  • ||
  • ସୋର : କେନାଲରେ ଗାଧୋଇବା ବେଳେ ଭାସିଗଲେ ଯୁବକ, ୩ଦିନ ପରେ ଗୁଜୁରାଟରୁ ଫେରିଲା ମୃତଦେହ
  • ||
  • ଆଠମଲ୍ଲିକ : ଅଜଣା ଗାଡି ଧକ୍କାରେ ଜଣେ ମୃତ, ଜଣେ ଆହତ
  • ||

ଶ୍ରୀମନ୍ଦିର ସୁରକ୍ଷା ସହ ଆଉ କେତେ ଦିନ ଚାଲିବ ଏମିତି ? ଉତ୍ତର ପାର୍ଶ୍ୱ କାନ୍ଥ ଓ ନାଟ ମଣ୍ଡପ ଛାତରୁ ପାଣି ଝରୁଛି, ମରାମତି ବନ୍ଦ

26/05/2020 at 3:28 PM

ପୁରୀ ୨୬।୦୫: ଶ୍ରୀମନ୍ଦିର ଉତ୍ତର ପାର୍ଶ୍ୱ କାନ୍ଥରୁ ପାଣି ଝରୁଛି । ଗାରଦ ପାଖ ନାଟମଣ୍ଡପ ଛାତରୁ ପାଣି ଝରୁଛି । ଏହା କାନ୍ଥର ପ୍ରଥର ଯୋଡ଼େଇକୁ ଦୁର୍ବଳ କରିବା ଆଶଙ୍କା ଦେଖାଦେଇଛି । ଛାତ ଚାଳିରୁ ଚୂନ ଛଡ଼ା ଯିବା ପରେ ୱାଟର ପ୍ରୁଫ୍‌ ଚାଦର ବିଛା ଯାଇନଥିବାରୁ ପାଣି ଗଳୁଥିବା ବିଷୟ ଶ୍ରୀମନ୍ଦିର ରକ୍ଷଣାବେକ୍ଷଣ କୋର କମିଟିର ବୈଷୟିକ ବିଶେଷଜ୍ଞ ସୂଚନା ଦେଇଛନ୍ତି । ସେହିଭଳି ଶ୍ରୀମନ୍ଦିର ଭିତର ବେଢ଼ାସ୍ଥିତ ମା’ ଲକ୍ଷ୍ମୀ ଠାକୁରାଣୀଙ୍କୁ ଜଗମୋହନ ଏବଂ ନାଟମଣ୍ଡପକୁ ଯୋଡୁଥିବା ପ୍ରବେଶ ପଥ ଉପରୁ ଦୁଇଟି ବିମ୍‌ ଝୁଲିରହିଛି । ଏହାର ମରାମତି କରୋନା କଟକଣା ଯୋଗୁ ହୋଇ ପାରି ନଥିବା ସୂଚନା ମିଳିଛି ।

ହାଇକୋର୍ଟରେ ଶ୍ରୀମନ୍ଦିର ସୁରକ୍ଷା ଏବଂ ରକ୍ଷଣାବେକ୍ଷଣ ନେଇ ରୁଜୁ ହୋଇଥିବା ମାମଲାରେ ଅଦାଲତ ମେ’ ୫ ତାରିଖ ସୁଦ୍ଧା ରିପୋର୍ଟ ମାଗିଥିଲେ । ଶ୍ରୀମନ୍ଦିର ନାଟମଣ୍ଡପ ମରାମତି ଓ ସୁରକ୍ଷା କ୍ଷେତ୍ରରେ କଣ ସବୁ ପଦକ୍ଷେପ ନିଆଯାଇଛି ତାହାର ରିପୋର୍ଟ ଦେବାକୁ ଅଦାଲତ ଆଦେଶ ଦେଇଥିଲେ । କିନ୍ତୁ ନାଟମଣ୍ଡପ ଛାତ ଉପରୁ ଚୂନ ଛଡ଼ାଇବା ପରେ ପରେ କୋଭିଡ୍‌ କଟକଣା ଏବଂ ଲକ୍‌ଡାଉନ୍‌ ଲାଗୁ ହେବା କାରଣରୁ କୋର୍ଟ ଆଦେଶ ମୁତାବକ କାମ ହୋଇ ପାରିନାହିଁ । ତେଣୁ ହାଇକୋର୍ଟରେ କୌଣସି ରିପୋର୍ଟ ବର୍ତ୍ତମାନ ସୁଦ୍ଧା ଦାଖଲ ହୋଇ ପାରିନାହିଁ ।

ମରାମତି ବିଳମ୍ବ ସମ୍ପର୍କରେ ସଫେଇ ମିଳିଛି ଶ୍ରୀମନ୍ଦିର ରକ୍ଷଣାବେକ୍ଷଣରେ କରୋନା ଲକ୍‌ ଡାଉନ୍‌ ପ୍ରତିବନ୍ଧକ ସୃଷ୍ଟି କରିଛି। ନାଟମଣ୍ଡପ ଛାତ ମରାମତି ସରିନାହିଁ । ନାଟମଣ୍ଡପ ଗରୁଡ଼ ସ୍ତମ୍ଭ ବାମ ପାର୍ଶ୍ୱ ବିମ ଉପରେ ଉପୁଜିଥିବା ଫାଟର ମରାମତି ହୋଇନି । ଦୁର୍ବଳ ଛାତରୁ ବର୍ଷା ହେଲେ ପାଣି ଝରୁଥିଲା । ଛାତର ସ୍ଥିତି ଯାଞ୍ଚ ପାଇଁ କୋର କମିଟି ନିଷ୍ପତ୍ତି ନେଇଥିଲା । ଛାତରୁ ଚୂନ ଛଡ଼ାଇବା ବେଳେ ଜଣାପଡ଼ିଥିଲା ଛାତର ଅନେକ ପଥର ନଷ୍ଟ ହୋଇଯାଇଛି । ତେଣୁ ପାଖାପାଖି ୪୦୦ ବର୍ଗ ଫୁଟର ନାଟମଣ୍ଡପ ଛାତ ଉପରୁ ଚୂନ ଛଡା ଯାଇ ମରାମତି ଆରମ୍ଭ ହୋଇଥିଲା । ମାର୍ଚ୍ଚ ୧୫ ତାରିଖ ପରେ କାମ ଅଟକି ରହିଥିଲା ।

ବର୍ତ୍ତମାନର ସ୍ଥିତି ହେଉଛି ଲକ୍‌ଡାଉନ କାରଣରୁ ଛାତ ଉପରେ ୱାଟର ପ୍ରୁଫ୍‌ ଚାଦର ବିଛାଇବା କାମ ଅସମ୍ପୂର୍ଣ୍ଣ ରହିଛି । ଚାଦର ବିଛାଇବାକୁ ଛାତ ଉପରୁ ଚୂନ ଛଡା ଯିବା ପରେ ଖୋଲାମେଲା ରହିଛି । ଏହି ସମୟରେ କରୋନା ଲକ୍‌ଡାଉନ ଲାଗୁ ହୋଇଥିଲା । କାମ ଅସମ୍ପୂର୍ଣ୍ଣ ରହିଗଲା । ଶ୍ରୀମନ୍ଦିର ପ୍ରବେଶ ଉପରେ କଟକଣା ଲାଗୁ ହେଲା । ତଦ୍ୱାରା ସମସ୍ତ ରକ୍ଷଣାବେକ୍ଷଣ କାମ ଅଟକି ରହିଥିଲା ।

ଗତ ସପ୍ତାହର ଅମ୍‌ପନ୍‌ ବାତ୍ୟା ବେଳେ ଶ୍ରୀମନ୍ଦିର ନାଟମଣ୍ଡପ ଉତ୍ତର ପାଖ ଗାରଦ ପାଖ ପ୍ରବେଶ ଦ୍ୱାର କାନ୍ଥରୁ ପାଣି ଝରିଥିଲା । ଛାତ ଚାଳିରୁ ଚୂନ ଛଡ଼ାଯିବା ପରେ ମରାମତି ହୋଇ ନଥିବାରୁ ପାଣି ଗଳିଥିବା ନେଇ ଗତକାଲି କୋର କମିଟିର ଜଣେ ବରିଷ୍ଠ ସଦସ୍ୟ ଯାଞ୍ଚ କରିବା ପରେ ମତ ଦେଇଛନ୍ତି । ଶ୍ରୀମନ୍ଦିରକୁ ଭକ୍ତଙ୍କୁ ପ୍ରବେଶ କଟକଣା ସତ୍ତେ୍ୱ ଏବେ ଜିଲ୍ଲା ପ୍ରଶାସନ ସୀମିତ ୧୫ କର୍ମଚାରୀଙ୍କୁ ନେଇ ମରାମତି ଓ ରକ୍ଷଣାବେକ୍ଷଣ କାମ କରିବକୁ ଭାରତୀୟ ପ୍ରତ୍ନତତ୍ତ୍ୱ ସର୍ବେକ୍ଷଣ ସଂସ୍ଥା (ଏଏସ୍‌ଆଇ)କୁ ଅନୁମତି ଦେଇଛି । ଏହା ପରେ ମରାମତି ପ୍ରସ୍ତୁତି ଚାଲିଛି ।

   Related Posts