Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟୁପି ନିର୍ବାଚନ ପୂର୍ବରୁ କଂଗ୍ରେସକୁ ଝଟକା : ଇସ୍ତଫା ଦେଲେ ଆରପିଏନ୍ ସିଂହ, ବିଜେପିରେ ହେବେ ସାମିଲ୍
  • ||
  • ଫୁଟବଲ ମ୍ୟାଚ୍ ଦେଖିବା ପାଇଁ ଦଳାଚକଟା : ୬ ମୃତ, ୫୦ରୁ ଅଧିକ ଗୁରୁତର
  • ||
  • ବଲାଙ୍ଗୀର : ଭିଜିଲାନ୍ସ ଜାଲରେ ଆଗଲପୁର ବ୍ଲକ୍ ସେକ୍ସନ୍ ଅଫିସର୍, ଏକକାଳୀନ ୩ଟି ସ୍ଥାନରେ ଚଢାଉ
  • ||
  • ନିର୍ବାଚନ ପ୍ରଚାର ବେଳେ ଉତ୍ତେଜନା : କୋଭିଡ୍ କଟକଣା ଭାଙ୍ଗି କରୁଥିଲେ ସଭା, ୨ ଗୋଷ୍ଠୀ ମୁହାଁମୁହିଁ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୩୨କୁ ବୃଦ୍ଧି
  • ||
  • ରାଜ୍ୟରେ ଖସିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୮୯୧ କୋଭିଡ୍ ପଜିଟିଭ୍, ୧୨୧୭୮୪୨ରେ ପହଞ୍ଚିଲା ସଂଖ୍ୟା
  • ||
  • ମଙ୍ଗଳବାରଠୁ ଓଡିଶା ଓପନ୍ ବ୍ୟାଡମିଣ୍ଟନ୍, ଭାଗନେବେ ୧୭ ଦେଶର ୩୫୦ ପ୍ରତିଯୋଗୀ
  • ||
  • ସମାଧାନ ପାଇଁ ଯାଇଥିଲେ ମହିଳା ଏସଆଇ, ୨ ଘଣ୍ଟା ଅଟକ ରଖିଲେ ଗ୍ରାମବାସୀ
  • ||
  • ଇନ୍ଦୋରରେ ଓମିକ୍ରନ୍ ଭାରିଆଣ୍ଟର ନୂଆ ଷ୍ଟ୍ରେନ୍, ୬ ଶିଶୁଙ୍କ ସମେତ ୧୨ ରୋଗୀ ସଂକ୍ରମିତ
  • ||
  • କରଞ୍ଜିଆ ରେଞ୍ଜରେ ଗୋଠଛଡା ଦନ୍ତା ଆତଙ୍କ : ଭାଙ୍ଗିଲା ଘର, ନଷ୍ଟ କଲା ଫସଲ
  • ||

ଯୁଦ୍ଧ କରିବାକୁ ରାମ୍ପି ବିଦାରି ହେଉଛି ପାକିସ୍ତାନ ! ଚେତେଇ ଦେଲେ ଭାରତର ପ୍ରତିରକ୍ଷା ମନ୍ତ୍ରୀ

29/08/2019 at 6:44 PM

ନୂଆଦିଲ୍ଲୀ ୨୯।୮- କାଶ୍ମୀର ପ୍ରସଙ୍ଗରେ ପୁଣି ଥରେ ପାକିସ୍ତାନକୁ ଚେତେଇ ଦେଇଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ। କାଶ୍ମୀର କେବେ ପାକିସ୍ତାନର ଥିଲା ଯେ ଏବେ ତା ପାଇଁ କାନ୍ଦୁଛି ବୋଲି କହିଛନ୍ତି ରାଜନାଥ । କେବଳ ପିଓକେ ନୁହେଁ ବେଲୁଚିସ୍ତାନ ଗିଲିଗିଟ୍ ମଧ୍ୟ ଭାରତର ଅଂଶ ଥିଲା ରାଜନାଥ କହିଛନ୍ତି । ଭାରତ ବିରୋଧରେ ଯୁଦ୍ଧର ହୁଂକାର ଦେଉଥିବା ପାକିସ୍ତାନ ଆଜି ଗଜନୀ ମିସାଇଲ ପରୀକ୍ଷଣ କରି ଭାରତକୁ ଭୟଭୀତ କରିବାକୁ ଚେଷ୍ଟା କରିଛି । ତେବେ ଗଜନୀ ମିସାଇଲକୁ ଟକ୍କର ଦେବାକୁ ଭାରତ ପାଖରେ ରହିଛି ଚାରିଟି ମିସାଇଲ ।

ଯୁଦ୍ଧ କରିବାକୁ ରାମ୍ପି ବିଦାରି ହେଉଛି ପାକିସ୍ତାନ। ଗତକାଲି ପାକିସ୍ତାନ ରେଳମନ୍ତ୍ରୀ ଅକ୍ଟୋବରରେ ଯୁଦ୍ଧ କରିବା ଲାଗି ସମରସଜ୍ଜା କରୁଛି। ଗୋଟିଏ ପଟେ ସୀମାରେ ଗୁଳି ବର୍ଷଣ କରୁଛି। ସେପଟେ ଆଜି ପରୀକ୍ଷଣ କରିଛି ଗଜନୀ ମିସାଇଲ୍ । ଏହା ୩୦୦ କିଲୋମିଟର୍ ପର୍ଯ୍ୟନ୍ତ ଲକ୍ଷ୍ୟଭେଦ କରିବାର କ୍ଷମତା ରଖିଛି । ଗଜନୀ କ୍ଷେପଣାସ୍ତ୍ର ଭୂପୃଷ୍ଠରୁ ଭୂପୃଷ୍ଠକୁ ଲକ୍ଷ୍ୟଭେଦ କରି ପାରିବ । ପରମାଣୁ ଯୁଦ୍ଧର ଧମକ ଦେଉଥିବା ପାକିସ୍ତାନ, ଗଜନୀ ପରୀକ୍ଷଣ କରି ଭାରତକୁ ଡରେଇବାକୁ ଚେଷ୍ଟା କରୁଛି।

ଚୀନ ସହାୟତାରେ ତିଆରି କରିଥିବା ପାକିସ୍ତାନର ଏହି ଗଜନୀ କ୍ଷେପଣାସ୍ତ୍ରର ଟାର୍ଗେଟ ଏରିଆ ଭିତରେ ଭାରତର ଦିଲ୍ଲୀ ମୁମ୍ବାଇ ଭଳି ବଡ଼ ସହର ଆସିପାରେ। କିନ୍ତୁ ପାକିସ୍ତାନ ଭୁଲି ନଯାଉ ପାକିସ୍ତାନର ଏହି ଚାଇନାମାଲକୁ ଫୁସକେଇ ଦେବା ପାଇଁ ଭାରତ ପାଖରେ ଅଛି ଆଣ୍ଟି ମିଜାଇଲ୍ କ୍ଷମତା। ଯେଉଁଥିରେ ଭାରତ ଆମେରିକା, ଫ୍ରାନ୍ସ, ରୁଷ ଭଳି ଦେଶ ସହିତ ସମକକ୍ଷ।  ଆଉ ତା ସହିତ ଗଜନୀକୁ ଟକ୍କର ଦେବା ପାଇଁ ଭାରତ ପାଖରେ ରହିଛି ଚାରିଟି ମିସାଇଲ ପୃଥ୍ବୀ-୨,ପୃଥ୍ବୀ-୩,ଧନୁଷ ଏବଂ ଅଳ୍ପ ଦୂରଗାମୀ କ୍ରୁଜ ମିସାଇଲ ବ୍ରହ୍ମୋସ। ସେହିପରି ଅଗ୍ନି ୫ର ଟାର୍ଗେଟ ଭିତରେ ପୂରା ପାକିସ୍ତାନ ଚାଲିଆସିବ।

ସେପଟେ ଲଦାଖରେ ଗୁରୁବାରରେ ପାକିସ୍ତାନକୁ ଜବାବ ଦେଇଛନ୍ତି ପ୍ରତିରକ୍ଷାମନ୍ତ୍ରୀ ରାଜନାଥ ସିଂହ। ଧାରା ୩୭୦ ହଟିବା ପରେ ପ୍ରଥମଥର ପାଇଁ ଲଦାଖ ଯାଇଥିଲେ ରାଜନାଥ। କହିଥିଲେ  କାଶ୍ମୀର କେବେ ପାକିସ୍ତାନର ଥିଲା ଯେ ଏବେ ତା ପାଇଁ କାନ୍ଦୁଛି? କାଶ୍ମୀର ସବୁ ସମୟରେ ଭାରତର  ଅବିଚ୍ଛେଦ୍ୟ ଅଙ୍ଗ ଥିଲା ଅଛି  ଏବଂ ରହିବ ବୋଲି କହିଛନ୍ତି ରାଜନାଥ।

କାଶ୍ମୀରରୁ ଧାରା ୩୭୦ ଉଠିବା ପରେ  ଔଷଧ ବିକଳରେ ତାଟିଆ କାମୁଡୁଛି ପାକିସ୍ତାନ। ଭାରତ ବିରୋଧରେ ବିଳିବିଳଉଥିବା ପାକିସ୍ତାନ ଶେଷ ଯୁଦ୍ଧ ଲଢ଼ିବା ପାଇଁ ଖୁପୁରୁଖୁପୁରୁ ହେଉଛି। ଆଜି ଗଜନୀ ମିସାଲଇଲ ପରୀକ୍ଷଣ ପରେ ଦୁଇ ଦେଶ ମଧ୍ୟରେ ଉତ୍ତେଜନା ବୃଦ୍ଧି ପାଇଛି।

   Related Posts