Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • T20 World Cup: ଇତିହାସ ରଚିଲେ କର୍ଟିସ କାମ୍ପର, ୪ ବଲ୍‌ରେ ନେଲେ ୪ ଓ୍ଵିକେଟ୍
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୫ ଜଣଙ୍କ ଜୀବନ
  • ||
  • ମିଲରେ ଅଗ୍ନିକାଣ୍ଡ: ଜୀବନ ବଞ୍ଚାଇବାକୁ ବିଲଡିଂରୁ ଡେଇଁପଡିଥିଲେ ଶ୍ରମିକ, ଉଦ୍ଧାର କାର୍ଯ୍ୟ ଜାରି
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୩୪୦ କୋଭିଡ୍ ପଜିଟିଭ୍
  • ||
  • ଲଖିମପୁର ହିଂସା ମାମଲାରେ ସଂଯୁକ୍ତ କିଷାନ ମୋର୍ଚ୍ଚାର ରେଳରୋକ, ୬ ଘଣ୍ଟିଆ ଆନ୍ଦୋଳନ ପାଇଁ ୧୪୪ ଧାରା
  • ||
  • ଫୁଲୁଛି ଜଳକା ନଦୀ, ବିପଦ ସଙ୍କେତ ଉପରେ ଜଳସ୍ତର
  • ||
  • ଚାଲାଣ ବେଳେ ୩୯ ଶ୍ରମିକ ଉଦ୍ଧାର, ଦାଦନ ଖଟିବାକୁ ଯାଉଥିଲେ ବିଜୟନଗରମ୍
  • ||
  • ବଙ୍ଗୋପସାଗରରେ ଟ୍ରପ୍ ଲାଇନ, ୪ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା
  • ||
  • ଏଯାଏଁ ମିଳୁନି ବାପା-ପୁଅଙ୍କ ପତ୍ତା, ରବିବାର ନାଗାବଳୀରେ ଭାସି ଯାଇଥିଲେ ଉଭୟ
  • ||

ବାୟୁସେନାକୁ ମିଳିଲା ଶତ୍ରୁ ବିରୋଧରେ ଅଚୁକ ହତିୟାର, ଏକ ସମୟରେ ଅଲଗା ଅଲଗା ୧୬ ଟାର୍ଗେଟକୁ ନିକ୍ଷେପ କରିବ୨୪ ମିସାଇଲ

9/09/2021 at 9:46 PM

ଜୈସାଲମେର ୯।୯: କେନ୍ଦ୍ର ପ୍ରତିରକ୍ଷାମନ୍ତ୍ରୀ ରାଜନାଥ ସିଂହ ଗୁରୁବାର ଜୟସାଲମେରରେ ଭାରତୀୟ ବାୟୁସେନା (ଆଇଏଏଫ)କୁ ମିସାଇଲ ଏୟାର ଡିଫେନ୍ସ ସିଷ୍ଟମ  ‘ଏମଆର ସାମ’ ଅର୍ପିତ କରିଛନ୍ତି।  ଫଳରେ ବାୟୁସେନାଙ୍କ ୨୦୨୪ ସ୍କ୍ୱାଡ୍ରନରେ ମିଡିୟମ ରେଞ୍ଜ ସର୍ଫେସ ଟୁ ଏୟାର ମିସାଇଲ ସିଷ୍ଟମ ଅଧିକାରୀକ ସାମିଲ ହୋଇଯାଇଛି।

ଏହି ପ୍ରତିରକ୍ଷା ପ୍ରଣାଳୀକୁ ଭାରତୀୟ ପ୍ରତିରକ୍ଷା ଗବେଷଣା ସଙ୍ଗଠନ (ଡିଆରଡିଓ) ଇସ୍ରାଏଲଙ୍କ ଏରୋସ୍ପେସ୍ ଇଣ୍ଡଷ୍ଟ୍ରି ସହ ମିଳିତ ବିକଶିତ କରିଛନ୍ତି। ଯାହା ଶତ୍ରୁଙ୍କ ବିମାନ ଓ ଗାଇଡେଡ ଅସ୍ତ୍ରଶସ୍ତ୍ର କବଳରୁ ନିଜ ଅଞ୍ଚଳ ଓ ଫୋର୍ସଙ୍କୁ ସୁରକ୍ଷା ଯୋଗାଇପାରିବ। ଏହି ପ୍ରଣାଳୀ ଡେଡିକେଟେଡ ରାଡାର ଦ୍ୱାରା ଏକାକୀ ଫାଇରିଂ ୟୁନିଟ ଭାବେ ମଧ୍ୟ ସକ୍ଷମ ହୋଇପାରିବ। ଏଣୁ ବିପଦ ପାରମ୍ପରିକ ହେଉ ଅଥବା ଅତ୍ୟାଧୁନିକ ଏହି ପ୍ରଣାଳୀ ଖୁବଶୀଘ୍ର ପ୍ରତିକ୍ରିୟା ବ୍ୟକ୍ତ କରି ଶତ୍ରୁର ଉଦ୍ଦେଶ୍ୟ ପଣ୍ଡ କରିପାରିବ।

ଏହି ପ୍ରଣାଳୀ ଗୋଟିଏ ଥରରେ ଶତ୍ରୁର ଅଲଗା ଅଲଗା ୧୬ଟି ଠିକଣାକୁ ଟାର୍ଗେଟ୍ କରି ୨୪ଟି କ୍ଷେପଣାସ୍ତ୍ର ନିକ୍ଷେପ କରିପାରୁଛି। ଯେଉଁଥିରେ ଏକ ସୁପରସୋନିକ କ୍ଷେପଣାସ୍ତ୍ର ମଧ୍ୟ ରହୁଛି। ଯାହା ଶତ୍ରୁକୁ ତା ଠିକଣାରେ ଖୋଜି ନିଶେଷ କରିପାରିବ। ଏହାର ରେଞ୍ଜ ୭୦ କିଲୋମିଟର ପର୍ଯ୍ୟନ୍ତ ରହିଛି। ତେବେ ବିମାନ ଲାଗି ଏହା ୧୧୦ କିଲୋମିଟର ଦୂରରେ ଶତ୍ରୁକୁ ନିଶେଷ କରିବାକୁ କ୍ଷମତା ରଖୁଛି। ଏହା ଏକ ମୋବାଇଲ ଭର୍ଟିକାଲ ଲଞ୍ଚର। ଯାହାକୁ ଖୁବ୍ କମ ସମୟରେ କୌଣସି ସ୍ଥାନକୁ ନେଇ ମୁତୟନ କରିହେବ।

ଏହି ସିଷ୍ଟମର ଗୋଟିଏ ବ୍ୟାଟେରୀରେ ୩ଟି ଲଞ୍ଚର ରହିଛି। ସେହିପରି ପ୍ରତି ଲଞ୍ଚରରେ ୮ଟି କରି ଟ୍ୟୁବ ରହିଛି। ଥରେ ସବୁ କ୍ଷେପଣାସ୍ତ୍ର ଲଞ୍ଚ ହୋଇସାରିବାର କିଛି ସମୟ ମଧ୍ୟରେ ଏହା ପୁଣି ରିଲୋଡ ହୋଇ ଶତ୍ରୁକୁ ମାଟି ଚଟେଇବ। ଏଣୁ ସୀମା ସେପାଖରୁ ହେଉଥିବା ଶତ୍ରୁଙ୍କ ଯେ କୌଣସି ଆକ୍ରମଣର ଏବେ ଜବାବ ଦେବା ଆହୁରି ସହଜ ହେବ ବୋଲି ଏହି ଅବସରରେ ରାଜନାଥ କହିଛନ୍ତି।  

   Related Posts