Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଢେଙ୍କାନାଳ : କପିଳାଶ ଜାଗର ଯାତ୍ରା ପାଇଁ କଟକଣା, ଜିଲ୍ଲା ବାହାର ଭକ୍ତଙ୍କୁ ମନା, ଜିଲ୍ଲାବାସୀଙ୍କ କୋଭିଡ୍ ନେଗେଟିଭ୍ ରିପୋର୍ଟ ବାଧ୍ୟତାମୂଳକ
  • ||
  • କଟକ : ରାଜ୍ୟରେ ପୁଣି ବଢିଲା ବସ୍ ଭଡା, ସାଧାରଣ ଓ ଏକ୍ସପ୍ରେସ କିଲୋମିଟର ପିଛା ୫ପଇସା, ଡିଲକ୍ସ ଓ ଏସି ଡିଲକ୍ସ ୧୦ପଇସା ବୃଦ୍ଧି
  • ||
  • ଧର୍ମଗଡ : ବାଇକ୍ ଉପରେ ମାଡିଗଲା ବସ୍, ଘଟଣାସ୍ଥଳରେ ୩ ମୃତ
  • ||
  • ସାନଖେମୁଣ୍ଡି : ବାରହା ଆକ୍ରମଣରେ ୭ ଆହତ, ଗ୍ରାମବାସୀ ଭୟଭୀତ
  • ||
  • ରାଉରକେଲା : ଶିଶୁପାଳ ହୋଇ ଫେରିଲା ବର, ଅଧାରୁ ବନ୍ଦ ହେଲା ବାଲ୍ୟ ବିବାହ
  • ||
  • ଆଠଗଡ : ସରିଯାଉଛି ଟୋକନ ଅବଧି, ମଣ୍ଡିରୁ ଉଠୁନି ଧାନ, ପ୍ରତିବାଦରେ ଚାଷୀଙ୍କ ରାସ୍ତା ଅବରୋଧ
  • ||
  • ଭଦ୍ରକ : ଅଷ୍ଟପ୍ରହରୀ ଚାନ୍ଦା ପାଇଁ ଗଛରେ ବାନ୍ଧି ନିସ୍ତୁକ ମାଡ ଅଭିଯୋଗ, ଥାନାରେ ଏତଲା
  • ||
  • ନୀଳଗିରି : ନୀଳଗିରି ସହରରେ ବୁଲୁଛି ଭାଲୁ, ଲୋକେ ଭୟଭୀତ
  • ||
  • ରାଉରକେଲା : ଛାତ୍ରଙ୍କ ନାଁରେ ଜିଏସଟି ଠକେଇ ଅଭିଯୋଗ, ୩୮କୋଟି ଟଙ୍କାର ଠକେଇ ନେଇ ନୋଟିସ୍
  • ||
  • ସାନଖେମୁଣ୍ଡି : ଥାନାଠାରୁ ୧ କି.ମି. ଦୂରରେ ଚାଲିଥିଲା ବେଆଇନ ବିଦେଶୀ ମଦ ବିକ୍ରି, ଚଢାଉ କରି ନଷ୍ଟ କଲା ପୋଲିସ
  • ||

ଲଦାଖରେ ଉତ୍ତେଜନା : ଭାରତ ପରେ ଚୀନ୍ ବି ଦାବି କଲା , ଆମର ଏକାଧିକ ସୈନ୍ୟ ନିହତ , ଏପଟେ ଜରୁରୀ ବୈଠକ ଡାକିଲେ ରାଜନାଥ ସିଂହ

16/06/2020 at 1:40 PM

ନୂଆଦିଲ୍ଲୀ ୧୬।୦୬:  ଭାରତ-ଚୀନ୍‌ ସୀମାରେ ପୁଣି ଉତ୍ତେଜନା ଦେଖାଦେଇଛି । ଏଥିରେ ଜଣେ ଅଫିସରଙ୍କ ସହ ୨ ଜଣ ଯବାନ ସହିଦ ହୋଇଛନ୍ତି। ସୀମାର ସ୍ଥିତି ଦେଖି ରକ୍ଷାମନ୍ତ୍ରୀ ରାଜନାଥ ସିଂହ ଏକ ଗୁରୁତ୍ୱପୂର୍ଣ୍ଣ ବୈଠକ ଡାକିଛନ୍ତି । ବୈଠକରେ ରକ୍ଷାମନ୍ତ୍ରୀ ରାଜନାଥ ସିଂହ, ବିଦେଶ ମନ୍ତ୍ରୀ ଡ. ଏସ୍‌ ଜୟଶଙ୍କର ଏବଂ ଚିପ୍‌ ଡିଫେନ୍ସ ଷ୍ଟାପ୍‌ ଜେନେରାଲ୍‌ ବିପିନ ରାଓ୍ୱତ ଉପସ୍ଥିତ ରହିବେ । ଏବଂ ସୀମାରେ ଦେଖାଦେଉଥିବା ଉତ୍ତେଜନା ସମ୍ପର୍କରେ ଆଲୋଚନା କରାଯିବ । ପୂର୍ବ ଲଦାଖର ଗଲଓ୍ୱାନ ଘାଟିରେ ଦେଖାଦେଇଥିବା ଉତ୍ତେଜନା ପ୍ରସଙ୍ଗରେ ଆଲୋଚନା କରାଯିବ ।

ସୂଚନାଯୋଗ୍ୟ ଯେ, ଲଦାଖର ଗଲୱାନଠାରେ ଗତକାଲି ରାତିରେ ଦୁଇ ପକ୍ଷ ସେନା ମଧ୍ୟରେ ମୁହାଁମୁହିଁ ହୋଇଥିଲେ । ଗଲୱାନରୁ ଉଭୟ ପକ୍ଷର ସେନା ପଛକୁ ହଟିବା ସମୟରେ ଉତ୍ତେଜନା ଦେଖାଦେଇଥିଲା। ଭାରତୀୟ ଯବାନମାନେ ଏହାର ପ୍ରତିବାଦ କରିବା ସମୟରେ ଦୁଇ ପକ୍ଷ ମଧ୍ୟରେ ହାତାହାତି ହୋଇଥିଲା।  ପରେ  ଉତ୍ତେଜନା ତୀବ୍ର ରୂପ ଧାରଣ କରିଥିଲା।  ଏହା ଦ୍ବାରା ଜଣେ ଅଫିସର ଓ ଦୁଇ ଜଣ ଯବାନ ସହିଦ ହୋଇଥିବା ଜଣା ପଡ଼ିଛି। 

ଦୁଇ ଦେଶର ଅଫିସରଙ୍କ ମଧ୍ୟରେ ଏବେ ଆଲୋଚନା ଜାରି ରହିଛି । ସେପଟେ   ସୀମାରେ ଉତ୍ତେଜନା ନେଇ ଚୀନ୍‌ ପକ୍ଷରୁ ବୟାନ ଜାରି କରାଯାଇଛି । ବୟାନରେ ଚୀନ୍‌ କହିଛି ଯେ, ଭାରତ ଏକତରଫା କୌଣସି ପଦକ୍ଷେପ ନହେଉ । ଯାହାଦ୍ୱାରା କି ଉଭୟ ଦେଶ ମଧ୍ୟରେ ସ୍ଥିତି ଆଗକୁ ବିଗିଡିଯିବ ।  ଚୀନ୍‌ ମଧ୍ୟ ଦାବି କରିଛି ଯେ, ଉଭୟ ସେନାଙ୍କ ମୁହାଁମୁହାଁରେ ଆମର ସେନାଙ୍କ ମୃତ୍ୟୁ ହୋଇଛି । ଉଭୟ ପକ୍ଷରୁ କିଛି ସୈନ୍ୟ ମୃତାହତ ହୋଇଥିବା ନେଇ ଚୀନ୍‌ କହିଛି ।  ପରିସ୍ଥିତିକୁ ଦେଖି ଉଭୟ ଦେଶ ମଧ୍ୟରେ ଆଲୋଚନା ଜାରି ରହିଛି ।

   Related Posts