Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

ଜେଏନ୍‌ୟୁ ହିଂସାକାଣ୍ଡରେ ଛାତ୍ରଛାତ୍ରୀଙ୍କୁ ସମର୍ଥନ କରିବା ପାଇଁ କ୍ୟାମ୍ପସ ପହଞ୍ଚିଥିଲେ ଦୀପିକା…

8/01/2020 at 9:12 AM

ନୂଆଦିଲ୍ଲୀ୮|୧: ଦେଶର ଏକ ବଡ଼ ଶିକ୍ଷାନୁଷ୍ଠାନ ଜବାହାରଲାଲ୍ ନେହେରୁ ବିଶ୍ୱବିଦ୍ୟାଳୟ(ଜେଏନ୍‌ୟୁ)ରେ ହୋଇଥିବା ହିଂସାକାଣ୍ଡକୁ ନେଇ ଏବେ ସାରା ଦେଶରେ ଚର୍ଚ୍ଚା ହେଉଛି। ସୂଚନାଯୋଗ୍ୟ ଯେ, କ୍ୟାମ୍ପସ ଭିତରେ କିଛି ଦୁର୍ବୃତ୍ତ ପଶି ମାର୍‌ପିଟ୍ କରିଥିବା ଘଟଣା ସମସ୍ତଙ୍କୁ ଆଘାତ କରିଛି। ଜେଏନ୍‌ୟୁରେ ବିଭିନ୍ନ ସ୍ଥାନରେ ଏହି ଘଟଣାକୁ କଡ଼ା ନିନ୍ଦା କରିଯାଉଛି।

କିଛି ବଲିଉଡ୍‌ ସେଲେବ୍ରିଟିମାନେ ମଧ୍ୟ ଏହିଘଟଣା ନେଇ ନିଜର ପ୍ରତିକ୍ରିୟା ଦେଇଛନ୍ତି। କିଛି ବଲିଉଡ ସେଲେବ୍ରିଟି ଏହି ଘଟଣାରେ ଦୁଃଖ ପ୍ରକାଶ କରିଛନ୍ତି ତ କିଛି ଏହି ହିଂସାକାଣ୍ଡ ବିରୋଧରେ ପ୍ରଦର୍ଶନ କରିଛନ୍ତି। ତେବେ ଏହାକୁ ବିରୋଧ କରି ବଲିଉଡ ଷ୍ଟାର ଦୀପିକା ପାଦୁକୋନ ଜେଏନୟୁ କ୍ୟାମ୍ପସ ପହଞ୍ଚିଥିଲେ।

ଜେଏନୟୁ ଛାତ୍ରଙ୍କୁ ଆକ୍ରମଣ ଘଟଣା ପରେ ଜେଏନୟୁ କ୍ୟାମ୍ପସରେ କିଛି ଛାତ୍ରଛାତ୍ରୀଙ୍କ ଗହଣରେ ବଲିଉଡ ଷ୍ଟାର ଦୀପିକା ପାଦୁକୋନଙ୍କୁ ଦେଖିବାକୁ ମିଳିଥିଲା । କ୍ୟାମ୍ପସରେ ହିଂସା ଘଟଣାକୁ ନେଇ ପ୍ରତିବାଦ କରୁଥିବା ଛାତ୍ରଛାତ୍ରୀଙ୍କୁ ସମର୍ଥନ ତଥା ସହାନୁହଭୁତି ଦେବା ଉଦ୍ଦେଶ୍ୟରେ ଜେଏନୟୁ ଯାଇଥିଲେ ଦୀପିକା। ସେଠାରେ ଉପସ୍ଥିତ ଥିବା ଷ୍ଟୁଡେଣ୍ଟମାନଙ୍କ ସହ ଦୀପିକା କଥାବାର୍ତ୍ତା ମଧ୍ୟ କରିଥିଲେ।

ଛାତ୍ର ସଂସଦର ସଭାପତି ଆଇଶା ଘୋଷଙ୍କ ସହ ଦୀପିକାଙ୍କୁ ଦେଖିବାକୁ ମିଳିଥିଲା। ତେବେ ଦୀପିକା ଘଟଣା ପ୍ରସଙ୍ଗରେ କିଛି ବି କହିନାହାଁନ୍ତି। ନିଜ ଅପକମିଂ ଫିଲ୍ମ ଛପାକର ପ୍ରମୋସନ ପାଇଁ ଦୀପିକା ୨ଦିନ ହେବ ଦିଲ୍ଲୀରେ ଥିଲେ। ଅବଶ୍ୟ ଦୀପିକା ଜେଏନୟୁରେ ନିଜ ଫିଲ୍ମ ପ୍ରସଙ୍ଗରେ କିଛି କହିନଥିଲେ କାରଣ ସେଠାର ମାହୋଲ ଖତୁବ ଗରମ ଥିଲା। ଛାତ୍ର ଛାତ୍ରୀମାନେ ଖୁବ ଜୋର ସୋରରେ ‘ଜୟ ଭିମ୍‌’ ଓ ‘ଜୟ ଭଗତ ସିଂହ’ର ସ୍ଲୋଗାନ୍‌ ଦେଉଥିଲେ।

   Related Posts