Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେଡିରେ ମିଶିବେ ପ୍ରଦୀପ ମାଝୀ, କହିଲେ ନବୀନଙ୍କ ହାତମୁଠା ଟାଣ କରିବି
  • ||
  • ଆଇଆଇଟି ଜମ୍ମୁର ନୂତନ ଗୃହ ଲୋକାର୍ପଣ କରିବେ ଗୃହମନ୍ତ୍ରୀ ଅମିତ ଶାହ, ଉପସ୍ଥିତ ରହିବେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୭ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୫ ହଜାରରୁ ଅଧିକ କରୋନା ପଜିଟିଭ୍, ୫୬୧ ମୃତ
  • ||
  • ଚିଲିକାକୁ ଆସିଲେଣି ବିଦେଶୀ ପକ୍ଷୀ, ସୁରକ୍ଷା ପାଇଁ ବନ ବିଭାଗ ପ୍ରସ୍ତୁତ
  • ||
  • ଲକ୍ଷ୍ମୀପୁର ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ ଡେଙ୍ଗୁ, ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି
  • ||
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

ଚାର୍ଟାର୍ଡ ବିମାନରେ ନୁହେଁ, ମର୍ସିଡିଜରେ ଗୋଆରୁ ମୁମ୍ବାଇ ଲୁଚି ଲୁଚି ଆସୁଛନ୍ତି ଦୀପିକା

24/09/2020 at 4:38 PM

ମୁମ୍ବାଇ ୨୪/୦୯: ଡ୍ରଗ୍ସ ଚାଟ୍‌ରେ ବଲିଉଡ୍ ଅଭିନେତ୍ରୀ ଦୀପିକାଙ୍କ ନାଁ ସାମ୍ନାକୁ ଆସିବା ପରେ ସେ ଚୁପ୍ ଥିଲେ। ଏବେ କିନ୍ତୁ ସେ ଆଉ ଚୁପ୍ ନ ରହି ମୁହଁ ଖୋଲିଛନ୍ତି। ଦୀପିକା ପାଦୁକୋନଙ୍କ ଟିମ୍ ନାରକୋଟିକ୍ସ କଂଟ୍ରୋଲ ବ୍ୟୁରୋ (ଏନସିବି )ଟିମକୁ ଅଭିନେତ୍ରୀ ତଦନ୍ତରେ ସହଯୋଗ କରିବେ। ସେ ଗୋଆ ଛାଡ଼ି ମୁମ୍ବାଇ ଅଭିମୁଖେ ବାହାରିସାରିଛନ୍ତି। ଏହା ସହ ଆସନ୍ତାକାଲି ଧାର୍ଯ୍ୟ ସମୟରେ ଦୀପିକା ଏନସିବି ଅଫିସରେ ପହଞ୍ଚିବେ। ତେବେ ଦୀପିକାଙ୍କ ତରଫରୁ ଏ କଥା ସାମ୍ନାକୁ ଆସିବା ପୂର୍ବରୁ ଗୋଆରେ ବଡ଼ ଡ୍ରାମା ଦେଖିବାକୁ ମିଳିଛି। ଏବେ ସେ ଚାର୍ଟାର୍ଡ ପ୍ଲେନରେ ନୁହେଁ ବରଂ ଗାଡ଼ିରେ ମୁମ୍ବାଇ ଆସୁଛନ୍ତି।

ଗତକାଲି ଏନସିବି ଦୀପିକାଙ୍କ ସମେତ ୫ ଜଣ ସେଲିବ୍ରିଟିଙ୍କୁ ସମନ ପଠାଇ ଥିଲା। ଆସନ୍ତାକାଲି ଏନସିବି ଜେରାକୁ ସାମ୍ନା କରିବେ ଦୀପିକା। ସୁଟିଂ କାମରେ ଦୀପିକା ଗୋଆରେ ଥିଲେ। ଆଜି ଦିପହର ୧ଟାରେ ଗୋଆ ରିସର୍ଟରୁ ବାହାରି କ୍ୟାମେରାଠାରୁ ଲୁଚି ଲୁଚି କଳା ମର୍ସଡିଜ୍ ଗାଡ଼ିରେ ମୁମ୍ବାଇ ଅଭିମୁଖେ ବାହାରିଲେ। ତାଙ୍କ ଗାଡ଼ି ଆଗରେ ଓ ପଛରେ ଥିଲା ଦୁଇଟି ଇନୋଭା ଗାଡ଼ି। ପ୍ରଥମରୁ ଲାଗିଲା ସେ ଏୟାରପୋର୍ଟ ଅଭିମୁଖେ ଯାଉଛନ୍ତି ମାତ୍ର ଆଖି ପିଛୁଳାକେ ତାଙ୍କ ଗାଡ଼ି ବେଗ ବଢ଼ାଇ ରୁଟ୍ ବଦଳାଇ ଦେଲା।

ଦେଖୁ ଦେଖୁ ତାଙ୍କ ଗାଡ଼ି ଗୋଆ-ମୁମ୍ବାଇ ହାଇଓ୍ବେରେ ଗଲା। ଗୋଆରୁ ମୁମ୍ବାଇ ଦୂରତ୍ବ ୨୭୫ କିମି। ଏଣୁ ଏବେ ତାଙ୍କୁ ମୁମ୍ବାଇ ପହଞ୍ଚିବାକୁ ୮-୯ ଘଣ୍ଟା ଲାଗିବ। ଡ୍ରଗ୍ ଚାଟ ଜଣାପଡ଼ିବା ପରେ ଗୋଆରେ ସେ କାହା ସହ କଥା ହେଉ ନ ଥିଲେ। ରୁମ ଭିତରେ ରହି ନିଜ ଓକିଲ ଓ ପରିବାର ଲୋକଙ୍କ ସହ ଭିଡ଼ିଓ କନଫରେନ୍ସରେ କଥା ହେଉଥିଲେ। ସବୁବେ​‌ଳେ ସାମାଜିକ ଗଣମାଧ୍ୟମରେ ସକ୍ରିୟ ରହୁଥିବା ଦୀପିକା ଡ୍ରଗ୍ସ ଚାଟ୍ ପରେ ଗୋଟିଏ ବି ଶବ୍ଦ କହି ନାହାନ୍ତି। ଏବେ ଦେଖିବାର ଅଛି ଆସନ୍ତାକାଲି ସେ ଏନସିବି ସାମ୍ନାରେ ସତ ମାନୁଛନ୍ତି ନ ଅଭିଯୋଗକୁ ଖଣ୍ଡନ କରୁଛନ୍ତି।

   Related Posts