Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫସଲ ନଷ୍ଟ କରି ଫେରିଗଲେ ଝାଡଖଣ୍ଡୀ ହାତୀପଲ, କ୍ଷତିପୂରଣ ଦାବି କଲେ ଚାଷୀ
  • ||
  • ଓଡିଶା ଉପକୂଳରେ ମାଡ ହେବ ବାତ୍ୟା ! ଡିସେମ୍ବର ୩ରୁ ୬ ଯାଏଁ ପ୍ରବଳ ବର୍ଷା
  • ||
  • ଟାଙ୍ଗୀ : ତାରିଣୀ ଦର୍ଶନ ସାରି ଫେରୁଥିଲେ, ଅଧାରାସ୍ତାରେ ଧକ୍କା ଦେଲା ଟ୍ରକ, ଚାଲିଗଲା ୩ ଜୀବନ
  • ||
  • ବିଏସକେଓ୍ୱାଇରେ ଯୋଡିହେବ କୋରାପୁଟ, ଭର୍ଚୁଆଲ ମାଧ୍ୟମରେ ସ୍ମାର୍ଟ କାର୍ଡ ବଣ୍ଟନ କରିବେ ମୁଖ୍ୟମନ୍ତ୍ରୀ
  • ||
  • ବିଏସକେଓ୍ୱାଇରେ ଯୋଡିହେବ କୋରାପୁଟ, ଭର୍ଚୁଆଲ ମାଧ୍ୟମରେ କାର୍ଡ ବଣ୍ଟନ କରିବେ ମୁଖ୍ୟମନ୍ତ୍ରୀ
  • ||

ଦୀପିକା କୁମାରୀଙ୍କ ପଦକ ଆଶା ଧୂଳିସାତ୍, କ୍ୱାର୍ଟର ଫାଇନାଲରେ କୋରିଆ ଖେଳାଳିଙ୍କଠୁ ପରାସ୍ତ

30/07/2021 at 2:05 PM

ଟୋକିଓ, ୩୦/୦୭ :  ଭାରତୀୟ ମହିଳା ତୀରନ୍ଦାଜ ଦୀପିକା କୁମାରୀଙ୍କ ପଦକ ଜିତିବା ସ୍ୱପ୍ନ ଚୁରମାର ହୋଇଯାଇଛି । ଦୀପିକା ଟୋକିଓ ଅଲିମ୍ପିକ୍ସରୁ ପରାସ୍ତ ହୋଇ ବାଦ୍ ପଡିଛନ୍ତି । ସେ ବ୍ୟକ୍ତିଗତ ଇଭେଣ୍ଟରେ ସେମିଫାଇନାଲରେ ପହଁଚିପାରି ନଥିଲେ । ସେ କ୍ୱାର୍ଟର ଫାଇନାଲରେ କୋରିଆର ଅନ୍ ସାନଙ୍କଠୁ ୬-୦ରେ ପରାଜୟବରଣ କରିଥିଲେ ।

ଏହାପୂର୍ବରୁ ଦୀପିକା ପ୍ରି କ୍ୱାର୍ଟର ଫାଇନାଲରେ ପୂର୍ବତନ ବିଶ୍ୱ ଚାମ୍ପିଅନ ତଥା ଋଷ ଅଲିମ୍ପିକ ସମିତିର ସେନିଆ ପେରୋବାଭଙ୍କୁ ମାତ୍ ଦେଇଥିଲେ ।

ଅନ୍ ସାନ୍ ଦୀପିକାଙ୍କୁ ୬-୦ରେ କ୍ୱାର୍ଟର ଫାଇନାଲରେ ହରାଇଥିଲେ । ସାନ୍ ନିଜର ପ୍ରଥମ ସେଟରେ ୩୦-୨୭ରେ ବିଜୟୀ ହୋଇଥିଲେ । ଦୀପିକା ପ୍ରଥମରୁ ୭ ପଏଣ୍ଟ ପଛରେ ଚାଲିଥିଲେ । ଏପରି ଭାବେ କୋରିଆ ୨-୦ରେ ଆଗୁଆ ରହିଥିଲା । ଦ୍ୱିତୀୟ ସେଟରେ ମଧ୍ୟ ଦୀପିକାଙ୍କୁ ୨୪-୨୬ରେ ପଛରେ ରହିବାକୁ ପଡିଥିଲା ।ତୃତୀୟ ସେଟକୁ ମଧ୍ୟ ସାନ୍ ୨୬-୨୪ରେ ଜିତି ବିଜୟୀ ହୋଇଥିଲେ । ସେହିପରି ମିକ୍ସଡ୍ ଇଭେଣ୍ଟରେ ମଧ୍ୟ ଦୀପିକାଙ୍କୁ କୋରିଆ ଟିମ୍‌ଠୁ ପରାଜୟର ସାମ୍ନା କରିବାକୁ ପଡିଥିଲା ।

ସୂଚନାଯୋଗ୍ୟ, ଅଲିମ୍ପିକ୍ସ ଇତିହାସରେ ଭାରତକୁ ଏବେସୁଦ୍ଧା ପଦକ ମିଳିପାରି ନାହିଁ । ଏହାପୂର୍ବରୁ ଦୀପିକା ବିଶ୍ୱ କପରେ ତିନୋଟି ସୂର୍ଣ୍ଣ ଜିତିଥିଲେ ।

   Related Posts