Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ଛିଡିଲାନି ଭାଗବଣ୍ଟା, ଦୁଇ ପିସ୍ ମାଂସ ପାଇଁ ଆତ୍ମହତ୍ୟା କଲେ ଭଉଣୀ
  • ||
  • କଟକ : ରେଭେନ୍ସା ବିଶ୍ବବିଦ୍ୟାଳୟର ନୂତନ କୁଳପତି ହେଲେ ପ୍ରଫେସର ସଞ୍ଜୟ ନାୟକ
  • ||
  • ଭୁବନେଶ୍ବର : ନାବାଳିକା ଗଣଦୁଷ୍କର୍ମ ମାମଲା, ଅପ୍ରେଲ ୫ରେ ଚୂଡାନ୍ତ ଶୁଣାଣି
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୧୫୪ କୋଭିଡ୍ ସଂକ୍ରମିତ, ୩୩୪୦୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମେ’ ରେ ହେବ କଂଗ୍ରେସର ଅଧ୍ୟକ୍ଷ ପଦ ପାଇଁ ନିର୍ବାଚନ, ସିଡବ୍ଲ୍ୟୁସି ବୈଠକ ପରେ ବଡ ଘୋଷଣା କଲା ଦଳ
  • ||
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||

ଡିସେମ୍ବର ୨୨ ବର୍ଷର ସବୁଠୁ ଛୋଟ ଦିନ, କିନ୍ତୁ ରାତି ହେବ ଦୀର୍ଘ

20/12/2019 at 3:29 PM

ନୂଆଦିଲ୍ଲୀ ୨୦ ।୧୨:   ଦିନକ ପରେ ଡିସେମ୍ବର ୨୨, ତେବେ  ବର୍ଷର ଏହି ଦିନଟି ସବୁଠୁ ଛୋଟ ଦିନ ହେବ। କାରଣ ଏହି ଦିନ ସୂର୍ଯ୍ୟ ତାଙ୍କର ଦକ୍ଷିଣତମ ବିନ୍ଦୁ ଉପରେ ଅବସ୍ଥାନ କରୁଥିବା ବେଳେ ଦିଗ୍‌ବଳୟର ନିମ୍ନ ପ୍ରଦେଶରେ ଦୃଶ୍ୟମାନ ହେବେ। ଏହାକୁ ସୂର୍ଯ୍ୟଙ୍କ ଅୟନାନ୍ତ ବା ଇଂରାଜୀରେ ‘ୱିଣ୍ଟର ସୋଲଷ୍ଟେସ୍’ କୁହାଯାଏ। ତେବେ ୨୨ ଡିସେମ୍ବର ଦିନ ଛୋଟ ହୋଇଥିଲେ ହେଁ ରାତି ଖୁବ୍ ଦୀର୍ଘ ହେବ। ଏହି ଦିନରୁ ଶିଶିର ଋତୁର ଆରମ୍ଭ ସହ ଦେଶରେ ଶୀତର ପ୍ରକୋପ ବି ବଢିବ।

ଡିସେମ୍ବର ୨୨ ତାରିଖ ଦିନ ଦେଶର ବିଭିନ୍ନ ସ୍ଥାନରେ ଦିନର ଦୈର୍ଘ୍ୟ ଭିନ୍ନ ଭିନ୍ନ ରହିବ। କେଉଁଠି ଦିନ ୧୦ଘଣ୍ଟା ୩୭ ସେକେଣ୍ଡର ହେବ ତ କେଉଁଠି ୮ ଘଣ୍ଟା ପରେ ସୂର୍ଯ୍ୟ ଅସ୍ତାଚଳରେ ଦୃଶ୍ୟମାନ ହେଉଥିବେ। ଡିସେମ୍ବର ୨୨ରେ ସୂର୍ଯ୍ୟଙ୍କର ଉତ୍ତରାୟଣ ହେବ। ଏଣୁ ସୂର୍ଯ୍ୟ ଏହି ଦିନ ମକର ରେଖାରେ ଲମ୍ବବତ୍ ରହୁଥିବା ବେଳେ କର୍କଟ ରେଖାକୁ ତେର୍ଛା ସ୍ପଷ୍ଟ କରିବେ। ଏଣୁ ସୂର୍ଯ୍ୟ ଖୁବ୍ ଶୀଘ୍ର ଅସ୍ତ ହେଉଥିବାରୁ ଦିନ ଛୋଟ ହୋଇଥାଏ।

ତେବେ ଡିସେମ୍ବର ୨୩ରୁ ପୁଣି ଦିନର ଅବଧି ଧିରେ ଧିରେ ବଢିବାକୁ ଲାଗିବ। କ୍ରମଶଃ ଦିନ ବଢି ବଢି ମାର୍ଚ୍ଚ ୨୧ରେ ଦିନ ଓ ରାତିର ଅବଧି ସମାନ ୧୨ ଘଣ୍ଟା ଲେଖାଏଁ ହେବ। ତେବେ ଡିସେମ୍ବର ୨୨ରୁ ଦେଶରେ ଶିଶିର ଋତୁ ପ୍ରାରମ୍ଭ ହେଉଥିବାରୁ ବିଭିନ୍ନ ସ୍ଥାନରେ ଶୀତ ଲହରୀ ଚାଲିବା ଆରମ୍ଭ ହେବ। ଏଣୁ ଶୀତ ପ୍ରଧାନ ପ୍ରଦେଶରେ ଶୀତର ପ୍ରକୋପ ବଢିବା ସହ କେଉଁଠି କେଉଁଠି ତାପମାତ୍ରା ବିଯୁକ୍ତ ବି ହେବ।

   Related Posts