Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପେଟେଣ୍ଟ ମୁକ୍ତ ହେବ କରୋନା ଭ୍ୟାକସିନ୍‌ ! ଭାରତ ଏବଂ ଦକ୍ଷିଣ ଆଫ୍ରିକା ପ୍ରସ୍ତାବରେ ଆମେରିକାର ସମର୍ଥନ
  • ||
  • କୋଭିଡ୍‌ ସ୍ଥିତିକୁ ନେଇ ନବୀନ୍‌ଙ୍କ ସହ କଥା ହେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
  • ||
  • ରାଜ୍ୟରେ ସୁସ୍ଥ ହେଲେ ଆଉ ୬୮୫୪ କରୋନା ଆକ୍ରାନ୍ତ, ଖୋର୍ଦ୍ଧାରେ ହଜାରେ ଟପିଲା ଡିସ୍‌ଚାର୍ଜ
  • ||
  • ନୂଆଦିଲ୍ଲୀ : କରୋନାରେ ପୂର୍ବତନ ରଣଜୀ କ୍ରିକେଟରଙ୍କ ଦେହାନ୍ତ, ଆଇପିଏଲ୍ ଟିମ୍‌ରେ ହୋଇଥିଲେ ମନୋନୀତ
  • ||
  • ରାଇରଙ୍ଗପୁର : ନିଖୋଜ ନାବାଳିକାଙ୍କ ଝୁଲନ୍ତା ମୃତଦେହ ଉଦ୍ଧାର, ମୃତ୍ୟୁର କାରଣ ଅସ୍ପଷ୍ଟ
  • ||
  • ନବରଙ୍ଗପୁର : ଶାଗ ତୋଳିବା ହେଲା କାଳ, ବଜ୍ରପାତରେ ଚାଲିଗଲା ୨ ନାବାଳିକାଙ୍କ ଜୀବନ, ୨ ଆହତ
  • ||
  • ନୀଳଗିରି : ଗଛରେ ଝୁଲୁଛି ଅଜଣା ଯୁବକଙ୍କ ମୃତଦେହ, ହତ୍ୟା ନା’ ଆତ୍ମହତ୍ୟା ସନ୍ଦେହ
  • ||
  • ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ନା ଆତ୍ମହତ୍ୟା ?
  • ||
  • ରାଜ୍ୟରେ କରୋନା ନେଲା ଆଉ ୧୭ଜଣଙ୍କ ଜୀବନ, ୨୧୨୧ରେ ପହଞ୍ଚିଲା ମୃତ୍ୟୁ ସଂଖ୍ୟା
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦,୫୨୧ ପଜିଟିଭ୍
  • ||

ମହାରାଷ୍ଟ୍ରରେ ପଲଟିଲା ବାଜି – ମାତ୍ର ୭୮ ଘଣ୍ଟାରେ ଭାଙ୍ଗିଗଲା ଦେବେନ୍ଦ୍ର ଫଡନଭିସଙ୍କ ଦ୍ବିତୀୟ ପାଳି ସରକାର

26/11/2019 at 6:42 PM

ମୁମ୍ବାଇ ୨୬।୧୧ –  ମହାରାଷ୍ଟ୍ରରେ ପାଲଟିଲା ବାଜି ।  ମାତ୍ର ୭୮ ଘଣ୍ଟାରେ ଭାଙ୍ଗିଗଲା ଦେବେନ୍ଦ୍ର ଫଡନଭିସଙ୍କ ଦ୍ବିତୀୟ ପାଳି ସରକାର । ରାତାରାତି ଅଜିତ ପାୱାରଙ୍କ ସହିତ ମିଶି ବିଜେପି କରିଥିବା ସରକାର ୩ ଦିନ ବି ଚାଲିପାରିଲାନି । ଦେବେନ୍ଦ୍ର ଫଡ଼ନଭିସ୍ ଆଜି ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି । ସେପଟେ ୧୬୨ ବିଧାୟକଙ୍କ ସମର୍ଥନ ଥିବା ଦାବି କରୁଥିବା ଶିବସେନା, ଏନ୍‌ସିପି ଓ କଂଗ୍ରେସ ସରକାର ଗଠନ ପାଇଁ ଜୋରଦାର ଉଦ୍ୟମ ଆରମ୍ଭ କରିଦେଇଛନ୍ତି ।…

ଏହି ଦୁଇ ଦୃଶ୍ୟ ଭିତରେ ମାତ୍ର ୭୮ ଘଣ୍ଟାର ବ୍ୟବଧାନ । ଆଉ ଏହି ୭୮ ଘଣ୍ଟା ଭିତରେ ଯାହାକିଛି ଘଟିଗଲା ତାହା ଭାରତୀୟ ରାଜନୀତି ଇତିହାସରେ ଏକ ନୂଆ ଫର୍ଦ୍ଦ ଯୋଡ଼ିଛି। ଶନିବାର ସକାଳୁ ସକାଳୁ ଯେତେବେଳେ ଦେବେନ୍ଦ୍ର ଫଡନଭିସ୍ ମୁଖ୍ୟମନ୍ତ୍ରୀ ଭାବେ ଓ ଅଜିତ ପାୱାର ଉପମୁଖ୍ୟମନ୍ତ୍ରୀ ଭାବେ ଶପଥ ନେଇଥିଲେ ତାହା ଭାରତୀୟ ରାଜନୀତିରେ ହଇଚଇ ସୃଷ୍ଟି କରିଥିଲେ । କେହି ଏହାକୁ ବିଜେପି ରାଷ୍ଟ୍ରୀୟ ସଭାପତି ଅମିତ ଶାହାଙ୍କ ମାଷ୍ଟର ପ୍ଲାନ୍‌ କହୁଥିଲେ ତ ଆଉ କେହି ଗଣତନ୍ତ୍ରର ହତ୍ୟା । ହେଲେ ଆଜି ସେଥିରେ ଯବନିକା ପଡ଼ିଛି ।ଆଉ ସରକାର ବଞ୍ଚାଇ ରଖିବା ପାଇଁ ଆବଶ୍ୟକ ବିଧାୟକ ସଂଖ୍ୟା ନଥିବାରୁ ଶେଷରେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି ଦେବେନ୍ଦ୍ର ଫଡ଼ନଭିସ୍‌ ।…

ତେବେ ଏହା ପୂର୍ବରୁ ମହାରାଷ୍ଟ୍ର ରାଜନୀତି ନେଇ ସୁପ୍ରିମକୋର୍ଟଙ୍କ ରାୟ ଆସିଥିଲା।ଆସନ୍ତାକାଲି ସଂଧ୍ୟା ୫ଟା ସୁଦ୍ଧା ବହୁମତ ପରୀକ୍ଷା ପାଇଁ ନିର୍ଦ୍ଦେଶ ଦେଇଥିଲେ ସୁପ୍ରିମକୋର୍ଟ । ଏଥିସହିତ ଓପନ ବାଲଟରେ ହିଁ ଆସ୍ଥା ଭୋଟ ହେବ ବୋଲି ସୁପ୍ରିମକୋର୍ଟ ସ୍ପଷ୍ଟ କରିଦେଇଥିଲେ। ଘୋଡ଼ା ବେପାର ରୋକିବା ଲାଗି କୋର୍ଟ ଏଭଳି ନିର୍ଦ୍ଦେଶ ଦେଇଥିଲେ। ଏ ସମୟ ଭିତରେ ବହୁମତ ସାବ୍ୟସ୍ତ କରିବା ବିଜେପି ପାଇଁ ମୁସ୍କିଲ ହୋଇଥିଲା। କାରଣ ସୋମବାର ସଂଧ୍ୟାରେ ଯେତେବେଳେ ଶିବସେନା-ଏନ୍‌ସିପି-କଂଗ୍ରେସର ବରିଷ୍ଠ ନେତା ମୁମ୍ବାଇର ହାୟତ୍ ହୋଟେଲରେ ଏକାଠି ହୋଇ ୧୬୨ ବିଧାୟକଙ୍କ ପରେଡ୍‌ କରାଇଥିଲେ ତାହା ବିଜେପିର ସବୁ ଗଣିତକୁ ଏପଟସେପଟ କରିଦେଇଥିଲା । ପ୍ରଧାନମନ୍ତ୍ରୀ ମୋଦି ଗୃହମନ୍ତ୍ରୀ ଅମିତ ଶାହା ଓ ବିଜେପି କାର୍ଯ୍ୟକାରୀ ସଭାପତି ଜେପି ନଡ୍ଡାଙ୍କ ସହିତ ଆଲୋଚନା କରିଥିଲେ। ଏହାର କିଛି ସମୟ ପରେ ଇସ୍ତଫା ଦେଇଥିଲେ ଫଡନାଭିସ।

ବିଜେପିର କାଳିଦାସ କୋଲମ୍ବକର ପ୍ରୋଟେମ୍ ସ୍ପିକର ହୋଇଛନ୍ତି ।ଏବେ ସମସ୍ତଙ୍କର ନଜର ଉଦ୍ଧବ ଠାକ୍‌ରେଙ୍କ ନେତୃତ୍ବରେ ଶିବସେନା-ଏନ୍‌ସିପି-କଂଗ୍ରେସ ସରକାର ଶପଥ ଗ୍ରହଣ କରିବାକୁ ।…

   Related Posts