ସୁରତ୨୫|୫: ଗୁଜରାଟ ସୁରଟ କୋଚିଂ ସେଣ୍ଟରରେ ନିଆଁ ଲାଗିବା ଘଟଣାରେ ମୃତ୍ୟୁ ସଂଖ୍ୟା ୨୦ରେ ପହଞ୍ଚିଛି । ୧୮ ଗୁରୁତର ବିଭିନ୍ନ ହସ୍ପିଟାଲରେ ଭର୍ତ୍ତି କରାଯାଇଛି । ସେମାନଙ୍କ ମଧ୍ୟରୁ କେତେକଙ୍କ ଅବସ୍ଥା ସଙ୍କଟାପନ୍ନ ରହିଛି । ଗୁଜରାଟ ମୁଖ୍ୟମନ୍ତ୍ରୀ ଘଟଣାର ତଦନ୍ତ ନିର୍ଦ୍ଦେଶ ଦେଇଥିବା ବେଳେ ହସ୍ପିଟାଲ ଯାଇ ଆହତଙ୍କୁ ଭେଟିଛନ୍ତି । କ୍ରାଇମବ୍ରାଞ୍ଚ କୋଚିଂ ସେଣ୍ଟର ମ୍ୟାନେଜର ସମେତ ୩ଜଣଙ୍କୁ ଗିରଫ କରିଛି ।…

{"id":115918}

ଯାଇଥିଲେ କୋଚିଂ ସେଣ୍ଟର ପାଠପଢିବାକୁ । ହେଲେ ଫେରିଲା ସେମାନଙ୍କ ମୃତଦେହ । କାହାର ପୋଡି ଯାଇ ମୃତ୍ୟୁ ହେଲା ତ ଆଉ କାହାର ଛାତରୁ ପଡି ମୃତ୍ୟୁ ହେଲା । ଗୁଜରାଟ ସୁରଟ କୋଚିଂ ସେଣ୍ଟରରେ କାଲି ଘଟିଥିବା ଅଗ୍ନିକାଣ୍ଡରେ ଏବେ ସୁଦ୍ଧା ୨୦ ଜଣଙ୍କ ମୃତ୍ୟୁ ହୋଇଛି । ଦେଖନ୍ତୁ ଏହି ଫଟୋ,  ଏହାହିଁ ବୟାନ କରୁଛି ନିଆଁ ଲାଗିବା ସମୟର ଭୟାବହତା ।ଅନେକ ଛାତ୍ରଛାତ୍ରୀଙ୍କ ମତ ନିଆଁ ଲାଗିବା ପରେ ବାହାରକୁ ବାହାରିବାକୁ ସମସ୍ତ ରାସ୍ତା ବନ୍ଦ ଥିବାରୁ ଛାତ୍ରଛାତ୍ରୀ ଜୀବନ ବଞ୍ଚାଇବାକୁ ୩ ମହଲା ଛାତରୁ ତଳକୁ ଡେଇଁବାକୁ ବାଧ୍ୟ ହୋଇଥିଲେ ।

{"id":115919}

କେବଳ ତଳେ ପଡି ୧୫ ଛାତ୍ରୀଙ୍କର ମୃତ୍ୟୁ ହୋଇଛି । ସେହିପରି ଅନ୍ୟାମାନଙ୍କର ଶ୍ବାସ ରୁଦ୍ଧ ଓ ପୋଡିଯାଇ ମୃତ୍ୟୁ ହୋଇଛି । ଅଗ୍ନିକାଣ୍ଡ ସମୟରେ ୫୦ରୁ ଅଧିକ ଛାତ୍ର ଓ ଶିକ୍ଷକ ବିଲ୍ଡିଂରେ ଉପସ୍ଥିତ ଥିବା ବେଳେ ମୃତକଙ୍କ ମଧ୍ୟରେ ଜଣେ ଶିକ୍ଷକ ମଧ୍ୟ ରହିଛନ୍ତି । ଘଟଣା ସ୍ଥଳରେ ୧୮ଟି ଦମକଳ ଗାଡ଼ି ନିୟୋଜିତ ହୋଇ ଆଗ୍ନିକାଣ୍ଡକୁ ଆୟତ୍ତ କରିଥିଲା । ଅଗ୍ନିକାଣ୍ଡରୁ ବର୍ତ୍ତି ଯାଇଥିବା କେତେକ ଛାତ୍ରଛାତ୍ରୀ ଓ ସେମାନଙ୍କୁ ଉଦ୍ଧାର କରିଥିବା କିଛି ବ୍ୟକ୍ତି ସେହି ସମୟର ରୋମଟାଙ୍କୁରା କଥା ବୟାନ କରିଛନ୍ତି ।

{"id":115922}

୧୮ରୁ ଅଧିକ ଗୁରୁତର ଛାତ୍ରଛାତ୍ରୀଙ୍କୁ ସୁରଟର ବିଭିନ୍ନ ହସ୍ପିଟାଲରେ ଭର୍ତ୍ତି କରାଯାଇଛି । ସେମାନଙ୍କ ମଧ୍ୟରୁ କିଛି ଛାତ୍ରଙ୍କ ଅବସ୍ଥା ସଙ୍କଟାପର୍ଣ୍ଣ ଥିବାରୁ ମୃତ୍ୟୁ ସଂଖ୍ୟା ବଢିବା ଆଶଙ୍କା କରାଯାଉଛି। ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି ଗୁଜରାଟ ମୁଖ୍ୟମନ୍ତ୍ରୀ ବିଜୟ ରୂପାଣୀ। ମୃତକଙ୍କ ପରିବାରକୁ ୪ ଲକ୍ଷ ଟଙ୍କାର ଅନୁକମ୍ପା ରାଶି ଘୋଷଣା କରିଛନ୍ତି । ଗତକାଲି ସଂଧ୍ୟାରେ ହସ୍ପିଟାଲ ଯାଇ ଆହତଙ୍କୁ ଭେଟିଛନ୍ତି ରୂପାନୀ ।

{"id":115923}

ଘଟଣାରେ କ୍ରାଇମବ୍ରାଞ୍ଚ କୋଚିଂ ସେଣ୍ଟରର ମ୍ୟାନେଜର ସମେତ ୩ ଜଣଙ୍କୁ ଗିରଫ କରିଛି । ଏହି ଦୁଃଖଦାୟକ ଘଟଣା ପରେ ଅହମ୍ମଦାବାଦ ସହରର ସମସ୍ତ କୋଚିଂ ସେଣ୍ଟର ସାମୟିକ ସମୟ ପାଇଁ ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି ଅହମ୍ମଦାବାଦ ମ୍ୟୁନିସାପାଲ କର୍ପୋରେସନ। ବିଲଡିଂ ତଳେ ଥିବା ଟ୍ରାନସଫର୍ମରରୁ ସର୍ଟ ସର୍କିଟ୍‌ ପରେ ବିଲଡିଂରେ ନିଆଁ ଲାଗିଯାଇଥିଲା ।

{"id":115920}

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଘଟଣାକୁ ନେଇ ଦୁଃଖ ପ୍ରକାଶ କରିଛନ୍ତି । ମୃତକଙ୍କ ପରିବାରକୁ ସମସ୍ତ ପ୍ରକାର ସହାୟତା ଯୋଗାଇ ଦେବାକୁ କହିଛନ୍ତି । କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ, ସମାଜବାଦୀ ପାର୍ଟି ପ୍ରମୁଖ ଅଖିଳେଶ ଯାଦବ ପ୍ରମୁଖ ଏହି ଘଟଣାରେ ଶୋକ ପ୍ରକାଶ କରିଛନ୍ତି।