ରେଢାଖୋଲ ୧୦|୧: ରେଢ଼ାଖୋଲ ନାକଟିଦେଉଳରେ ବିଷ ମିଶା ମଦ ପିଇ ମୃତ୍ୟୁ ଘଟଣାରେ ମୃତ୍ୟୁ ସଂଖ୍ୟା ୩କୁ ବୃଦ୍ଧି ପାଇଛି । ବୁର୍ଲାରେ ଚିକିତ୍ସାଧୀନ ଅବସ୍ଥାରେ ଆଉ ଜଣଙ୍କ ମୃତ୍ୟୁ ହୋଇଛି । ମୃତକ ହେଲେ ନାକଟିଦେଉଳ ଥାନା ଗୌଡପଡା ଗାଁର ଫକୀର ଖୁରା ।
ସୂଚନା ଅନୁସାରେ ଗତ ୪ ତାରିଖରେ ରାସ୍ତାରେ ପଡ଼ିଥିବା ବିଷ ମିଶା ବୋତଲକୁ ଗୌଡପଡା ଗାଁର ଫକୀର ଖୁରା, କପିଳେଶ୍ବର ବାଦା ଓ ମହୁଲପାଲି ଗାଁର ପବିତ୍ର ଦୀପ ଲୋଭରେ ପିଇଦେଇଥିଲେ । ସେହିଦିନ ପ୍ରଥମେ ପବିତ୍ରଙ୍କର ମୃତ୍ୟୁ ହୋଇଥିବାବେଳେ ପରେ କପିଳେଶ୍ବରଙ୍କର ମୃତ୍ୟୁ ହୋଇଥିଲା । ଗୁରୁତର ଫକୀର ଖୁରାଙ୍କୁ ବୁର୍ଲାରେ ଭର୍ତ୍ତି କରାଯାଇଥିଲା । ସେଠାରେ ଚିକିତ୍ସାଧୀନ ଅବସ୍ଥାରେ ଆଜି ତାଙ୍କର ମୃତ୍ୟୁ ହୋଇଛି । ମଦରେ ବିଷ ମିଶାଇ ହତ୍ୟା କରିଥିବା ଅଭିଯୋଗରେ ନାକଟିଦେଉଳ ପୋଲିସ ଗୌଡପଡା ଗାଁର ରାଜକିଶୋର ଖୁରାଙ୍କୁ ଗିରଫ କରି କୋର୍ଟ ଚାଲାଣ କରିଛି ।