Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ଚୀନ୍‌ରେ ଅଣାୟତ୍ତ ‘କରୋନା’ : ମୃତ୍ୟୁ ସଂଖ୍ୟା ଛୁଇଁଲା ୬୩୮, ଆହୁରି ବି ଭୟଙ୍କର ହୋଇପାରେ ସ୍ଥିତି

7/02/2020 at 10:59 AM

ବେଜିଂ ୭।୨: ଚୀନରେ କରୋନାରେ ମୃତ୍ୟୁ ସଂଖ୍ୟା ୬୩୮ ଛୁଇଁଲା । ସେହିପରି ଆକ୍ରାନ୍ତଙ୍କ ସଂଖ୍ୟା ୩୦ ହଜାରରୁ ଅଧିକ ନେଇ ସ୍ପଷ୍ଟ କଲେ ସ୍ବାସ୍ଥ୍ୟ କମିଶନ । ସ୍ଥିତି ଅହୁରି ଭୟଙ୍କର ହୋଇପାରେ । କରୋନାକୁ ବିଶ୍ବ ସଙ୍କଟ ଘୋଷଣା କରିଛି ଡବ୍ଲୁଏଚଓ । ତେବେ ଚୀନରେ ସ୍ଥିତି ସଙ୍ଗୀନ ରହିଥିବା ବେଳେ ଅନେକ ଲୋକ ଠିକରେ ଚିକିତ୍ସା ପାଇ ପାରୁନଥିବା ଭଳି ଅଭିଯୋଗ ମଧ୍ୟ ଆସୁଛି । ସେମାନଙ୍କ ମଧ୍ୟରୁ କେତେକ ହସ୍ପିଟାଲ ଆସିବା ପୂର୍ବରୁ ହିଁ ପ୍ରାଣ ହରାଉଛନ୍ତି । ଏଭଳି ପରିସ୍ଥିତିରେ କରୋନା ରୋଗ ଯିଏ ଲୁଚାଇବ ସିଏ ଦଣ୍ଡିତ ହେବେ ବୋଲି ଚୀନ ସରକାର ଘୋଷଣା କରିଛନ୍ତି ।

ଅନ୍ୟପଟେ ଚୀନରେ କରୋନା ଜନିତ ମୃତ୍ୟୁ ସଂଖ୍ୟା ପ୍ରାୟ ୨୫ ହଜାର ହେବ ବୋଲି ଚର୍ଚ୍ଚା ହେଉଛି । ଏକ ଲିକ୍ ରିପୋର୍ଟକୁ ଆଧାର କରି ତାଇୱାନର ଏକ ଖବରକାଗଜ ଏଭଳି ତଥ୍ୟ ପ୍ରକାଶ କରିଛି । ଏଥିରେ କୁହାଯାଇଛି ଚୀନର ଏକ ବହୁରାଷ୍ଟ୍ରୀୟ କମ୍ପାନୀ ଟାନସେଣ୍ଟ ଅନିଚ୍ଛାକୃତ ଭାବେ ପ୍ରକୃତ ତଥ୍ୟ ଲିକ୍ କରିଦେଇଛି । ଯେଉଁଥିରେ ବାସ୍ତବ ସଂଖ୍ୟାର ୧୦ ଗୁଣ ଆକ୍ରାନ୍ତ ହୋଇଥିବା କୁହାଯାଇଛି ।  ଚୀନରେ ଆକ୍ରାନ୍ତଙ୍କ ସଂଖ୍ୟା ୧ ଲକ୍ଷ ୫୦ ହଜାର ହେବ ବୋଲି  କମ୍ପାନୀ ତାର ୱେବ ପେଜରେ ପ୍ରକାଶ କରିଛି । 

ସେହିପରି ଚୀନ୍ ସରକାର କହୁଛନ୍ତି କରୋନାରୁ ୩ଶହ ଜଣ ଭଲ ହୋଇଥିବା ବେଳେ ଏହି ରିପୋର୍ଟରେ କୁହାଯାଇଛି ଯେ, ୨୬୯ ଜଣ ଏହି ରୋଗରୁ ଏଯାବତ୍ ଭଲ ହୋଇଛନ୍ତି । ସବୁଠାରୁ ଉଦବେଗର ବିଷୟ ହେଲା ମୃତକଙ୍କ ସଂଖ୍ୟା ଏଥିରେ ଦର୍ଶାଯାଇଥିଲା ୨୪ ହଜାର ୫୮୯ ।  ଯେତେବେଳେ ଟାନସେଣ୍ଟର ଏହି ତଥ୍ୟ ପ୍ରଘଟ ହୋଇଥିଲା ଏହାକୁ ନେଇ ବିବାଦ ସୃଷ୍ଟି ହୋଇଥିଲା ।  ତୁରନ୍ତ ଏହି କମ୍ପାନୀ ତାର ଡାଟା ଅପଡେଟ କରିଦେଇଥିଲା ଏବଂ ସରକାରୀ ତଥ୍ୟକୁ ସ୍ଥାନ ଦେଇଥିଲା ।

   Related Posts